1 Reyes 2:10 - Qullan Arunaca

¹⁰ Davidajj jiwjjänwa, ucatsti imt'atäjjaraquïnwa Davidan marcaparu, nayra awquinacapampi chica.

Aymar Bibliia 1986

¹⁰ Davidajj jiwjjänwa, ucatsti imt'atäjjaraquïnwa Davidan marcaparu, nayra awquinacapampi chica.

Qullan Arunaka DC

¹⁰ Davidax jiwxänwa, juparusti nayra awkinakap jak'aruw imt'xapxäna, Davidan Markapa satäki uka markana.

1 Reyes 2:10 Jak'a apnaqawi uñst'ayäwi

2 Samuel 5:7

Ucampisa Davidajj Sión chekan sayt'asiñajj utjcänsa ucjja catuntaraquïnwa, jichhasti Davidan Marcapat uñt'atawa.

2 Samuel 5:9

Uca khepatsti Davidajj uca sayt'asiña chekaruw utjantasïna, ucatsti Davidan Marcapa sasaw suticharaquïna. Ucat uca marcarojj mä jach'a perkampiw muyuntayaraquïna, Milo sisqui uca chekata, palaciocama.

2 Samuel 7:12

cunapachatejj jacañamajj tucusjjani ucatsti jiwjjaraquïta, ucapachasti nayaw mayni juman wawamaru marcan reinopjjaru utt'ayaraquï.

1 Reyes 1:21

Janitejj uqham utt'aycäta ucajja, cunapachatï juma jach'a reyejj jiwjjäta ucqhajja, Salomón yokajjasa, nayasa jiwayañataqui juchañchatäpjjäwa —sasa.

1 Reyes 11:21

Ucatsti cunapachatï Hadad chachajj Egiptona yatïna Davidan jiwjjatapa, uqhamarac ejerciton Joab generalana jiwjjatapa ucqhajja, Hadad chachajj faraonarojj sänwa: —Orakejjaruw cutt'jjañ munta —sasa.

1 Reyes 11:43

ucatsti cunapachatï jiwjjäna ucqhajj, David awquipana marcaparuwa imt'atäjjäna. Jupa lantisti reyëjjänwa Roboam sat yokapa.

1 Reyes 14:31

Ucatjja cunapachatï Roboamajj jiwjjäna ucqhasti, nayra awquinacapamp chicaw imt'atäjjäna Davidana marcapana. Taycapasti Naama sat sutinïnwa, Amón sat ucanquiriraquïnwa. Ucatsti jupa lantejja Abiam sat yokapawa reyëjjäna.

1 Reyes 15:24

Cunapachatï jiwjjäna ucqhasti nayra awquinacapamp chicaw imt'jjapjjäna Davidana marcapana. Ucjjarusti jupa lantejja Josafat yokapaw reyëjjäna.

1 Reyes 15:8

Cunapachatï Abiam reyejj jiwjjäna ucqhasti imt'jjapjjänwa Davidan marcaparu. Ucjjarusti jupa lantejj Asa yokapawa reyëjjäna.

1 Reyes 22:51

Josafat reyejj Judá orakenjja tunca pakallkoni maraw apnakascäna ucqhawa Acab reyin Ocozías yokapajj apnakaña kalltäna Samariana Israeljjaru, ucatsti pä maraw apnakäna.

1 Reyes 3:1

Salomonajj Egiptonquir reyimpiw familiaru tucüna, jupasti phuchapampiwa casarasïna, ucatsti Davidan marcaparuwa irpäna, cunapachatï palaciopasa, Tatitun templopasa, uqhamarac muytpacha Jerusalén perkasa luraña tucuyasiscäna ucapacha.

1 Reyes 8:1

Ucatsti Salomonajj Jerusalenanjja tantachänwa jupan nayrakatapana Israelanquir chuyman awquinacaru, tribunacan jilïrinacaparu, uqhamarac israelitanac taypina wali aytat jakenacaru, Tatituna sumancäwi arcapa apjjañataqui Davidana marcapata, ucajj Sión sataraquïnwa.

2 Reyes 14:20

Ucatjja mä caballota apjjasinjja Jerusalén marcanwa imt'jjapjjäna Davidan Marcapana, nayra awquinacapamp chica.

2 Reyes 15:38

Cunapachatï Jotam reyejj jiwjjäna ucqhajja, imt'jjapjjänwa nayra awquinacapamp chica Davidan Marcapana. Ucatjja jupa lantejja Acaz yokapaw apnakjjäna.

2 Reyes 16:20

Cunapachatï jiwjjäna ucqhasti nayra awquinacapamp chicawa imt'jjapjjäna, Davidan Marcapana. Ucatsti jupa lantejj Ezequías yokapaw apnakjjäna.

2 Reyes 8:24

Cunapachatï Joram reyejj jiwjjäna ucqhajja, imt'jjapjjänwa Davidan Marcapana awquinacapamp chica. Ucjjarusti jupa lantejj reyëjjänwa Ocozías sat yokapa.

2 Reyes 9:28

Ucatjja uywatanacapawa mä carrot Jerusalencama apjjapjjäna, ucatsti Davidan Marcapanjja familianacapas imatäcän ucqharuw imt'jjapjjäna.

1 Crónicas 11:7

Khepjjarusti Davidajj uca nuwasiñatac lurat utaruw utt'asjjäna, ucatwa sutichapjjäna Davidan Marcapa sasa.

1 Crónicas 29:28

Jupasti jiwjjänwa suma awqui horasana, walja maranacani, kamir cancañani, jach'achäwinacani. Jupa lantisti Salomón yokapaw apnakjjäna.

2 Crónicas 24:16

Ucatsti imt'jjapjjänwa Davidan Marcapana, reyinacamp chica, jupajj Israel marcampisa, Diosampisa suma asquina sarnakatap laycu.

2 Crónicas 9:31

Ucatsti cunapachatï jiwjjäna ucqhasti, juparojj imt'jjapjjänwa David awquipan marcaparu. Ucatjja jupa lantejja Roboam yokapaw reyit utt'asjjaraquïna.

Hechos 13:36

Chekpachansa Davidajj jupa tiempo jakenacaru Diosan sataparjam sirvisinjja, jiwjjänwa. Ucatsti awquinacapampi chicaraquiw imt'atäjjäna, janchipasti ñusj-jjaraquïnwa.

Hechos 2:29

“Jilatanaca, takenejjay yatstanjja David awquisan jiwatapjja, imasitapsa. Jupan sepulturapasa jiwasanac taypincascchejjaya jichhürcama.