Apocalipsis 14:1 - Qullan Arunaca

¹ Ucatsti Corderoruw uñjta Sión kollu patana sayasquiri. Jupamp chicasti pataca pusi tunca pusini waranka jakenacaw ucancascaraquïna, jupanacasti paranacaparojj Corderon sutipampi, uqhamarac Awquipan sutipampi kellkt'atäpjjänwa.

Aymar Bibliia 1986

¹ Ucatsti Corderoruw uñjta Sión kollu patana sayasquiri. Jupamp chicasti pataca pusi tunca pusini waranka jakenacaw ucancascaraquïna, jupanacasti paranacaparojj Corderon sutipampi, uqhamarac Awquipan sutipampi kellkt'atäpjjänwa.

Qullan Arunaka DC

¹ Ukatsti Corderoruw uñjta, Sión qullu patan sayaskiri. Jupamp chikasti patak pusi tunka pusin waranqa jaqinakaw ukankaskäna, jupanakasti paranakaparux Corderon sutipampi, Awkipan sutipampi qillqt'atäpxänwa.

Apocalipsis 14:1 Jak'a apnaqawi uñst'ayäwi

Salmos 2:6

“Naya pachpaw reyijjarojj ajllista, Sión, kollan kollojj patjjaruw utt'ayta” sasa.

Isaías 49:14

Sión marcasti sänwa: “Tatitojj apanucjjetuwa, Diosajjajj nayatjj armasjjetuwa” sasa.

Jeremías 1:11

Tatitu Diosasti saraquituwa: “Jeremías, ¿cunsa uñjta?” sasa. “Mä almendro rama uñjta” sasaw nayajj saracta.

Ezequiel 1:4

Ucatsti uñjaractwa amsta toket mä jach'a tutuca thayar uñtata jutasquiri; mä jach'a kenayatsti ninaraquiw mistuscäna llijullijur uñtata, ucaru muytatasti mä jach'a khanaw khanascaraquïna. Uca nina taypinsti mayaw c'ajascaraquïna mä suma metaläcaspas uqhamaw llijunïna,

Ezequiel 10:1

Ucatsti uñjaractwa: Chhekan angelanacan p'ekenacapat alay alajjpachanjja mä konuñaw uñstäna safiro sisqui uca kalaru uñtasita.

Ezequiel 10:9

Uca chhekhaninac jac'ansti pusi ruedanac uñjaracta, sapa ruedajja sapakat mayni jac'ana. Uca ruedanacasti walpun c'ajäna topacio sisqui ucanacjama.

Ezequiel 2:9

Ucatsti nayajj uñjaractwa mä ampara naya tokeru loktasinquiri, uca amparasti mä kellkata rollo apt'atänwa.

Ezequiel 44:4

Ucat uca jakesti amsta tokenquiri mantañäqui ucsaruw irparaquitu, templo uñcatasiru. Ucansti uñjaractwa Tatitun c'ajquir khanapajj temploru phokhantatapa, ucat p'ekejja orakeru puriñcamaw alt'asta.

Ezequiel 8:7

Ucjjarojj uta ancäjja tokeru mantañäquis uca puncuruw irparaquitu. Uca perkansti mä jach'a p'iya uñjaracta.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Daniel (hebreo) 12:5

“Naya, Daniel, pani yakha jakenacaruw sayasquiri uñjaracta, sapa mayni purapa jawir thiyana.

Joel 2:32

Ucampis take qhitinacatï Tatitun sutipar art'ascani ucanacajja, jiwañatjja khespipjjaniwa, Sión kollunwa, uqhamaraqui Jerusalenanwa khespiyasiñajj utjani, cunjämtejj Tatitojj arscatayna uqhama. ‘Cawquïrinacarutejj jupajj ajllcatayna ucanacajj jacasipcaniwa’ ”

Amós 8:2

Jupasti jisct'araquituwa: —¿Amós, cuns uñjtajja? —sasa. —Mä canastan pokorat achunaca —saractwa. Tatitusti saraquituwa: —Israel marcajj pokoratäjjewa; janipuniw mayampsa perdoncjjeristti.

Zacarías 4:2

—¿Cuns uñjtajja? —sasa. Nayasti juparojj saractwa: —Uñjtwa mä kori candelabro, uca patjjansti mä aceite imañampi apjjatata. Alto chekansti utjaraquiwa pakallko lamparanaca, ucanacarusti aceitejj puriwa pakallko tubonacata.

Lucas 12:8

“Sapjjsmawa, take qhititejj jakenac nayrakatan nayat arsunejja, Jaken Yokapasti uqhamaraquiw Diosan angelanacap nayrakatanjj jupanacatjj arsuraqui.

Romanos 9:33

Ucasti kellkataraquiwa: “Acajjaya nayajj lanctañ kalwa Sionarojj uscta, tincuñ jach'a kalaraquiwa; jupar iyawsirejja janiraquiw p'enkachatäcaniti” sasa.

Apocalipsis 14:14

Ucatsti uñtasinjja mä jank'o kenaya uñjta, uca kenayjjansti mä jakew kont'atäscäna, jupasti Jaken Yokapar uñtatänwa. P'ekeparojj kori coronampi asjjatatänwa, amparaparusti mä yawiñ hoz ayt'ataraquïnwa, uca yawiñ hosisti wali arïnwa.

Apocalipsis 14:3

Ucatsti mä machak k'ochu k'ochupjjäna Tatitun tronop nayräjjana, uqhamarac uca pusi jacasquirinacan nayrakatapansa, uca pä tunca pusini jilïrinacan nayrakatapansa. Janiraquiw qhitis uca k'ochjja yatekañataqui ch'amanïcänti, jan ucasti patac pusi tunca pusini waranca, qhitinacatejj aca orake jakenac taypita khespiyatäcataynajj ucanacaquiw yatekapjjäna.

Apocalipsis 15:5

Ucatsti alajjpachanjj uñtaractwa templo jist'artiri, cawqhantï Diosan leyinacapajj mä tablanacanjama imatäqui uca santuariompi.

Apocalipsis 22:4

Ajanuy ajanuwa uñcatapjjani, paranacaparusti sutipwa apapjjaraquini.

Apocalipsis 3:12

Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.

Apocalipsis 4:1

Uca pasatatsti alajjpachwa uñtta, ucatsti uñjaractwa alajjpachanjja mä puncu jist'aratäsquiri. Kalltan trompetar uñtat parljjayquitän uca arusti saraquituwa: “Maqhatanim acaru ucatsti cunanacatejj acat kheparu lurascani ucanac uñacht'ayäma” sasa.

Apocalipsis 6:8

Uñtasinsti uñjaractwa mä k'ellu caballo. Lat'jjatatäcän ucan sutipasti “Jiwaña” satänwa, khepäjjapsti qhititejj jiwatanacajj cawqhanquis uc uñjquejj ucaraquiw jutäna. Aca orakensti chicatan chicatapjjaru munañanïñawa churataraquïna, nuwasiñanacampi, mach'anacampi, usunacampi, cunayman jan wali animalanacampi jake tucjañapataqui.