THARC TVLUINGC 5:17 - ASII LAKDAP Bible (BSI)

¹⁷ Maiqse rilung ka ranyaq mong na sithü changli. Kiimaq hosi, chapa, tsankhiq kiimaq atsi asi lam miili sitiikai.

Hawa Naga Bible 2001

¹⁷ Naungshiq kuex raungnyauk mungx nuex httax vtix ningkhvnc nuex vyonz vyec, rvwvlc tvmaung, vkhaq vraq nuiyc vthuiuz vsac maq httax vtix.

THARC TVLUINGC 5:17 Referencias Cruzadas

RAPHA HIQWA LAK 3:17

Kiimaq apaiq raq maiqwe kiimiishe nguto, “Ümniiraq ümchak bom tailaü. Laüta Ngi raq ümniima naq siqkiq nguta achongha petsi kra siq laü. Ümniiraq jamlai wa riilaü kriikha na, hiqraikhü ka manson ho laütiishe misi wan haü. Ümniiraq ümrilung wiilü pinthum jaqsham shiichaq laütiitiq tü atsam ka milap phaq siq haü.

1 HOKHVMX 17:12

Kiijiishe kriinyung raq treto, “Atra üm Tatiwe, üm Shiikeawe mang na tiitum lata chongtiikang, ijaq na winsü ka ahü. Ijaq niika ralangse chonkhi laqlise jaqphishi tin bunwong win se sorea winse na athüha kriili asi. Kiimaq ralang khampüse ikha olip tai hamlii tsabum cha niise asi kriili. Ngi ümchaü arjaq kikang arka chinkiisetiim riichomkai nguta kikang. Lata ara jam na lam wan lata, ijaq na jamlai wa chonkhi laqli se sitlaq kriimaq ise nainai miitu winsü kophaq ma nguta kikang. Kriika ise nainai ma maapong phaqsea miraq. Kra laita nainai ka amang maq tsai wan chang lishe miraq.”

2 HOKHVMX 1:2

Kiimaq Israil mung Hokhamwe Ahajia ka Samaria chela na apaiq hokham jam wukhu rinchü maq dea wa raüta tsihea tiibukto. Kra ningkhan apaiq tsi ka miheaha shea hea mang wa nguta Philistain mung wa Ekron chela na siti phrakaü Baaljebub phra phana maiq teitlangkaiti tiikito.

2 HOKHVMX 1:6

Kiijiishe tsangshiq raq treto, “Naishiq rai maiq weshi riihumto. Raüta apaiq raq naishiq nangnga ajangli riiwan ronglaq lanta Tatiwe raq ümniima, ‘Riita ümniiriika Ekron chela riimti Baaljebub phrakaü phana teitlang kaiti ka jam nguto tiikilaü? Ümniinga Israil mung na shiikea ahü ngutiisha tiima tlaü? Ümmitsi ka heamak she; ümniika atsai she mirhaü!’” nguta chongwa rongkiq nguta tiiwato.

2 HOKHVMX 5:27

Riita arningkhan, ümchaü sanha, Naaman thatsi ka ümkhu thaq niishe milü wan. Ümkhuthaq na kiimaq ümsaü ümsetiim thaq na pattup pat-sa she mirlü wan!” Krai mren, Gehaji ka kiiwa tiido wantaq akhing na, akhum na kra thatsi ka akop wa kun she riito. Akhum wa akhü thun ka tsakhiiq ikha lüriirii ma she riito.

YOBA 21:25

Maiq wiijamti ka acho achi nguta jam min ahü dongdii; tsangshiq chamchao litkot mong maq akhap akhiq miili tsangrilung ka tiisung wantlo.

Tvtsvmc 102:9

Ümtsankhiq walü henghea kha maq, tapkhu ka itsampin, kiimaq imakphai ka khamrai shot lata nyangtiikang. Ümniiraq ngi ka tsun laüta dobaiqlaü.

Tvtsvmc 127:2

Wok miitu minshiiqsea ranaiq rawa hunniirai ka atuli, ranap chumaq tiido raüta wathung niitiq konwan lili. Jamkhano ngukla Tati raq lungwiitlaqti miika, tsangshiq akonshon niili apaiq raq kuqtlo.

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

Tvtsvmc 78:33

Arningkhan she apaiq raq tsangshiq rilung ka tsitsü heatiikai ikhli she tiithumbaiqto kiimaq tsangshiq miisaq ka tiihanghiiq miili sawa tiiwa raüta tsat baiqto.

THARC TVLUINGC 2:10

Ngi raq jamlai phan wa lungwii wankang, kra thum thum klowan kang. Ngi raq ikhum ka jamlai phan niimin tiikit jom mang maq, dunghiq wan kang. Ngi raq phanrap jaqsham wan kang, kra miitu ngi ka ra na düli chang khan siwan kang. Arthun ong wan kang arka, ngi raq jasham wan kang kra miitu poksi.

THARC TVLUINGC 2:23

Maiqse rilung na atra sikai wiiwii jaqsham laita sichang. Kra jaqsham mintsa raq chapa kiimaq khuli tiitsi wantlo. Rawa mong na dongdii min, ümkhutsai ka kon mak. Arka atuli.

THARC TVLUINGC 2:24

Arningkhan, maiqse rilung na athuk pinthum ka, jamlaiwa najaq na lap wankai, kra nawok phetaktak, phaqsea khamnyang, peokhiq maq siwan changli. Shatmaq ara khoqriiq shishiiq maq siwan armin Shiikeawe raq akuq.

THARC TVLUINGC 7:14

Arong awin maq sitlaü bala chojong chise maq silaq. Kiimaq alit akot kaidi tlaü bala, rashi hiqwea laüta silaq. Shiikeawe raq siili chochi akhing na chamchao akhing ka tiisaütlo. Maiqse riika anap jamlai wa misaü, kra saplot mai.

Acts 12:23

Kiijiishe tiihanghiiq miili, Tatiwe rase raq apaiq ka tiikhiqlaq tsat baiqto. Apaiq ka Shiikeawe raq jamkhano tsatbaiqtaq ngukla apaiq kra khoti Shiikeawe ikha tiishom ra wanto. Kriikha na tsatbaiqto. Apaiq ka ajong ajii raq phaq raüta tsaito.