THARC TVLUINGC 11:9 - ASII LAKDAP Bible (BSI)

⁹ Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

Hawa Naga Bible 2001

⁹ Yalx rox rulx lex, nuimshiq yalxrox pat nuex vshuenc vruenc maq httax kuinz. Yalx rox jauz vkoz vkez maq httax kuiuz. Mnoz rueq shuimc roc shuiux phvnx yvmx yuq muinz shuimx shuiuz, mthuinz vmungx maq raungc raq shuiux kvkhoc khuemx kuiuz. Yuq muinz mnoz rueq shuimx kaz vshuiux phvnx ruip saz kuex Tishox rueq wisoz vtueq mnoz muex phox kuq kv-phux kuex rvwvl shuiuz.

THARC TVLUINGC 11:9 Referencias Cruzadas

RAPHA HIQWA LAK 3:6

Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto.

RAPHA HIQWA LAK 6:2

Kiimaq ra na siti thun raq ara jechaksere ka shamhea wiqsetiim chhito. Krai mren tsangshiq raq aro aroti ka tsangshiq raq lamto.

1 HOKHVMX 18:12

Riita ngi wawan jai niili ümniika Tatiwe wenyi raq ümniika dowan raüta, ngi raq sapmang maiqhiq bashi ra na shea wan raü jiiha? Kriishe nguraü ka ngi raq Ahab ma ümniika arjaq asi nguta chongwa jai, kiimaq apaiq raq ümniika ritki raüta hummak she raü ka, apaiq raq ngi ka atiitsea mirbaiq. Ümtsan na tiitsang laq, ngi ka, noseji miiphü Tatiwe ka tsapkapkap maq shomnoq wanti.

1 HOKHVMX 18:27

Ranaiq shethung shekham she saüwan kiita Elija raq tsangshiq kiishe akha naiküsiq hoto: “Ajong lin maq achu jaü ronglaq! Apaiq ka shiikeawe kata! Jursap apaiq ka phanshira tiima na moraitlo sham, riimakla apaiq ka niitiitsak sham, riimakla apaiq bashira na wanhiq na kihoto sham! Riimakla apaiq ka akon sham. Namshiq raq apaiq ka atiisam riichang sham!”

1 HOKHVMX 22:15

Krai mren ümtiikiiwa apaiq ka Hokhamwe Ahab man niishe tiichapto. Kiimaq hokhamwe raq apaiq ma waito, “Mika lei, Hokhamwe Jehoshaphat nai nai kilaita, Ramoth chela ka mikhatki hai shea, shea khatki mai li wa?” “Kilaq. Khatki kiq! Alei, achong ngori shea. Mitang haü kata! Tatiwe raq ümniima mitiitang kuq kata,” nguta Mika raq treto.

YOBA 31:7

Ngi ka tingting lam phan wa lamjiq na kihokang dea jiila riimakla itsan itsii ka abi kiimung jon wan kang jiila, kiimaq ijaq ka ngarai maq nei wan kang jiila,

Tvtsvmc 81:12

Kriikha na Ngi raq tsangshiq ka nilan lamphan na tiikibaiqkang kiimaq tsangshiq raq aroro lam na tiikibaiqkang.

THARC TVLUINGC 12:1

Arningkhan ümnaq Phansangtiwe ka ümnaq jeroji na tsan na tiitsang laq, ümrilung na chamchao rahiq akhing kra misaü wan shaq liipan na. Ümrilung na rawü thum wan raü jaq, ümniiraq, “Ngi ma arthun arka asum akam min ahü she,” nguta mingu haü.

THARC TVLUINGC 12:14

Jamkhano ngukla, nashiq raq ümchuwa ahea abi klo wantiikai ka, ahukse maq aklo wan thun kiimin, Shiikeawe raq wiita kappe maq mishin.

THARC TVLUINGC 2:10

Ngi raq jamlai phan wa lungwii wankang, kra thum thum klowan kang. Ngi raq ikhum ka jamlai phan niimin tiikit jom mang maq, dunghiq wan kang. Ngi raq phanrap jaqsham wan kang, kra miitu ngi ka ra na düli chang khan siwan kang. Arthun ong wan kang arka, ngi raq jasham wan kang kra miitu poksi.

