Efesios 2:12 - Qullan Arunaka DC

¹² Khä urunakasti jumanakax jan Cristoniw jakapxäyätaxa, janirakiw Israel markankirïpkäyätati, Diosan arust'äwip jan uñt'asa, aka uraqin jan kuna suyt'äwini, jan Diosaniw jakasipkäyätaxa.

Aymar Bibliia 1986

¹² Uca tiempojj jumanacajj jan Cristonïsipcäyätawa, Israel marcatsti jayanraqui, Diosan arust'äwinacap jan uñt'asina, aca orakenjja jan cuna suyt'añani, jan Diosaniraquiw jacasipcäyätajja.

Qullan Arunaca

¹² Uca tiempojj jumanacajj jan Cristonïsipcäyätawa, Israel marcatsti jayanraqui, Diosan arust'äwinacap jan uñt'asina, aca orakenjja jan cuna suyt'añani, jan Diosaniraquiw jacasipcäyätajja.

Efesios 2:12 Jak'a apnaqawi uñst'ayäwi

Génesis 15:18

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

2 Crónicas 15:3

Israel markax jaya maranakaw jan chiqpach Diosani sarnaqxäna, janiw jupanakar yatichiri sacerdotenakas utjkxänti, janirakiw Diosan kamachi arunakapas yatichatäkxänti.

Esdras 4:3

Ukampis Zorobabel chachampi, Josué chachampi, maynïr jilïr irpir judionakampix ukxarux sapxänwa: —Janiw jumanakampi chik lurapkiristti. Nanak sapakiw Tatit Diosaxatakix utap lurapxä, Persiankir Ciro reyix ukham sapxarakitu —sasa.

Éxodo 12:45

Janiw jaya markankirisa, qullqit irnaqir jaqisa uka luqtat uywa manq'añapäkiti,

Isaías 14:1

Israel markat khuyapt'ayasitapatxa, Tatitux wasitat jupan ajllisit markapat uñt'asxistani. Tatitux uraqisaruw kuttayanxistani. Yaqha markan utjir jaqinakasti markas taypin jawsayasiñatakiw jutapxani, ukatsti markasampiw mayachasxapxani.

Isaías 44:6

Tatitu, jach'a reyi, Israelan qhispiyiripa, taqi ch'amani Tatitux siwa: “Nayätwa qalltasa, tukuyasa; nayat juk'ampix janiw yaqha diosax utjkiti.

Isaías 45:20

“Tantacht'asipxam, jutapxarakim, markanakat jilt'iri taqi jakirinaka, taqini jak'achasinipxam. Jan yatiñan jaqinakaw utji, uka diosanakapsti uksar aksar muyuyasaw apnaqapxi, uka jan qhispiyir diosaruw mayisipxi.

Isaías 61:5

Yaqha markat jutir jaqinakaw uywanakamsa, yapunakamsa, uva yapunakamsa uñjapxani.

Jeremías 14:8

Israelan suyt'äwipa, jan walt'añanakan nanakar qhispiyiri, ¿kunatsa nanakatakix mä jaya jaqïkasmas ukham tukta, thakhi sarir jaqix mä jayp'uki ikt'awayi ukhama?

Jeremías 17:13

Tatay, jumaw Israelan suyt'añapätaxa. Taqi jumar apanukuristi p'inqachjatäniwa. Taqi jumat jayarst'iristi thayan apat laq'jamaw chhaqtxani, juma, suma jalir umjam Tatitur apanukutapata.

Ezequiel 13:9

K'ari unañchäwinak uñjiri profetanakaru, k'ari profecía arunak parliri profetanakarus mutuyäwa. Israel markaxan tantachasïwinakapansti janiw kuna parlañanakapas utjkaniti; sutinakapasti janiw israelitanak taypin qillqatäkaniti, janirakiw israelitanakan uraqinakaparus mantapkaniti. Ukapachaw jumanakax nayan Tatitütax yatipxäta.’

