Números 18:21 - Qullan Arunaka DC

²¹ Leví chachat saraqirinakarux, mä tutïkaspas ukham uk churta, kuntix israelitanakax achunakapat sapa tunkat maya churañapäki ukanaka, qullan utjäwin irnaqapxatap layku.

Aymar Bibliia 1986

²¹ “Levitanacarojj mä herenciäcaspas uqhamawa churta, cuntejj israelitanacajj achunacapat sapa tuncat maya churañanacapäqui ucanaca, jupanacan pagopawa Jiquisiñ Carpan sirvipjjatapata.

Qullan Arunaca

²¹ “Levitanacarojj mä herenciäcaspas uqhamawa churta, cuntejj israelitanacajj achunacapat sapa tuncat maya churañanacapäqui ucanaca, jupanacan pagopawa Jiquisiñ Carpan sirvipjjatapata.

Números 18:21 Jak'a apnaqawi uñst'ayäwi

Génesis 14:20

Alaxpachankir Diosasti yupaychatäpan, jupaw uñisirinakamarux atipjaytam” sasa. Ukxarusti Abram chachax kuntix aparankän ukanakatxa, sapa tunkat maya Melquisedec reyir churäna.

Génesis 47:24

ukampis faraonarux yapu achunakamat chikatan chikatap churapxäta; ukxarüki uka chikatanakasti jathatakïniwa, ukatsti jumanakana, wawanakamana, khitinakatix jumanakampïki ukanakan manq'añapatakïniwa —sasa.

Génesis 47:26

Joseax ukham mä kamachi utt'ayäna taqi Egipto markan achunak apthapitanakat chikatan chikatap faraonar churañataki; uka kamachisti jichhakamaw utjaski, sacerdotenakan uraqinakapakiw jan faraonankkänti.

2 Crónicas 31:12

ukaruw sapa tunkat maya churapkäna, ukhamarak Tatitur luqtat waxt'äwinaksa imapxäna. Taqi ukanak uñjañapatakisti, Conanías sat levitaruw jilïrit utt'ayapxäna, Simí jilaparusti jupa lanti uñjiritakiraki.

Nehemías 10:29

29 (30) wila masinakaparu, jilïrinakaparuw mayachasipxäna, ukatsti kuntix Diosax Moisés luqtirip tuqi kamachinak churkatayna ukarjam sum sarnaqañatakiw juramento lurapxäna, ukhamarak Tatitusan taqi kamachinakapsa, arunakapsa, arsüwinakapsa phuqhañataki.

Nehemías 10:37

37 (38) Tatitusan utapan utjir pirwanakapatakisti nayrïr trigo achut lurat jak'u, taqi quqanakan nayrïr achunakapata, nayrïri vinota, nayrïr aceitet apañatakiw amtasipxarakta, taqi ukanaksti sacerdotenakar churañataki, ukatsti yapunakaxat achur juyranakat sapa tunkat maya, levitanakatak apañataki, jupanakaw taqi yapunakat sapa tunkat mayäki ukanak apthapirixa.

Nehemías 10:38

38 (39) Levitanakax sapa tunkat may apthapir sarapkani ukkhasti, Aarón chachat saraqir mä sacerdotew jupanakamp chika sararakini. Ukatsti levitanakax apthapitanakat Tatitusan utapan utjir pirwanakaparuw sapa tunkat mayäki ukan sapa tunkïrip apapxañapa.

Nehemías 12:44

Khaya urunakansti utt'ayasipxänwa kawkïr chachanakatix qullqi imaña pirwanaka, waxt'äwinaka, nayrïri achunaka, sapa tunkat may churäwinak uchañanak uñjapxañapäki ukanakaru, kamachinakarjam phuqhasa, kunanakatix sacerdotenakataki, levitanakataki sapa markan uraqinakapat purinkän ukanak ukarkam imapxañapataki; Judänkir jaqinakasti sacerdotenakana, levitanakana luräwinakapampix kusisitäpxänwa.

Nehemías 12:47

Ukhamasti, Zorobabel, Nehemías chachanakan urunakapanxa, israelitanakax taqiniw q'uchurinakaru, punku uñjirinakaru sapüru manq'añanak churapxirïna; levitanakarux kunatix wakt'ki ukanak churapxarakirïna, uka levitanakasti Aarón chachat saraqiri wawanakaparuw churapxäna, kunatix wakt'ki ukhamarjama.

Nehemías 13:12

Judänkirinakasti sapa tunkat maya churäwi pirwanakar apanipxäna: trigo, vino, aceite taqi ukanaka.

Nehemías 13:5

Tobiasarux mä jach'a uta churatayna; kawkhantix nayrapachax waxt'äwinaka, inciensonaka, yänak imañäkäna, ukhamarak sapa tunkat maya churäwinaka, trigo, vino, aceite imañäkän uka uta. Taqi ukanakasti levitanakaru, q'uchurinakaru, punku uñjirinakaru, sacerdotenakar churañatakïnwa.

Malaquías 2:4

Ukhamat yatipxäta, nayan aka kamachi arunak jumanakaru churataxa, Leví ayllumpi suma arust'äwir mantataxan jan tukusiñapataki” siwa, taqi ch'aman Tatituxa.

Malaquías 3:10

Sapa tunkat maya churañamäki uksti nayan utaxar apanipxam, ukhamat manq'añax utaxan utjañapataki. Jichhax yant'apxita, nayaw jumanakaru alaxpach ventananak jist'arasin jilarkir suma waxt'äwinak apayanipxäma.

Números 18:6

Nayaw levita jilanakamarux israelitanak taypit yaqhachta, jumanakar churañataki, Tatitump Jikisiñ Carpan luräwinakan yanapasipxañapataki;

Números 3:6

“Leví ayllunkirinakar jawsayam, Aarón sacerdoten arsutaparjam jupar yanapapxañapataki.

Números 31:28

Soldadonakar wakt'ki ukanakatxa, sapa phisqa patakat maya jilt'ayarapita, warminakatsa, vacanakatsa, asnonakatsa, ukhamarak ovejanakatsa,

Gálatas 6:6

Tatitun arunakap katuqirix, yatichiripar askinak katuqatapat churañapawa.

Deuteronomio 18:8

ukatsti qawqtix mayni sacerdotenakax manq'añanak katuqapki ukkharak jupax katuqani, awkipat yaqha katuqäwi katuqkani ukanakampi.

Hebreos 7:5

Moisesan kamachi arunakaparjamax Leví chachat saraqir sacerdotenakax jaqinakarux taqi kunat sapa tunkat may wayt'añapänwa, wila masinakapäpkchïna, jupanakjam Abrahamat saraqir wawanakapäpkchïn ukasa.