THARC TVLUINGC 3:12

Kra ningkhan, ngi raq tak wan tiikang, maiqse ka atra sitiikai bala, jamlai minwa shiiq tiikai, kra shamphaq laita khoqriiq shishiiq maq sichangli.

THARC TVLUINGC 3:17

Ngi nai ngi ka akha tiingo kang, “Shiikeawe raq kechu maiqse nai ashut maiqse ka kappe ashi maq shin raütli tsangshiq kha ka mipho. Jamkhano ngukla, jaqsham kaiwa aweatek ka, maiqmiimii akhing na kha ka miphoqkuq.”

THARC TVLUINGC 6:9

Ara lii raüla, maiqse rilung ngutlaq ka atuli. Jamliip min ahü. Arka rahai jaijoli. Phanrap phan rii lap wan hajaq nguta rapan hiqlam siwan nam miika, najaq na jamlai wa sitlaq kra phaqsiq laita chochikhiq maq siwan riiwe ka ahea.

THARC TVLUINGC 7:14

Arong awin maq sitlaü bala chojong chise maq silaq. Kiimaq alit akot kaidi tlaü bala, rashi hiqwea laüta silaq. Shiikeawe raq siili chochi akhing na chamchao akhing ka tiisaütlo. Maiqse riika anap jamlai wa misaü, kra saplot mai.

JEREMIA 23:17

Ngi raq achongkuqha ibom chong taimak tleatibi ma, tsangshiq raq jamlai haisong chang ahü, ahea tsangshiq ma jammin rongra mak miraq, nguta tsii shiijon chongkuqtlo. Kiimaq tsangshiq raq nilannok, wanshakshak tsantsii riimtibi thun loweatek ma, tsangshiq ma phiiptsi chang rahiq ka saümak ahea miraq ngutli tiishonbii chongkuqtlo.”

JEREMIA 7:24

Shatmaq tsangshiq raq ibom taimak kiimaq tsangshiq tsantsii kuq wan mak riito. Shatmaq tsangshiq ka nilan wanshak shak kiimaq abi tiima tsantsii raq jamlai wa chongtlaq kra phan phanli siwanto. Kra ningkhan tsangshiq ka maiqshaq ma jawan la na, naolaqhea jabi wan wan khoti riito.

AJONJÜ 3:27

Kiimaq arningkhan tsankhun maq, jeroji na nin laita siwan riiwe ka ahea.

WEAWEA 15:30

Shatmaq maiq ashi ra raq sam sam maq ngarai la klo raüla, apaiq ka Israilnok phan noktiwe lo, riimakla pong mungti wanshawe lo, kriika Tatiwe ka ji maq nishishi ngarai tangtiwe miraq. Krai mren, apaiq ka tiitsai laq tsea baiq chang.

WEAWEA 15:39

Ara kheani nyamtu paqtlan thun arka namshiq ma tsan na tiitsang shat thü wan miitu miraq. Ara chhitlan akhingtek na, namtsan na Ngi raq akuqha aming thun kra mitiitsang han. Lanta kra aming thun ka milang han. Kra riihanla namshiq ka iwokhong wa ahin na juho man mirhan. Kiimaq namshiq raq athithi lam phan na kiimaq namshiq raq aroro lam phan na kiho man mirhan.

WEAWEA 22:32

Rase raq apaiq ma akhiishe shiitepto, “Ümniiraq üm kumtoq kaü ka jangtsam jam nguto tsat laü? Ngi ka ümlam tangbaiq kai akiha. Jamkhano ngukla ümniika ana kimaü chang kitlaü.

Matthew 5:28

Shatmaq, ümchaü ngi raq namshiq ma chongpha: jurwa maiqnyung ashi sham na lii raüta, süram wan tlaq, kriiti raq sipeja ngarai ka atsan mong na atang wishe.

Luke 12:19

Kra lot latiishe, ‘Kopan ajongwe le! Ümchaü sanha, phanrap ong laü she. Ümchaü kla, che nyang dungsea, chamtraq tiipong tiipii laütli she peo silaq!’ nguta tiishomrasiqto.