Ezequiel 37:26

Jupanakan jan kun axsaras jakasipxañapatakisti mä arust'äwi lurä. Ukasti wiñay arust'äwïniwa. Nayaw jupanakarux waljaniru tukuyxä, jupanak taypirusti wiñayatakiw nayan qullan utax ucharakï.

Ezequiel 47:22

Uka uraqisti jumanakaru wakt'apktam uka tutiwa, ukhamaraki kawkïr jaqinakatix yaqha markanakat jutasin jumanak taypin jakapkani, wawanakanïpkarakini ukanakarus wakt'arakini. Jupanakarusti Israel uraqin yurirïpkaspas ukham uñjapxäta. Israel ayllunakar uraqi lakintapkäta ukkhasti, jupanakarux wakt'arakiniwa.

Oseas 3:4

Walja maranakaw israelitanakax jan reyini, jan jilïr irpirini sarnaqapxani, wilañchanak jan luqtasa, jan altaranakani, jan sacerdotenakani, jan yaqha diosanakani.

Números 18:19

Israelitanakax nayatak yaqhachapkani taqi uka churäwinaksti, jumaruw churäma, ukhamarak jumamp chika jakkani uka yuqall wawamampiru, imill wawamampiru. Uka arsutax wiñayatak arsut kamachiwa. Jan p'akintkaya, wiñay arust'äwiwa, nayaw jumampi, juman saraqirinakamamp uka arust'äwi lurta.”

Lucas 1:72

nayra awkinakasat khuyapayasisa, janirakiw qullan arsutanakapat armt'askaniti.

Juan 10:16

Yaqha ovejanakax utjarakituwa; ukanakasti janiw aka tamankirïkiti; ukanakarux anakiniñaxarakiwa. Jupanakax ist'apxitaniwa, ukatsti mä sapa tamakïniwa, mä sapa awatirinikiraki.

Juan 15:5

“Nayätwa uva alixa, jumanakasti layminakäpxtawa. Khititix nayampïki, nayasti jupampïkarakta ukax, walja achu churi, ukhamasti jan nayampix janiw kuns lurapkasmati.

Juan 4:22

Jumanak samaritanonakasti janiw yatipktati khitir yupaychañsa. Ukampis nanak judionakax khitir yupaychañsa yatipxtwa. Qhispiyiristi judionak taypit mistuni.

Hechos 2:39

Aka arsutax jumanakatakiwa, wawanakamatakiwa, jayankirinakampitakiwa; qawqhanirutix Dios Tatitusax jawskani jupanakampitakirakiwa.

Hechos 28:20

Ukat jichhax jumanakar jawsayapxsma, jumanakamp jikisisin parlt'asiñataki. Jiwas israelitanakan suyt'äwiw utjkistu, uka suyt'äwi laykuw aka cadenanakamp ñach'antat uñjasta —sasa.

Hechos 3:25

Diosax profetanak tuqi arsuwayki ukax jumanakatakiwa, Diosampi, jumanakan nayra awkinakamamp mä arust'äwi lurawayki ukax jumanakatakirakiwa. Diosax Abrahamaruw säna: ‘Juman wawanakam tuqiw taqi akapachankir jaqinakax aski waxt'äwinak katuqani’ sasa.

Romanos 9:8

Ukax sañ muni, janiw khitis wila masïtap laykukix Diosan wawapäkaspati; jan ukasti khitinakatix Diosan arsutaparjam phuqhapki jupanakaw wawanakapaxa.

Gálatas 4:8

Nayrax, jumanakax Diosar janïr uñt'apkäyät ukkhaxa, k'ari diosanakaruw luqtapxäyätaxa.

Efesios 2:19

Ukhamasti, janiw jumanakax yaqha markankirïpktati, janirakiw jan uraqinïpktasa, jan ukasti jichhax qullan markampix mayakiw jakasipxtaxa, Diosan utapankirïpxaraktawa.

