Números 18:21 - Qullan Arunaca

²¹ “Levitanacarojj mä herenciäcaspas uqhamawa churta, cuntejj israelitanacajj achunacapat sapa tuncat maya churañanacapäqui ucanaca, jupanacan pagopawa Jiquisiñ Carpan sirvipjjatapata.

Aymar Bibliia 1986

²¹ “Levitanacarojj mä herenciäcaspas uqhamawa churta, cuntejj israelitanacajj achunacapat sapa tuncat maya churañanacapäqui ucanaca, jupanacan pagopawa Jiquisiñ Carpan sirvipjjatapata.

Qullan Arunaka DC

²¹ Leví chachat saraqirinakarux, mä tutïkaspas ukham uk churta, kuntix israelitanakax achunakapat sapa tunkat maya churañapäki ukanaka, qullan utjäwin irnaqapxatap layku.

Números 18:21 Jak'a apnaqawi uñst'ayäwi

Génesis 14:20

Alajjpachanquir Diosasti yupaychataraquïpan, jupaw enemigonacamarojj atipjaytam” sasa. Ucatsti Abramajj cuntejj aparancän ucanacatjja sapa tuncat maywa Melquisedecarojj churäna.

Génesis 47:24

ucampis faraonarojj cosechanacamatjja pheskëri parte churapjjäta; ucjjar pusi partëqui ucasti jathataquïniwa, jumanacana, wawanacamana, uqhamarac take qhitinacatejj jumanacampïqui ucanacan mank'añanacapataquiraqui —sasa.

Génesis 47:26

Uqhamwa Joseajj utt'ayäna take Egipto marcanjja cosechanacat pheskëri parte faraonar churasiñapa, aca leyisti jichhacamaw utjasqui, ucampis sacerdotenacajj janiw cunsa churapcaraquiti, orakenacapajj janipuni faraonancatap laycu.

2 Crónicas 31:12

ucaruwa jan armasisa churäwinaca uchapjjäna, tuncat mayäqui uc churapcäna ucanaca, uqhamarac Tatitur loktatäcäna ucanacsa. Ucanaca uñjañapataquisti Conanías sat levitaruwa jilïrita utt'ayapjjäna, uqhamarac Simei jilaparuraqui jupar yanapt'añapataqui.

Nehemías 10:29

mayachasipjjänwa familianacaparu, uqhamarac jilïrinacaparu, ucatsti amtasipjjänwa suma arust'äwir mantañataqui. Jupanacasti juramento lurapjjäna suma sarañataqui, cuntejj Diosajj churcäna leyinaca Moisés sirvirip toke, uqhamat suma phokhapjjañapataqui take camachi arunacapa, suma arsüwinacapa, uqhamarac Tatitusan leyinacapsa.

Nehemías 10:37

Uqhamaraquiw amtasipjjaracta apañataqui Diosasan templopan pirwanacaparu sacerdotenacaru churañataqui, sumïri jac'unacata, take kokanacan achunacapata, nayrïri vinota, uqhamarac aceitetsa. Ucatsti levitanacan ucaru apaña cosechanacasata tuncat mayïrïqui uca, jupanacawa catokerïpjjejja take yapunacasata tuncat mayïrïqui ucjja.

Nehemías 10:38

Cunapachatï levitanacajj apthapiri sarapcani tuncat mayïrïqui ucqhajja, Aarón ucan wawapa mä sacerdotewa jupanacamp chicajj sararaquini. Ucatsti levitanacajja Diosasan templopan pirwanacaparuwa apapjjañapäni tuncat mayïrïqui ucan tuncat mayïripäcaraqui uca.

Nehemías 12:44

Qhaya urunacataquisti utt'ayasipjjänwa cawquïr chachanacatejj uñjapjjañapäqui kollke imaña pirwanaca, ofrendanaca, nayrïri achunaca, uqhamarac diezmonaca uchañanacaraqui, ucarcama jupanacajj imapjjañapataqui, leyir phokhasa cunanacatejj sapa marcan orakenacapata purincäna sacerdotenacataqui, uqhamarac levitanacataqui ucanaca; Judänquir jakenacasti cusisitäpjjänwa sirvipcäna uca sacerdotenacampi uqhamarac levitanacampisa uca laycu.

Nehemías 12:47

Uqhamasti Zorobabel, uqhamarac Nehemías ucanacan urunacapanjja, take Israel marcpachawa sapüru mank'añanaca churapjjerïna k'ochurinacaru, uqhamarac puncu uñjirinacarusa, jupanacasti levitanacarojj cunatejj wact'qui ucanacaracwa churapjjaraquirïna, ucatsti levitanacajj uca pachparaqui churapjjaraquirïna Aarón ucat saraker wawanacaparu.

Nehemías 13:12

Ucatjja take Judänquirinacawa pirwanacaru apanipjjäna diezmonacapa trigota, vinota, uqhamarac aceitetsa.

Nehemías 13:5

jupajj churataynawa mä jach'a uta, cawqhantï nayrapachajj ofrendanac imañäcäna, inciensonaca, yänaca, uqhamarac diezmonaca: trigota, vinota, aceiteta, levitanacar churañäcäna, k'ochurinacarusa, uqhamarac puncu uñjirinacarusa, ucjjarusti cunanacatejj sacerdotenacaru churañäcäna ucanacaraqui.

Malaquías 2:4

Uqhamatwa yatipjjäta nayan aca camachi arunaca jumanacaru churatajja, uqhamata Leví tribumpi suma arust'äwiru mantatajjajj jan tucusiñapataqui.” Uqham siwa take ch'aman Diosajja.

Malaquías 3:10

Diezmonacsti phokhatpach apanipjjam nayan utajjaru, uqhamat utajjan mank'añajj utjañapataqui. Ucatsti jichhajj yant'apjjaraquita, nayaw jumanacaru alajjpach ventananac jist'aranisina walja bendicionanac apayanipjjäma jilarquiriraqui.

Números 18:6

Nayaw yakhachta levita jilanacamarojja, israelitanac taypita jumanacaru churañataqui, Jiquisiñ Carpan luräwinacan sirvipjjañapataqui.

Números 3:6

“Leví tribun jakenacaparu jawsayam, jupanacan Aarón sacerdoten ewjjanacapa ist'apjjañapataqui, ucat uqhamarjam sirvipjjañapataqui.

Números 31:28

Uqhamaraquiw nayataquejj jilt'ayaraquïta, cawquïri soldadonacarutejj wact'qui ucanacata, jakenacatsa vacanacatsa, asnonacatsa, ovejanacatsa maya jilt'ayäta sapa pheska patacata.

Gálatas 6:6

Qhititejj Tatitun arunacap catokqui ucajja, yatichquis ucamp chicaw asquinac lurapjjañapa.

Deuteronomio 18:8

Ucatsti quipca mank'añanacaracwa jupanacajj mayninacjam catokapjjani, awquinacapat yakha herencia catokapcani ucanacampi cuna.

Hebreos 7:5

Moisesan leyinacapanjja, sacerdotenacajj Leví satan wawanacapänwa, ucanacaquiw jakenacatjja take cunat diesmo mayipjjañapänjja, familianacapäcchisa, uqhamarac Abrahaman wawanacapäcchi ucasa.