THARC TVLUINGC 2:10 - ASII LAKDAP Bible (BSI) Ngi raq jamlai phan wa lungwii wankang, kra thum thum klowan kang. Ngi raq ikhum ka jamlai phan niimin tiikit jom mang maq, dunghiq wan kang. Ngi raq phanrap jaqsham wan kang, kra miitu ngi ka ra na düli chang khan siwan kang. Arthun ong wan kang arka, ngi raq jasham wan kang kra miitu poksi. Hawa Naga Bible 2001 Ngaz muex rax yaq phvnx lotlaz ngaz rueq lvp tauk. Vlenc vlauk juing muinz tvlvlc mauk. Ngaz rueq shuimx wvnc tauk phvnx ruip saz ningkhvnc nuex ngaz kvsomc parc wvnc tauk, kvruex lotlaz kuex ngvy yauk mauk rvtueq. |
Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto.
Kiimaq ra na siti thun raq ara jechaksere ka shamhea wiqsetiim chhito. Krai mren tsangshiq raq aro aroti ka tsangshiq raq lamto.
Khanhü hupsam thun na itsantsii tiitsi mang chang miitu ngi ara tiiwongkuqlaq; ngi ma tsantsii ahea thülaq, kiqkham kuqlaü kra phanphan.
Ümkampho ka maklii liipan niili, liihawe kaü biwan tlaq ikha, arakong cham raüta mibiwan.
Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.
Maiqse rilung na polokhiq maq singa ka jamkhiiwa, kra ngi raq ritwan kang. Shatmaq kra pumsii polo rilung ka thiihü atuli.
Maiqse rilung na, pattup atinkhan sham raüta, rilung tiisung wan jai na ümniima amet ka jamlai wa sitla?
Arningkhan, maiqse rilung na athuk pinthum ka, jamlaiwa najaq na lap wankai, kra nawok phetaktak, phaqsea khamnyang, peokhiq maq siwan changli. Shatmaq ara khoqriiq shishiiq maq siwan armin Shiikeawe raq akuq.
Arningkhan, ngi raq akhli she tak wan kang, maiqse miika mangjong hiq na atra sitiikai bala, najaq maq jamlai minwa shiiqtiikai, kra tsingo ka phaqsiq laita, khoqriiq shishiiq maq siwan changli. Arthaq niika, nashiq raq klo kai chang laihin ahü. Nashiq tsaikai jai niika, jamlai miishe wa mija wan kriika nashiq raq sapmai.
Ümniika kampho ma süram haüla, ümsütsi ka ümtiikii min tsaq mak. Ümniika chiithe ma ja wan lungwii tlaü jiila, ümniiraq ümchu wa rittlaü kriika lapmaü mirhaü. Arka atuli.
Maiqse rilung ka ranyaq mong na sithü changli. Kiimaq hosi, chapa, tsankhiq kiimaq atsi asi lam miili sitiikai.
Ngi raq maiqse rilung khuthaq na phanrap konchon wan kang. Lata bomtsi ka arjiishe sup wato: Shiikeawe raq maiqse ma rilung ka ara mangjong hiq na siwan miitu atoqse li kuqto. Kriikha na jaqsham minshiiq ümtinkhan wa hunnii tiikai, kra phanphan, phaq asea chamtraq wok phetak phaqsiq raüta, chochikhiq maq narilung ka tiisung wan changli. Kriili maiqse ma ahea pinthum. Maiqse rilung kharii ka arli she.
Shiikeawe raq maiq wiijamti miika tsiiq anyam, shreng manto, kiimaq chiithe jong, phanphan apaiq raq aroro kuqtlo. Shatmaq apaiq ma kriithun ka peokhiq phaqsea wan miitu rilung kuq mak. Maiq ahinti wa raüta, apaiq tsiiq anyam thun ka chamtraq phaqsiqtlo. Arka atuli. Arka ajiq bintang saü watlo.
Ara lii raüla, maiqse rilung ngutlaq ka atuli. Jamliip min ahü. Arka rahai jaijoli. Phanrap phan rii lap wan hajaq nguta rapan hiqlam siwan nam miika, najaq na jamlai wa sitlaq kra phaqsiq laita chochikhiq maq siwan riiwe ka ahea.
Arningkhan ngi riika arli saptiikang, maiqse rilung na, polokhiq maq siwan changli. Jamkhano ngukla maiqse ma rilung na polokhiq maq siwan miitu ka, phaq nai sea chamtraq phaqsiq raüta peo wan chang kli sitlo. Shiikeawe raq apaiq ma mangjong hiq na rilung kuqtaq liipan bala, arka apaiq raq jaqsham raüta mipeo wan lot.
Tsangshiq lungwii tsantsii, tsangshiq makshu rashe tsantsii, tsangshiq jaq sham kaiwa miitu tsantsi tlaq thun ka tsangshiq miisaq thumtaq krai she thumto. Tsangshiq raq ara mangjong hiq na jaqsham kaiwa lom wan lot mak she. Thumtoshe.
Ümniiraq lungwii tlaü ümjamti nyung rai ümrilung ka khoqriiq shishiiq maq silaq. Ara mangjong hiq na siwan miitu Shiikeawe raq ara thiihü rilung kuqtaq kra tiisung wan laq. Ranaiqtek thiihü rilung ka ara mangjong hiq maq siwan chang kata. Jamkhano ngukla, chamchao litkot mong miili siwan chang rilung ka Shiikeawe raq maiqse ma phansang kuqto.
Ara mangjong hiq na siti phiijawa raq jamlai wa araa ariq phan pinthum nguta shreng tlaq ka ara: ngarai han-ngam sükha ramho, maiqse maklii sükha ramho, kiimaq rilung khushü jong riilong tsii sitlaq kra. Arthun chongtiikai arka, Awejong Shiikeawe raq aphan sang ka riimak. Arthun arka phiijawa rilung miirii.
Apaiq ka jam na jang wan raüta awe nai anyung ma akha chongto, “Timna chela na Philistain shea junriise nyungshi shamheawiq chhiki kang. Apaiq ka ngi ma waikuq kirong kiq. Ngi raq apaiq ka milamha.”