Efesios 4:18

amuyupas ch'amakt'atawa. Jupanakasti janiw Diosat jutki uka jakäwit kusisipkiti, chuymanakap qalarayasipxatap laykusti, janiw kunsa yatipkiti.

Colosenses 1:21

Jumanakasti nayrax Diosat jayarst'ataw jakapxäyäta, jan wali luratanakam laykusti, chuymanakaman jupan uñisiripäpxäyätawa,

Colosenses 1:27

Diosasti taqi markankirinakaruw aka suma amtäwi yatiyañ munäna, uka amtäwisti, Diosax Cristoruw jumanak taypir jakir khithanïna, juparakiw kuntix katuqapkäta uka suyt'äwisaxa.

Colosenses 1:5

kawkïr suyt'äwitix jumanakatak alaxpachan imatäski uka layku. Uka tuqitsti niyaw ist'apxta kunapachatix Diosan suma yatiyäwi arunakapax arsutäkän ukkhatpacha,

1 Tesalonicenses 4:13

Jilatanaka, jiwatanakat sum yatipxañam munapxta, ukhamat jumanakan jan suyt'añan jaqinakjamax jan llakisisipkañamataki.

1 Tesalonicenses 4:5

jan khitis inampst'añ chuymampi, jan wali amtañanakampi apayaspati, kunjämtix Diosar jan uñt'ir jaqinakax lurapki ukhama.

2 Tesalonicenses 2:16

Pachpa Jesucristo Tatitusasa, Dios Awkisasa khuyapayasiñap laykuw munasistu, ukatsti wiñay chuymachäwi, suyt'äwi churarakistu,

1 Timoteo 1:1

Munat Timoteo: Jumaruw aruntansma. Naya Pablox, Jesucriston apostolupätwa, Qhispiyir Diosampi, jiwasan suyt'äwisa Tatit Jesucristompiw aka qillqat jumar yatiyir khithanipxitu. Timoteo, nayatakix jumax iyawsäwin chiqpach wawaxätawa. Ukat Dios Awkisaru, Tatit Jesucristosarux mayta jumar munañapataki, taqi kunan yanapañapataki, samarañapsa churañapataki.

Hebreos 11:34

jan jiwarkay ninsa jiwarayapxänwa, espadampi jiwayatäñatsa jaltapxarakïnwa, jan ch'amanïkasas ch'am apsusaw nuwasiñatakix sayt'asipxäna, uñisirinakapan ejercitopar atipjasa.

Hebreos 6:18

Aka pä luräwix janiw mayjt'kaspati, ukanakat Diosax janiw k'ariskaspati; khitinakatix Diosan imantasiñap thaqhapktan ukanakax mä jach'a chuymachasïwi katuqtan, jupax churkistu uka suyt'äwirus iyawsaraktan.

Hebreos 8:6

Ukampis jiwasan Jilïr sacerdotesax juk'ampi suma sacerdote luräwip katuqi, Diosampi, jaqinakampi sumankthapiyir machaq arust'äwiwa, ukasti suma arsutanakapxar utt'ayatawa.

1 Pedro 1:21

Jumanakasti Cristo tuqirakiw Diosarux iyawsapxtaxa, uka Diosarakiw Cristorux jiwatanak taypit jaktayi, jach'arus aptaraki; ukatpï jumanakax Diosarux iyawsapxtaxa, suyt'apxaraktasa.

1 Pedro 1:3

Jesucristo Tatitusan Awkipar yupaychañäni, jupaw jach'a khuyapayasiñapat Jesucriston jiwatanak taypit jaktatap tuqi machaqat yuriyistu. Ukaw jiwasanakarux suyt'añana jakayarakistu,

1 Pedro 3:15

jan ukasti chuymanakaman Tatitur jach'achapxam. Khitinakatix jumanakar suyt'añanakamxat jiskt'apkätam ukanakar arsuñatak wakicht'atäpxam,

1 Juan 3:3

Khitinakatix Jesucriston suyt'äwinïki ukax jupa pachpaw q'umachasi, kamisatix Jesucristox q'umäki ukhama.