2 Samuel 5:7 - Qullan Arunaca

Ucampisa Davidajj Sión chekan sayt'asiñajj utjcänsa ucjja catuntaraquïnwa, jichhasti Davidan Marcapat uñt'atawa.

Aymar Bibliia 1986

Ucampisa Davidajj Sión chekan sayt'asiñajj utjcänsa ucjja catuntaraquïnwa, jichhasti Davidan Marcapat uñt'atawa.

Qullan Arunaka DC

Ukampis, Davidax Sión suma utt'ayat marka katuntäna, jichhasti uka chiqax Davidan Markapat uñt'atawa.

2 Samuel 5:7 Jak'a apnaqawi uñst'ayäwi

2 Samuel 5:8

Davidasti ucapachajj saraquïnwa: “Qhitinacatejj jebuseo jakenacaru nuwjcani ucanacasti uma canalanjam mantapjjpan, ucatsti juyqhunacampiru, cojonacampiru jiwaraypan, nayasti ucanacarojj walpun uñisiractjja.” Ucatwa uca säwejj jutaraqui, “Juyqhunacasa, cojonacasa janiw Tatitun utaparojj mantapcaspati” sasa.

2 Samuel 5:9

Uca khepatsti Davidajj uca sayt'asiña chekaruw utjantasïna, ucatsti Davidan Marcapa sasaw suticharaquïna. Ucat uca marcarojj mä jach'a perkampiw muyuntayaraquïna, Milo sisqui uca chekata, palaciocama.

2 Samuel 6:10

Cunjämatejj jani Tatitun arcapa apaña muncjjapjjänti Davidan Marcaparu, ucatsti Obed-edom sat jaken utaparu jaytanipjjañapataquiw arsuraquïna, jupasti Gat sisqui uca chekanquiriraquïnwa.

2 Samuel 6:12

Cunapachatejj Davidaru yatiyapjjäna, cunjamtï Tatitojj Obed-edom jakeru uqhamaraqui take familiaparu bendicïna, arcan utapancatap laycu, ucapachasti Davidajj jach'a cusisiñampiw Diosan arcapjja Obed-edom jaken utapat aptayanjjäna, Davidan Marcaparu.

2 Samuel 6:16

Cunapachatejj Tatitun arcapajj Davidan Marcaparu purjjän ucapachasti, Saúl reyin phuchapa Mical warmejj ventanatwa uñtasinïna, rey Davidaru cusisitapata, uqhamarac thokhotapatsa Tatitun nayrakatapana, Davidarojj wali chuymapanjja jisc'achäna.

1 Reyes 2:10

Davidajj jiwjjänwa, ucatsti imt'atäjjaraquïnwa Davidan marcaparu, nayra awquinacapampi chica.

1 Reyes 3:1

Salomonajj Egiptonquir reyimpiw familiaru tucüna, jupasti phuchapampiwa casarasïna, ucatsti Davidan marcaparuwa irpäna, cunapachatï palaciopasa, Tatitun templopasa, uqhamarac muytpacha Jerusalén perkasa luraña tucuyasiscäna ucapacha.

1 Reyes 8:1

Ucatsti Salomonajj Jerusalenanjja tantachänwa jupan nayrakatapana Israelanquir chuyman awquinacaru, tribunacan jilïrinacaparu, uqhamarac israelitanac taypina wali aytat jakenacaru, Tatituna sumancäwi arcapa apjjañataqui Davidana marcapata, ucajj Sión sataraquïnwa.

1 Reyes 9:24

Faraonan phuchapasti Davidana marcapatjja sarjjänwa Salomonajj jupataqui palacio lurcäna ucaru. Ucatsti jupajj lurayänwa Milo sat sayt'asiñ Chekaru.

1 Crónicas 11:7

Khepjjarusti Davidajj uca nuwasiñatac lurat utaruw utt'asjjäna, ucatwa sutichapjjäna Davidan Marcapa sasa.

2 Crónicas 24:16

Ucatsti imt'jjapjjänwa Davidan Marcapana, reyinacamp chica, jupajj Israel marcampisa, Diosampisa suma asquina sarnakatap laycu.

