Números 18:20 - Qullan Arunaka DC

²⁰ Tatitusti Aaronarux sänwa: “Janiw jumanxa Israel jaqinak taypin uraqimasa, tuti katuqäwimas utjkaniti. Nayaw Israel markan juman uraqimäyäxa, tutimäyäsa.

Aymar Bibliia 1986

²⁰ Tatitu Diosasti Aaronarojj sänwa: “Janiw jumanjja orakemasa, ni herenciamasa israelanjja utjcaniti mayni israelitanacanjamajja. Nayaw juman orakemäyäjja, herenciamäyäsa, Israel marcanjja.

Qullan Arunaca

²⁰ Tatitu Diosasti Aaronarojj sänwa: “Janiw jumanjja orakemasa, ni herenciamasa israelanjja utjcaniti mayni israelitanacanjamajja. Nayaw juman orakemäyäjja, herenciamäyäsa, Israel marcanjja.

Números 18:20 Jak'a apnaqawi uñst'ayäwi

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Salmos 142:5

5 (6) Tatay, jumaruw art'asinsma, jumaruw saraksma: “Jumätaw nayan imantasiñaxaxa; jumakiw aka jakañ uraqin taqi kunaxätasa” sasa.

Salmos 16:5

Tatay, jumaw nayan taqi kunaxätaxa; jumaw askinakamampi phuqhantista; jakañaxax amparamar katuyatawa.

Salmos 73:26

Chuymaxasa, janchixas tukusiskiwa, ukampis Diosaw wiñay katuqäwixaxa, jupaw chuymaxarux katxäsiski.

Lamentaciones 3:24

Naya pachpas sasiraktwa: “¡Nayatakix Tatitukiw taqi kunasa; ukatpï jupar iyawsaraktxa!” sasa.

Ezequiel 44:28

“Sacerdotenakatakix naya sapakiw uraqi churiripäyä. Jupanakarusti janirakiw kuna uraqis Israel markan churaskaniti. Nayätwa jupanakatakix taqi kunapasa.

Números 18:7

ukampis jumampi, wawanakamampikiw sacerdote luräwinak phuqhapxäta, altarana, velo qhipäxansa. Uka lurañasti jumanakaruw wakt'apxtam, nayaw jumanakar sacerdote luräwinak churapxsma. Maynitix jan sacerdotëkasin sacerdoten luräwip luranixa, jiwañapatak juchañchatäniwa” sasa.

Números 26:62

Leví chachat saraqir taqpach yuqall wawanakapax mä phaxsinit amstarux, pä tunka kimsan waranqanïnwa. Jupanakasti janiw israelitanak taypin jakhutäkänti, uraqix jupanakar jan churatätap layku.

Deuteronomio 10:9

ukat Leví ayllunkirinakax jilanakap taypin jan uraqinïpkiti, jupanakan katuqäwipax Tatituwa, kamisatix Tatitux arskäna ukhamarjama.

Deuteronomio 12:12

Ukatsti mä jach'a kusisiñ uru jumanakax Tatit Diosaman nayraqatapan lurapxäta taqi wawanakamampi, uywatanakamampi chika, jumanak taypin jakir levita jaqinakamp chika, jupanakasti janiw jumanak taypin kuna uraqinaksa katuqapkiti.

Deuteronomio 14:27

“Markanakaman jakir levitanakarusti janipuniw apanukupxätati, jupanakasti janiw uraqinak jumanakjam katuqapkiti.

Deuteronomio 14:29

Ukhamat jan uraqini levitanakasa, jumanak taypin jakapki uka jayat jutir jaqinakasa, wajchanakasa, ijma warminakasa sist'asiñkam manq'apxañapataki. Aka yatichäwinaktix jaysapxätaxa, Tatit Diosamax taqi luratanakaman aski waxt'äwip churapxätam.

Josué 13:14

Moisesax janiw Leví ayllunkirinakarux uraqinak churkänti, jupanakatakisti kawkïri waxt'äwinakatix Israelan Tatitu Diosan sutipxaru nakt'ayata luqtatäki ukanakäñapänwa, kunjämtix jupa kipka arsuwaykäna ukarjama.

Josué 13:33

Ukampis Leví ayllunkirinakarux janiw kuna uraqsa churkänti, jan ukasti jupanakarux sänwa: “Israelan Tatitu Diosapaw jumanakan katuqäwimaxa” sasa.

Josué 14:3

Moisesax Rubén, Gad ayllunakarux Jordán jawir khurkatan utjir uraqinak niyaw churxatayna, ukhamarak Manasés ayllunkirinakat chikat jaqiparu, ukampis levitanakarux janiw uraq churkänti.

Josué 18:7

Levitanakarux janiw kuna uraqis wakt'kaniti, jupanakarux Tatit nayraqatan sacerdote luräwinaka phuqhañaw wakt'i. Ukatsipana, Gad, Rubén ayllunkirinaka, ukhamarak Manasés ayllunkirinakan chikat jaqipax, Jordán jawirat inti jalsu tuqiruw uraqinak katuqxapxi, uka uraqinaksti Tatitun luqtiripa Moisesaw jupanakarux churxi” sasa.

Apocalipsis 21:3

Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.