2 Samuel 5:7 - Qullan Arunaka DC

⁷ Ukampis, Davidax Sión suma utt'ayat marka katuntäna, jichhasti uka chiqax Davidan Markapat uñt'atawa.

Aymar Bibliia 1986

⁷ Ucampisa Davidajj Sión chekan sayt'asiñajj utjcänsa ucjja catuntaraquïnwa, jichhasti Davidan Marcapat uñt'atawa.

Qullan Arunaca

⁷ Ucampisa Davidajj Sión chekan sayt'asiñajj utjcänsa ucjja catuntaraquïnwa, jichhasti Davidan Marcapat uñt'atawa.

2 Samuel 5:7 Jak'a apnaqawi uñst'ayäwi

2 Samuel 5:8

Uka urusti Davidax akham satayna: “¡Jebuseonakar katuntirinakax uma canalanjam mantapxpan, ukatsti juykhunakampiru, kayu wixchunakampir jiwaraypan, nayax jupanakar walpun uñista!” sasa. Ukat uka säwix utjaraki: “Janiw juykhunakasa, kayu wixchunakasa Tatitun utaparux mantkaniti.”

2 Samuel 5:9

Uka qhipatsti Davidax suma utt'ayat markan utjantasïna, ukarusti “Davidan Markapa” sasaw sutichäna, ukatsti uka markarux anqa thakhita, reyin utapkam pirqanakampiw uyuchrantayäna.

2 Samuel 6:10

Ukat Davidax Jerusalén markar Tatitun arcap jan apañ munkxänti, ukhamasti Gat chiqan jakir Obed-edom sat jaqin utaparuw jaytayanxäna.

2 Samuel 6:12

Kunapachatix Davidar yatiyapxäna, kunjämtix Tatitux Obed-edom jaqimpiru, taqi wila masinakapampir aski waxt'äwinakamp phuqt'katayna arcan utapankatap layku, ukapachasti Davidax jach'a kusisiñampiw Diosan arcap Obed-edom jaqin utapat aptawayxäna Davidan Markaparu.

2 Samuel 6:16

Tatitun arcapax Davidan Markapar purxän ukapachasti, Saúl reyin Mical sat phuchhapax ventanat uñtasinïna; David reyir Tatitun nayraqatapan t'isktiri, thuqt'iri uñjasinsti, chuymapan walpun Davidarux jisk'achäna.

1 Reyes 2:10

Davidax jiwxänwa, juparusti nayra awkinakap jak'aruw imt'xapxäna, Davidan Markapa satäki uka markana.

1 Reyes 3:1

Salomonax Egiptonkir reyin phuchhapampiw jaqichasïna, ukhamarus mä sumankañ arust'äwi uka reyimp luräna. Ukatsti Salomonax Davidan Markapa satäki ukaruw warmip irpäna, kunapachatix reyi utapampi, Tatitun utapampi, Jerusalén pirqas muytpach tukuyasiskän ukapacha.

1 Reyes 8:1

Ukatsti Salomón reyix Jerusalenan Israelankir jilïr irpirinakaru, ayllunakan jilïrinakaparu, israelitanak taypin utjir wali aytat jaqinakaruw jupa nayraqatan tantachäna, Tatitun arust'äwi arcap Sión chiqat Davidan markapkam apxañataki.

1 Reyes 9:24

Faraonan phuchhapasti Davidan markapat sarxänwa, Salomonax jupataki jach'a uta lurkatayna ukaru. Ukatsti reyix inti jalsu tuqit markar makhatañatakix laq'ampiw phuqhantäna.

1 Crónicas 11:7

Ukatsti Davidax uka jach'a uyun Sión markan utt'asïna; ukat “Davidan markapa” sas sutichapxäna.

2 Crónicas 24:16

juparux Davidan Markapan imt'xapxäna, reyinak thiyaru, Israel markataki, Diosataki, utapatakisa wali askinak luratap layku.

2 Crónicas 5:2

Ukatsti Salomonax Jerusalén markan Israelankir jilïri jaqinakaru, ayllunakan jilïrinakaparu, israelita wila masi tamanakan jilïrinakaparuw tantacht'äna, Tatitun arust'äwi arcap Sión sata Davidan Markapat apxañataki.

Nehemías 3:15

Uma Jalsu punku satäkis ukxa, Mispá suyun Colhozé apnaqiripan Salum yuqapaw askichäna, utachxatarakïna, ukatsti jach'a punkunakaparux cerrojonakampi, barranakapampiw uchantarakïna. Ukatsti Siloé uma estanquen pirqap askicharakïna, ukasti reyin panqar uyup jak'ankänwa, Davidan markapat saraqankis uka makhatañanakkama.

Salmos 132:13

Tatituw Jerusalenarux ajllisi, ukan jakañatakiw jupax chhijllasi, akham saraki:

Salmos 2:6

“Naya pachpaw reyixarux ajllista, Sión, qullan qullux patxaruw utt'ayta” sasa.

Salmos 48:12

12 (13) Sión qullu muytapxpan, torrenakap jakht'apxpan;

Salmos 48:3

3 (4) Tatit Diosax Jerusalén utjäwip taypinkiwa; jupax suma arxatirit uñt'ayasi.

Salmos 51:18

18 (20) Tatay, munasiñam laykuy Jerusalén markarux ask luram; pirqanakapsa wasitat sayt'ayam.

Salmos 87:2

Tatitux Jerusalén markarux wal munasi, Israelan taqpach markanakapat sipana.

Salmos 9:11

11 (12) Sión qullun jakir Tatitur q'uchupxam; muspharkañ luratanakap markanakar yatiyapxam.

Isaías 12:6

Jerusalén markan utjasirinaka, kusisiñat arnaqasipxam, Israelan Qullan Diosapax taqi jach'a ch'amapampiw jumanak taypinki.”

Isaías 59:20

Tatitux Jerusalén markan jakirinakar qhispiyiriw jutani, juchanakapat kutikipstanipki uka israelitanakar qhispiyiriw jutani. Tatituw ukham arsu.

Jeremías 21:13

‘Jerusalén markan jakirinaka, nayax jumanakatakix wali phiñasitätwa. Jumanakasti sapxtawa: ¿Khitis nuwantitaspa? ¿Khitis imantasitäktan ukkhakamax purkatanispa? sasa.

Miqueas 4:2

walja markanakaw purintanipxarakini, akham sasa: “Jutapxam, Tatitun qullupar makhatapxañäni, Jacobun Diosapan utaparu, jupaw jiwasarux thakhip uñacht'ayistani, ukhamat thakhipanjam sarnaqañasataki.” Sión qullutpach Tatitun yatichäwinakapax mistuni, Jerusalén markat arunakapas misturakini.

Romanos 9:33

kamisatix Qillqatan siski: “Nayax Jerusalén markan mä qala uskta, uka qalaruw lanktasipxani; uka qalar iyawsirinakasti janiw sallqxatäpkaniti” sasa.

Hebreos 12:22

Ukatsipan jumanakax Sión qulluru, jakkir Diosan alaxpach Jerusalén markaparu, Diosar yupachañatak tantachat waranqa waranq angelanakaruw jak'achasipxtaxa,

Apocalipsis 14:1

Ukatsti Corderoruw uñjta, Sión qullu patan sayaskiri. Jupamp chikasti patak pusi tunka pusin waranqa jaqinakaw ukankaskäna, jupanakasti paranakaparux Corderon sutipampi, Awkipan sutipampi qillqt'atäpxänwa.