THARC TVLUINGC 5:10 - ASII LAKDAP Bible (BSI)

¹⁰ Ümniika kampho ma süram haüla, ümsütsi ka ümtiikii min tsaq mak. Ümniika chiithe ma ja wan lungwii tlaü jiila, ümniiraq ümchu wa rittlaü kriika lapmaü mirhaü. Arka atuli.

Hawa Naga Bible 2001

¹⁰ Mnoz kuex kuimphox muex rvnphvnx vtuiux ngoz ruiux, mkaq muinz thuinz suing tuiux rvmuq; luiz waungx yaungc roc jix waz muinz, mnoz rueq lvp roc shuiux phvnx lotlaz kuex mkaq muinz lvp shuiux rvmuq. Kvruex kuex khuec guez dvyx rvtueq.

THARC TVLUINGC 5:10 Referencias Cruzadas

Tvtsvmc 52:1

Jawa shiikongrai tlaü, ajong alawe lei, ümnaq abi kiimung tlaü kra miitu? Shiikeawe tsapkap ka pattup miitu.

Tvtsvmc 52:7

“Liironglaq, arwekaü ka hansang maq si miitu Shiikeawe ma lam mak, shatmaq atsiiq tum miili kamto kiimaq abi kiimung kli apaiq khupwongti nguta kamsiqto.”

Tvtsvmc 62:10

Riitsea riita ma naq kamkiq; thiimeaqtek laüta amet milapha nguta naqkamkiq; ümtsiiq tum thun ka mawan raü min, kriima naqlamkamkiq.

THARC TVLUINGC 1:17

Ngi ka itsan na taksu tsii nai angok angi tsii liipan na, jamkho tiikhothiq tsin tlaq, kiimaq taksma tsii nai angi nola jong tsii kra sap wan hajaq nguta shiichaq wan kang. Shatmaq ara tiikhothiq wan tlaq arman rahai jaijo ikhli riikang.

THARC TVLUINGC 1:8

Phanrap phanrii ka lii raüla, maiqse tiihunnii chang siisaq li. Nümaq achong lot chang riimak. Makpo riika chhiruq chhiruq roli, hongtoshe nguta ngumak. Nilok riika tairuq tairuq roli, hongtoshe nguta ngumak phan.

THARC TVLUINGC 2:10

Ngi raq jamlai phan wa lungwii wankang, kra thum thum klowan kang. Ngi raq ikhum ka jamlai phan niimin tiikit jom mang maq, dunghiq wan kang. Ngi raq phanrap jaqsham wan kang, kra miitu ngi ka ra na düli chang khan siwan kang. Arthun ong wan kang arka, ngi raq jasham wan kang kra miitu poksi.

THARC TVLUINGC 2:11

Kra latiishe, ngi raq ümtinkhan wa sham lam wan kang kiimaq ong wan kang thun ka, tiima liikangta atuli. Kra thun ka rahai jaijo ikhli riito. Rashe raq aham ra takiq na jam achu min ahü.

THARC TVLUINGC 2:26

Shiikeawe riili, apaiq tiichochiti ma, taksu tsii, kiimaq anyan phaqchi, kiimaq khoqriiq shishiiq rilung shiiman kuqtlo. Shatmaq apaiq raq ngarai maiqse miika, jaqsham minshiiq na tiihun niitlo. Raüta tsiiq nai nyamtum riichom raüta tiitotlo. Raüta kra tsangshiq tsiiq tum ka apaiq tiichochiti ma kuqtlo. Arthun arka atuli. Rahai jaijoli.

THARC TVLUINGC 3:19

Jamkhano ngukla, maiqse nai nyamse ka adam dam siili. Maiqse jamkho tsaitlaq kiikhiisii, nyamse kiimin tsaitlo. Wiitsitsü phan ngusaq, maiqse nai ngamsaü ngiqse ka adamli tsaitlo. Tsangshiq ka aphan sang arwan siisaq. Maiqse rilung kiimin, ngamse rilung kiikha thiihüli. Jamkhano ngukla rilung ka phan nai ri wiita ma thiihüli.

THARC TVLUINGC 4:16

Hokham weshi raq tsangmung peng wantlaq kiijiika, mungmaiqse ka pahea, awea lot mai min mirsham. Shatmaq apaiq tsai kai jaishe ka, tsangshiq miitu ümtinkhan wa, apaiq raq jaqsham kuq wantaq kra miitu kechutumketi, maiq ka ahü she miraq. Arka thiihü atuli. Arka rahai jaijoli.

THARC TVLUINGC 4:4

Kiimahali maiqse ka ongwan hajaq nguta pinthum minshiiq shiichaqtlo chhitiikang. Arka tsangshiq raq nanok chiiti kra lümha jaq nguta amakshu tsi ma shiichaqtlo. Shatmaq armin atuli, rahai jaijoli.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

THARC TVLUINGC 5:9

Hokhamwe santla mungmaiqse raq tsam ahea jut tlaq thaq na chap raüta mung pengtlo.

THARC TVLUINGC 6:7

Maiqse ashi riika, awokpo miitu, minshiiq pinthum shiichaqtlo. Shatmaq apaiq miika hongto she ngutiika ahü.

Matthew 6:19

“Namshiq miitu tsiiq nai nyam tum ka mangjong hiq na naqto rongkiq. Arwiika sap nai chhii raq miphaq. Kiimaq thiimeaq raq mitek. Kiimaq ahuk raq mihuk ho.

Matthew 6:24

“Jurmin tijong wenai rümlot mak. Apaiq raq weshi ka alungwii miraq. Kiimaq weshi ka ashummii miraq. Apaiq raq weshi ka ashreng miraq. Kiimaq weshi ka asaisi miraq. Ümniiraq Shiikeawe nai tsiiq tum ka adam na shomnoq wan lot maü.”

Luke 12:15

Kra ngu raütiishe, Jesuq raq tsangshiq tarü ma akha chongkuqto, “Sükha ramho kharü mong na dea man chang miitu, honkamshat maq si rong laq. Ara jamkhano chongtiikang ngukla, riikhaqli maiqse rilung ngutlaq kriika, ajaq na tsiiq anyam rüm tlaq, kra lamlam li ka riimak. Apaiq ka ümtinkhan chiithe we li jiimin ümriilaq.”

1 Timothy 6:10

Ara jamkhano chongtiikang ngukla, tsiiq nai nyam ma sükha tsii raq, maiqse ka phanrap abi lam phan nü na shea ho tlo. Phungmaiqse wa maiq wiijamti ka, tsiiq anyam ma sühea kha maq, kampho apapa lap hai jaq nguta, tsiiq anyam ritlai anguli she, Shiikeawe lamphan wa, lamjiq nü niishe kiho wito. Raüta, rokngoq riingoq chamchao chapa riihum raüta, tiishudaq tlo.