2 Crónicas 5:2 - Qullan Arunaca

² Ucatsti Salomonajj Jerusalenanjja tantachänwa Israelanquir jilïri jakenaca, tribunacan take jilïrinacaparu, uqhamarac israelitanacan familianacapan jilïrinacaparu, Tatitun arust'äwi arcapa apjjañataqui Sión sata Davidan Marcapata.

Aymar Bibliia 1986

² Ucatsti Salomonajj Jerusalenanjja tantachänwa Israelanquir jilïri jakenaca, tribunacan take jilïrinacaparu, uqhamarac israelitanacan familianacapan jilïrinacaparu, Tatitun arust'äwi arcapa apjjañataqui Sión sata Davidan Marcapata.

Qullan Arunaka DC

² Ukatsti Salomonax Jerusalén markan Israelankir jilïri jaqinakaru, ayllunakan jilïrinakaparu, israelita wila masi tamanakan jilïrinakaparuw tantacht'äna, Tatitun arust'äwi arcap Sión sata Davidan Markapat apxañataki.

2 Crónicas 5:2 Jak'a apnaqawi uñst'ayäwi

2 Samuel 5:7

Ucampisa Davidajj Sión chekan sayt'asiñajj utjcänsa ucjja catuntaraquïnwa, jichhasti Davidan Marcapat uñt'atawa.

2 Samuel 6:12

Cunapachatejj Davidaru yatiyapjjäna, cunjamtï Tatitojj Obed-edom jakeru uqhamaraqui take familiaparu bendicïna, arcan utapancatap laycu, ucapachasti Davidajj jach'a cusisiñampiw Diosan arcapjja Obed-edom jaken utapat aptayanjjäna, Davidan Marcaparu.

1 Crónicas 15:1

Davidajj utanacwa lurayäna Davidana marcapana, uqhamaraquiwa mä cheka Diosan arcapataqui waquichayäna, mä carpa sayt'aycäna ucana.

1 Crónicas 15:12

Ucatsti sänwa: “Jumanacajj levita familianacatjja jilïrinacäpjjtawa, lurañäqui uqhamaru k'omachasipjjam familianacamampi chica, Israelan Tatit Diosapana arcapa aptanjjapjjañamataqui, cawcqharutï nayajj waquichcta ucqharu.

1 Crónicas 15:25

Ucatjja Davidampi, Israelan chuyman awquinacampi, uqhamarac soldadonacan jilïrinacapampisa cusisitaw sarapjjäna aptaniri sumancäwiru mantat Tatitun arcapa, Obed-edom chachan utapata.

1 Crónicas 15:3

Ucatsti Davidajj take Israelanquir jakenacaruw Jerusalenana tantacht'äna, Tatitun arcapa aptanjjañataqui cawqharutï mä cheka waquichcäna ucqharu.

1 Crónicas 16:1

Diosan arcapa apasinjja uchapjjänwa, Davidajj mä carpa uca amtampi waquichcäna ucqharu. Ucjjarojja loktapjjänwa nact'ayata ofrendanaca, uqhamarac sumancthapïwi loktäwinaca Diosan nayrakatapana,

1 Crónicas 24:31

Jupanacasti uqhamaraquiw sorteasipjjäna jaljasiñataqui, jilïrin familiapasa, sullca jilapansa, jupanacajj lurapjjänwa Aarón chachat jutir wawanacapa familianacapjama. Ucsti lurapjjänwa Davidana, Sadoc, Ahimelec ucanacan nayrakatapana, uqhamarac sacerdotenacan familianacapan jilïrinaca nayrakatana, uqhamarac levitanacan nayrakatapana.

1 Crónicas 24:6

Ucatsti Natanael chachan Semaías yokapajja kellkerïnwa, uqhamarac jupajj maynïriraquïnwa levitanacatjja, jupanacan sutinacapwa reyin nayrakatapana kellkäna, jilïrinacan nayrakatapana, Sadoc sacerdotena, Abiataran Ahimelec yokapana, sacerdotenacana familiapan jilïrinacapa, uqhamarac levitanacan nayrakatapanwa kellkaraquïna. Lurañanacapataquisti suertetwa wact'ayasipjjerïna, Eleazar chachat jutir wawanacapataquejja pä jalja, Itamar chachat jutir wawanacapataquisti mä jaljaraqui.

1 Crónicas 26:26

Selomit chachasti jilanacapampejja Davidan kollan yänacapa take imañ utanaca uñjapjjäna, familiata jilïrinaca, batallones ucanacan jilïrinaca, uqhamarac compañías ucanacan jilïrinacasa, ucatsti ejerciton jilïrinacapasa Tatitur loktatäpjjänwa.

1 Crónicas 28:1

Davidajj Jerusalén marcanjja Israelanquiri jilïri chachanacaruwa tantacht'äna, tribunacan jilïrinacaparu, reyin sirvirinacapäpqui uca take soldadonacan jilïrinacaparu, batallonanacan comandantenacaparu, compañíanacan jilïrinacaparu, take orakenacapa, uywanacapa, reyin wawanacapa uñjirinacarusa wali aytata chachanacaru, ejerciton take aytata oficialanacaparusa.

2 Crónicas 1:4

Ucampis Davidaw Diosan arcapjja apatayna Queriat-jearim sisqui uca chekata, cawqharutejj jupajj mä cheka waquichcäna uca chekcama, jupasti Jerusalén marcanjja mä carpwa waquichäna.

2 Crónicas 5:1

Ucatsti cunapachatï take luräwinacajj tucuyatäjjäna, Salomonajj cunanactejj Tatitun templopataqui luraycäna ucqhajja, Salomonajj korita, kollketa, lurata yänacjja Diosan templopana imatäñapataquiw apayjjäna, uca korisa kollkesa, David awquipajj Tatitur loktawaycäna ucänwa.

2 Crónicas 5:12

Take k'ochuri levitanacasa, Asaf, Hemán, uqhamarac Jedutún ucanacajja wawanacapamppacha, familianacapampisa ucan sayt'atäpjjänwa lino isimpi isthapita, altarata inti jalanta tokena. Jupanacanjja utjänwa platillonaca, salterionaca, uqhamarac arpanaca. Jupanacamp chicasti pataca pä tuncani sacerdotenacaw trompetanaca phusiri utjapjjäna.

Salmos 2:6

“Naya pachpaw reyijjarojj ajllista, Sión, kollan kollojj patjjaruw utt'ayta” sasa.

Salmos 87:2

Tatitojj Sión marcan puncunacaparojj munasiwa, Jacobon takpach utjäwinacapat juc'amp munasi.

Levítico 9:5

Israelitanacasti, cuntejj Moisesajj siscatayna uqhamarjamaw Tatitumpi Jiquisiñ Carpäquis uca nayräjjaru apapjjäna, ucatsti take jakenacaw ucancapjjäna, jac'achasipjjaraquïna, ucanwa Tatitun nayrakatapan sayt'ata jicjjatasipjjaraquïna.

Números 10:33

Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Números 10:36

Ucampis cunapachatï arcajj sayt'cäna ucqhajj, Moisesajj sänwa: “¡Jichhajj cutt'anim Tata, israelan jan jact'caya ejercitoparu!” sasa.