1 Reyes 8:1 - Qullan Arunaca

¹ Ucatsti Salomonajj Jerusalenanjja tantachänwa jupan nayrakatapana Israelanquir chuyman awquinacaru, tribunacan jilïrinacaparu, uqhamarac israelitanac taypina wali aytat jakenacaru, Tatituna sumancäwi arcapa apjjañataqui Davidana marcapata, ucajj Sión sataraquïnwa.

Aymar Bibliia 1986

¹ Ucatsti Salomonajj Jerusalenanjja tantachänwa jupan nayrakatapana Israelanquir chuyman awquinacaru, tribunacan jilïrinacaparu, uqhamarac israelitanac taypina wali aytat jakenacaru, Tatituna sumancäwi arcapa apjjañataqui Davidana marcapata, ucajj Sión sataraquïnwa.

Qullan Arunaka DC

¹ Ukatsti Salomón reyix Jerusalenan Israelankir jilïr irpirinakaru, ayllunakan jilïrinakaparu, israelitanak taypin utjir wali aytat jaqinakaruw jupa nayraqatan tantachäna, Tatitun arust'äwi arcap Sión chiqat Davidan markapkam apxañataki.

1 Reyes 8:1 Jak'a apnaqawi uñst'ayäwi

2 Samuel 6:6

Cunapachatejj Era de Nacón sat chekaru puripcän ucapachasti, carreta katatipcänsa uca vacanacaw lanctasipjjäna. Diosan arcapasti niyapuniraquiw jalactäna. Ucatwa Uza sat jakejj amparapampi loktäna uca arca catthapiñataqui.

1 Reyes 2:10

Davidajj jiwjjänwa, ucatsti imt'atäjjaraquïnwa Davidan marcaparu, nayra awquinacapampi chica.

1 Reyes 3:15

Salomonajj iquita sartasinjja amuyasïnwa mä samcätapa. Ucatsti cunapachatï Jerusalenaru purïna ucqhajja, saränwa Tatituna sumar mantaña arcapa nayrakataru, ucatsti loktänwa nact'at sacrificionaca, uqhamarac sumancthapiñataqui sacrificionaca. Ucatsti take yanapirinacaparuwa jach'a mank'añanaca mank'ayaraquïna.

1 Crónicas 11:7

Khepjjarusti Davidajj uca nuwasiñatac lurat utaruw utt'asjjäna, ucatwa sutichapjjäna Davidan Marcapa sasa.

1 Crónicas 15:25

Ucatjja Davidampi, Israelan chuyman awquinacampi, uqhamarac soldadonacan jilïrinacapampisa cusisitaw sarapjjäna aptaniri sumancäwiru mantat Tatitun arcapa, Obed-edom chachan utapata.

1 Crónicas 15:29

Cunapachatï Tatitun sumancäwiru arcapa Davidan Marcaparu puriyapjjäna ucqhajja, Saúl chachan Mical phuchapasti ventanata Davidar wali cusisita thokhori uñjasinjja, chuymapanjja walwa jupar jisc'achäna.

1 Crónicas 15:3

Ucatsti Davidajj take Israelanquir jakenacaruw Jerusalenana tantacht'äna, Tatitun arcapa aptanjjañataqui cawqharutï mä cheka waquichcäna ucqharu.

1 Crónicas 28:1

Davidajj Jerusalén marcanjja Israelanquiri jilïri chachanacaruwa tantacht'äna, tribunacan jilïrinacaparu, reyin sirvirinacapäpqui uca take soldadonacan jilïrinacaparu, batallonanacan comandantenacaparu, compañíanacan jilïrinacaparu, take orakenacapa, uywanacapa, reyin wawanacapa uñjirinacarusa wali aytata chachanacaru, ejerciton take aytata oficialanacaparusa.

2 Crónicas 30:1

Ezequiasajj yatiyänwa take Israel, uqhamarac Judá marcanacaru, uqhamaraquiw cartanaca apayäna Efraín, Manasés ucanacaru jutapjjañapataqui Jerusalén marcan Tatitun temploparu, Israelan Tatitu Diosapan Pascua fiestapa fiestachañataqui.

Esdras 3:1

Cunapachatï pakallkör phajjsejj purinjjäna ucqhajja, israelitanacajj marcanacapanwa wact'ayasipjjäna, ucatjja take marcawa Jerusalén marcana tantachasipjjäna.

Salmos 102:21

Tatitun sutipat Sión marcan yatiyañataqui, aytat cancañapat Jerusalenan parlañataqui;

Salmos 9:11

Sión kollun jaquir Tatitur k'ochupjjam, muspharcañ luratanacap marcanacar yatiyapjjam;

Isaías 28:16

Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini.

Isaías 46:13

‘Khespiyasiñarojj nayaw mäqui puriyanëjja, khespiyasiñajjajj janiw khept'caniti, janiraquiw jayancquisa. Nayaw Sionarojj khespiyasiñ churä, nayaraquiw Israelarojj jach'añchäwjj churä.’ ”

Números 1:4

uqhamaraqui sapa familian jilïripampi sapakat tributa.

Josué 23:2

Josué chachajj take Israel marcaru, awquinacaru, jach'a jilïri jakenacaru, juezanacaru, uqhamarac kellkerinacaruw jawsäna, aqham sasa: “Nayasti wali awquëjjtwa, uqhamaraqui walja maranacani.

Josué 24:1

Josué chachasti take Israelan tribunacaparuw Siquem oraken tantachthapïna. Jawsayänwa awquinacaru, uqhamaraqui jilïri jakenacaru, juezanacaru, kellkerinacaru, ucatsti Diosan nayrakataparuw uñstapjjäna.

1 Pedro 2:6

Ucataracpï Kellkatan sejja: “Nayaw Sionarojj mä kala uchta esquin kalawa, ajllit kalawa, wali jila alaniraquiwa. Ucar iyawsiristi janiw mayjt'ascaniti” sasa.