2 Samuel 5:6 - Qullan Arunaka DC

⁶ Uka qhipatsti, David reyimpi, jaqinakapampix Jerusalenaruw sarantapxäna, uka uraqin jakir jebuseo jaqinakar katuntañataki. Jebuseonakan amuyatapatxa, janis Davidax uka markar mantirjamäkaspa ukhamänwa, ukat jupanakax Davidar sapxäna: “Janiw jumax akar mantankätati, juykhunakampi, kayu wixchunakampikiw jumarux jarkt'apxätamxa” sasa.

Aymar Bibliia 1986

⁶ Rey Davidampi, jakenacapampisti Jerusalenaruw sarantawayapjjäna, jebuseo jakenacar nuwantañataqui, jupanacasti ucsa tokenacanwa jacapjjäna. Ucampisa jebuseonacajj amuyapjjaraquïnwa, Davidajj janis uca marcar mantcaspa uqhama, ucatsti sapjjaraquïnwa: “Janiw jumajj acar mantancasmati, juyqhunacampi, cojonacampiquiw jumarojj jarct'apjjätamjja, jan mantaniñamataqui” sasa.

Qullan Arunaca

⁶ Rey Davidampi, jakenacapampisti Jerusalenaruw sarantawayapjjäna, jebuseo jakenacar nuwantañataqui, jupanacasti ucsa tokenacanwa jacapjjäna. Ucampisa jebuseonacajj amuyapjjaraquïnwa, Davidajj janis uca marcar mantcaspa uqhama, ucatsti sapjjaraquïnwa: “Janiw jumajj acar mantancasmati, juyqhunacampi, cojonacampiquiw jumarojj jarct'apjjätamjja, jan mantaniñamataqui” sasa.

2 Samuel 5:6 Jak'a apnaqawi uñst'ayäwi

Génesis 14:18

Salem markankir Melquisedec reyisti, khititix alaxpachankir Diosan sacerdotepäki ukax t'ant'ampi, vinompi apsunirakïna,

2 Samuel 22:30

Juman yanapamampiw timanakaxar jalxatä, yanapamampirakiw markanakap katuntä.

Proverbios 21:22

Yatiñan mä sapa jaqikiw munasi, mä jach'a marka katuntañataki.

Jeremías 21:13

‘Jerusalén markan jakirinaka, nayax jumanakatakix wali phiñasitätwa. Jumanakasti sapxtawa: ¿Khitis nuwantitaspa? ¿Khitis imantasitäktan ukkhakamax purkatanispa? sasa.

Jeremías 37:10

Jumanakax jumanakar nuwantir babilonionakarux q'alsa atipjasipkasma, uka nuwasïwi chiqansti mä qawqha usuchjat babilonionakakis qhiparxapxaspa ukasa, ukanakax sartanisin Jerusalén markarux ninampiw phichkatapxani.’ ”

Hebreos 7:1

Melquisedec chachax Salem markan reyipänwa, alaxpachankir Diosan sacerdoteparakïnwa. Kunapachatix Abrahamax reyinakar atipjanisin nuwasïwit kuttankän ukkhaxa, Melquisedec sacerdotex jupar jikxatiriw mistüna, ukatsti askinak churäna,

Josué 10:3

Ukat Adonisédec reyix yatiyäwi apayäna Hebrón markan Hoham reyiparu, Jarmut markan Piram reyiparu, Laquis markan Jafía reyiparu, Eglón markan Debir reyiparu akham sasa:

Josué 15:63

Ukampis Judá ayllut saraqir wawanakax janiw Jerusalén markan jakapkän uka jebuseo jaqinakarux jaqunukurjamäpkänti, ukat jebuseo jaqinakax Jerusalén markan jichhürkam jakasipki, Judá ayllut saraqir wawanakapamp chika.

Josué 18:28

Selá, Élef, Guibeá, Quiriat, Jebús marka, qhiparusti Jerusalén sutimpi uñt'ata. Taqpachax tunka pusin markanakänwa, jisk'a markanakapamppacha. Uka uraqinakaw Benjamín ayllunkir wila masi tamanakaparux wakt'äna.

Jueces 1:21

Benjamín ayllunkirinakasti, janiw Jerusalén markata ukan jakiri jebuseo jaqinakarux alisnukurjamäpkänti. Ukat jichhürkama jebuseonakampi, Benjamín ayllunkirinakampix Jerusalén markan jakasisipki.

Jueces 1:8

Judá ayllunkirinakax Jerusalén markar chhukt'asin katuntasipxäna, ukatsti taqpach jaqinakapar espadampkam jiwarayasasti, ninampiw uka marka phichhantapxäna.