2 Crónicas 5:2

Ucatsti Salomonajj Jerusalenanjja tantachänwa Israelanquir jilïri jakenaca, tribunacan take jilïrinacaparu, uqhamarac israelitanacan familianacapan jilïrinacaparu, Tatitun arust'äwi arcapa apjjañataqui Sión sata Davidan Marcapata.

Nehemías 3:15

Uma Jalsu puncu satäquisa ucjja asquicharaquïnwa, Salum sat chacha, jupasti Colhoze sat chachan yokapa, uqhamaraqui Mizpa sat distriton apnakeripa; jupajja asquichäna, utachjjataraquïnwa, uqhamaraqui puncunacaparojja uchäna cerrojonacampi, barranacapamppacha. Uqhamaraqui asquicharaquïnwa Siloé sat uma estanquen perkapa, ucasti reyin jardinapa jac'ancaraquïnwa, uqhamasti asquichänwa Davidan marcapata sarakanqui uca sarakañ maqhatañanaccama.

Salmos 132:13

Tatituw Sión kollurojj ajllisi, ucawjan jacañataquiw jupajj chhijllasi, aqhäm saraqui:

Salmos 2:6

“Naya pachpaw reyijjarojj ajllista, Sión, kollan kollojj patjjaruw utt'ayta” sasa.

Salmos 48:12

Sión koll muytapjjpan, torrenacap jact'apjjpan,

Salmos 48:3

Diosajj Jerusalen utjäwip taypinjja, suma arjjatirit uñt'ayasi.

Salmos 51:18

Tatay, munasiñam laycuy Sión marcarojj asc luram, Jerusalenan perkanacap wasitat sayt'ayam.

Salmos 87:2

Tatitojj Sión marcan puncunacaparojj munasiwa, Jacobon takpach utjäwinacapat juc'amp munasi.

Salmos 9:11

Sión kollun jaquir Tatitur k'ochupjjam, muspharcañ luratanacap marcanacar yatiyapjjam;

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Isaías 59:20

Sión marcan khespiyiripjamaw jutani, uqhamaraqui Jacobon wawanacapataquisa, qhitinacatejj juchanacapat arrepientisipqui ucanacarus khespiyaniwa. Tatituw ucjja arsu.

Jeremías 21:13

“Valle uñjjatata marca, pampanjja mä karkaru uñtataraquïtawa, naya Tatitusti, jumataquiw jichhajj sayt'ta. Jumanacasti sapjjtawa: ‘¿Qhitis nuwistaspa? ¿Qhitiraquisa imantasiñascamajja purt'anispa?’ sasa.

Miqueas 4:2

walja marcanacaraquiw purintanipjjani, aqham sasa: ‘Jutapjjam, Tatitun kolluparu maqhatapjjañäni, Jacobun Diosapan temploparu, jupajj jiwasaru thaquipa uñacht'ayañapataqui, uqhamat jiwasajj thaquipanjam sarnakañasataqui.’ Sionatwa Tatitun yatichäwinacapajj mistuni, Jerusalenatwa arunacapas misturaquini.

Romanos 9:33

Ucasti kellkataraquiwa: “Acajjaya nayajj lanctañ kalwa Sionarojj uscta, tincuñ jach'a kalaraquiwa; jupar iyawsirejja janiraquiw p'enkachatäcaniti” sasa.

Hebreos 12:22

Ucatsipan jumanacajj Diosar yupaychañataquejj Sión kolluru, jacquiri Diosan marcaparu, alajjpach Jerusalén marcaru, walja warank tantacht'at angelanacaruw jac'achasipjjtajja,

Apocalipsis 14:1

Ucatsti Corderoruw uñjta Sión kollu patana sayasquiri. Jupamp chicasti pataca pusi tunca pusini waranka jakenacaw ucancascaraquïna, jupanacasti paranacaparojj Corderon sutipampi, uqhamarac Awquipan sutipampi kellkt'atäpjjänwa.