Acts 14:16

Richü pat na Shiikeawe raq mangjong maiqse ka tsangshiq tsantsii na jamlai phan shomnoq raüwa ahea nguta tiima tlaq, kra phan phan, phanrap phanrii tiishom noq wanto.

Acts 24:25

Shatmaq Paul raq apaiq rai riibom lam maq, kechu rilung, stiq skhaq rilung, kiimaq jai na saüho tlaq Phangthum Khapho Ranaiq wa bom thun kra phanchan chongkuq wan lili riitlo. Kriikha maq, Phelisk ka ahaisi min asi riito. Kriikha maq, “Ümniika ümchaü atiido wan mimai. Ngi raq ümtiikiiwa akhing milap ha kiitiikiitiq mitiihea nong kang” nguta chong kuqto.

Romans 14:10

Riita, arkha maq, namshiq phong wa, maiq ümriiti riiwa, jücha weashaü lamlam miili dung ka tsapsiqtlan, kriiti raq, namphu nowe ka jam nguto sairan tlan? Kiimaq namshiq phong wa, maiq ümriiti riiwa, phanrap phanrii ka phaqsiq tlan, kriiti riimin, namphu nowe, jurwa namshiq kiikha phaqsiq makti we ka, jaram wa sairan tlan? Nashiq tarü ara, Shiikeawe man na chap wan chang siisaq. Kiijaq, apaiq riishe, nashiq ka kappe maq mishin wan.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

2 Corinthians 5:10

Ara jamkhano chongtiikai ngukla, nashiq tarü loweatek raq nashiq kha phoke wanti we Jesuq Khristo man na chap laita, apaiq ma nashiq kha kra tiipho chang miraq. Apaiq raq nashiq kha ka mipho kuq. Raüta nashiq pumsiitek ma, tri maq jamlai poksi kewan wa thek tlaq, kra phanphan she poksi mikuq. Riimak jiila atsa miraq. Khristo raq ara poksi kewan nai atsa wan kriika, nashiq pumsiitek raq ara mangjong hiq maq atra siji na, jamlai phan jaq wa shamkai, kra thaq na seng raütiishe mikuq

TRI CHONGKE 29:19

Tsan na atsi dada maq thü ronglaq, ümchaü ranaiq arjaq ümchuwa thungtlan arphong wa, jurmin ara akhek atsin ramtam bomtsi ara tai shat shat taü maq, apaiq raq arthun honchong bomtsi ara jin raüta, lanlaqlaq maq laihin sumla noq lam phan na kiho raü min apaiq miika ahea miraq nguta tiima maimak. Kiikhla klo raüla, namshiq tarü kunli, maiq hea maiqbi wiita khoshi na miqchup mithen wan.

Hebrews 9:27

Maiqse angu ka, khumtek lakshi ka atsai chang dongdii. Kra jai miitiq, Shiikeawe raq apaiq kha ka mipho kuq.

JOSHUA 7:21

Sepat lopi hupsam lapkai phong kiijaq, ngi raq Bebilon mung wa khea samtongjong kaü ashi, toknai tin kampho ngam, kiimaq chaq ngam pan ka tokthiq kra chhikang. Isiikha tsi ninlot mang kha maq, arthun ara lam wan kang. Namshiq raq kriithun ka Ijam tombutiip na, kampho ka atakiq na lapthü kang kra mihum han.”

2 Peter 3:7

Kiimaq ümchaü ara ra thun nai mangjong hiqdiim sitlaq armin, Shiikeawe aming ningkun maq sii hali shiikum pan raüta rüm tlo. Armin ranaiq shishi ka, wa maq tiikhiim chaq raütiishe shiithen baiq wan miitu rüm tlo. Riita ara ra nai hiq ümchaü Shiikeawe raq rüm tlaq arka, jai maq Shiikeawe lamphan sapmakti abi maiqse thun ümchuwa sitlaq kriikha phokuq tlaq akhing na tiinamtok thaübaiq wan miitu rüm tlo.