2 Samuel 6:12 - Qullan Arunaca

¹² Cunapachatejj Davidaru yatiyapjjäna, cunjamtï Tatitojj Obed-edom jakeru uqhamaraqui take familiaparu bendicïna, arcan utapancatap laycu, ucapachasti Davidajj jach'a cusisiñampiw Diosan arcapjja Obed-edom jaken utapat aptayanjjäna, Davidan Marcaparu.

Aymar Bibliia 1986

¹² Cunapachatejj Davidaru yatiyapjjäna, cunjamtï Tatitojj Obed-edom jakeru uqhamaraqui take familiaparu bendicïna, arcan utapancatap laycu, ucapachasti Davidajj jach'a cusisiñampiw Diosan arcapjja Obed-edom jaken utapat aptayanjjäna, Davidan Marcaparu.

Qullan Arunaka DC

¹² Kunapachatix Davidar yatiyapxäna, kunjämtix Tatitux Obed-edom jaqimpiru, taqi wila masinakapampir aski waxt'äwinakamp phuqt'katayna arcan utapankatap layku, ukapachasti Davidax jach'a kusisiñampiw Diosan arcap Obed-edom jaqin utapat aptawayxäna Davidan Markaparu.

2 Samuel 6:12 Jak'a apnaqawi uñst'ayäwi

2 Samuel 5:7

Ucampisa Davidajj Sión chekan sayt'asiñajj utjcänsa ucjja catuntaraquïnwa, jichhasti Davidan Marcapat uñt'atawa.

1 Reyes 8:1

Ucatsti Salomonajj Jerusalenanjja tantachänwa jupan nayrakatapana Israelanquir chuyman awquinacaru, tribunacan jilïrinacaparu, uqhamarac israelitanac taypina wali aytat jakenacaru, Tatituna sumancäwi arcapa apjjañataqui Davidana marcapata, ucajj Sión sataraquïnwa.

1 Reyes 8:3

Ucatsti Israel marcana chuymani awquinacaw purinipjjäna, ucatjja sacerdotenacajj arcwa apjjarupjjäna.

1 Reyes 8:4

Ucatjja apapjjänwa, Tatitumpi Jiquisiñ Carpa, uqhamarac cuna asqui yänacatejj ucan utjcäna ucanacamppacha, ucanacjja sacerdotenacampi, levitanacampiwa apapjjäna.

1 Crónicas 15:15

Jupanacasti callaña lawanacata catusinwa callachinacapjjaru apapjjäna, cunjämatï Tatitojj Moisesaru siscäna uqhamaru.

1 Crónicas 15:25

Ucatjja Davidampi, Israelan chuyman awquinacampi, uqhamarac soldadonacan jilïrinacapampisa cusisitaw sarapjjäna aptaniri sumancäwiru mantat Tatitun arcapa, Obed-edom chachan utapata.

1 Crónicas 16:16

Abrahamampi suma arust'äwir mantatapjja, juramento Isaacampi luratapsa,

1 Crónicas 26:4

Obed-edom chachan wawanacapasti acanacänwa: Semaías, jupasti jilïrïnwa; Jozabad, jupasti payïrïnwa; Joa, jupasti quimsïrïnwa; Sacar, jupasti pusïrïnwa; Natanael, jupasti pheskhërïnwa;

1 Crónicas 26:5

Amiel, jupasti sojjtïrïnwa; Isacar, jupasti pakallkörïnwa; uqhamarac Peultai, jupasti quimsakallkürïnwa. Diosajj Obed-edom chacharojj walja wawanacampiw bendicïna.

2 Crónicas 5:2

Ucatsti Salomonajj Jerusalenanjja tantachänwa Israelanquir jilïri jakenaca, tribunacan take jilïrinacaparu, uqhamarac israelitanacan familianacapan jilïrinacaparu, Tatitun arust'äwi arcapa apjjañataqui Sión sata Davidan Marcapata.

Mateo 10:42

Qhititejj aca jisc'anacat mayniru mä vaso ch'uch'u umacsa wajjt'anejja nayar arcatap laycu ucajja, chekapuniw uqham luratapat churäwi catokani.”