THARC TVLUINGC 5:11 - ASII LAKDAP Bible (BSI)

¹¹ Ümniika chiithejong ma jawan wan haü min, aphaqseati maiq ka pahea riiwan wanli miraq. Ümniiraq sap chang ka, ümniika chiithe dea nguta saptlaü kli aliip miraq.

Hawa Naga Bible 2001

¹¹ Mnoz luiz waungx yaungx wvnc, mnoz rueq kuy phuiuz svy juing nuix paung wvnc dvyx rvtueq. Mnoz luiz waungx vtuiux lvmz kuex mnoz rueq tuiuz tvy vjux dvyx lvp vshuiux.

THARC TVLUINGC 5:11 Referencias Cruzadas

RAPHA HIQWA LAK 12:16

Kra nyung ningkhan hokhamwe raq Abram ka aheawiq shiili liito. Kiimaq apaiq ma sku kong nai chhechhi kong, minsaü kong, kumtoq kong, kiimaq disetiim kiimaq kumtsong kong kuqto.

RAPHA HIQWA LAK 13:2

Abram ka pinthum chiithejong riito. Sku kong, chhechhi kong, kiimaq minsaü kong thun kiimaq ajaq na kampho nai chaq kiimin pahea asi riito.

TAKSU LAK 23:5

Ümkampho ka maklii liipan niili, liihawe kaü biwan tlaq ikha, arakong cham raüta mibiwan.

THARC TVLUINGC 11:9

Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

THARC TVLUINGC 2:9

Tengteng, ngi ka Jerusalem na ngi ma kongkhu na ümchu wa siwantaq, kra thaq na ajong pinthun riikang. Kiimaq ngi raq nyan phaqchi sap wan kang kriiraq ngi ma phanrap tii-ong wanto.

THARC TVLUINGC 5:12

Shamti kaiti riika, ajaq na jamlai wa asi, kra phaqsiq raüta, rawa na khütsü khatsü mikonsiq. Shatmaq chiithe maiqse ka atsii rümwan miitu rawa konhü michapasiq.

THARC TVLUINGC 6:9

Ara lii raüla, maiqse rilung ngutlaq ka atuli. Jamliip min ahü. Arka rahai jaijoli. Phanrap phan rii lap wan hajaq nguta rapan hiqlam siwan nam miika, najaq na jamlai wa sitlaq kra phaqsiq laita chochikhiq maq siwan riiwe ka ahea.

JEREMIA 17:11

Jurwa maiq laolii raüta chiithe ma jatlaq; kriiti ka wushi kaü ashi raq apaiq raq atai riimak, atai phong wokuq raüta asetiim thütlaq ikha. Arilung ka shethungpii niili atsiiq tum ka misumphaq, atiisup na apaiq ka angiwe miili she mija.

HABAKUK 2:13

Ümniiraq maiqmung thun khat laüta, jiiwan laü. Tsangshiq raq jaqsham atuli hunnii wanto, kra thun ka wiita wa raq butja, mikhiimbaiq wan. Arka Tati Ningkun Ajongwe Pinthumwe jaqsham.

1 John 2:16

Ara mangjong hiq na siti phiijawa raq jamlai wa araa ariq phan pinthum nguta shreng tlaq ka ara: ngarai han-ngam sükha ramho, maiqse maklii sükha ramho, kiimaq rilung khushü jong riilong tsii sitlaq kra. Arthun chongtiikai arka, Awejong Shiikeawe raq aphan sang ka riimak. Arthun arka phiijawa rilung miirii.