THARC TVLUINGC 11:8 - ASII LAKDAP Bible (BSI)

⁸ Rawiitek ümrilung siwan tlaü kra miitu honkamshat maq silaq. Ümrilung ka luhea li siwan haüjii min, tsan na tiitsangshat maq thülaq, ranaiqshishi ümniika atsai chang dongdii miraq. Khaki nü na liichang ka jamin ahü.

Hawa Naga Bible 2001

⁸ Mnoz rullungx loayc hvlc luz tuex nuex kejux vyungx ngoz vtueq kokez kuiuz. Mnoz mtanc nuex httuiuc laz tvraungx ruiux muinz, raungnyauk raungnuiyq htenc paunghvlc doc httax yaq kuex rvwvl shuiuz. Yaungx wvnc tuex phvnx ruip saz kuex khuec guez dvyx rvtueq.

THARC TVLUINGC 11:8 Referencias Cruzadas

YOBA 10:21

Ngi ma akai awacho she saü wato jai na tiithongshi jangki mang she-lumkükiq niishe ranyaq tangtang mong niishe kiho tiikang,

YOBA 10:22

kra mung ka ranyaq tangtang, phumthup shenyaq wali, kiimaq brak biishaqli, kiijiika rawüli kriimin ranyaq tangtang ikhli.

YOBA 14:10

Shatmaq maiqse ka tsaiki raüla, arilung ka kiijiishe thumtlo; apaiq ka tsaiki tlo, kriijai maq apaiq ka ümba niishe wa?

YOBA 14:12

maiqse ka tsaiki raüla thongshi jang wa mak she, ra ka siruq li siraü min tsangshiq ka akon wa sam mak she; tsangshiq ka akon wa tiimeshi nong mak she.

YOBA 15:23

kiimaq langtang kong ka apaiq maa phaq miitu kheshat. Apaiq raq arilung ka ranyaq mong niili she sitlo nguta sapshat;

YOBA 18:18

Apaiq ka atra mung wa ajo she mirbaiq, rawü mi wa ranyaq tangtang mong niishe mijobaiq.

Tvtsvmc 49:20

Maiqse jonglu raq apaiq ka tsailam wa tiichhiilot mak; apaiq ka ngamsaü ngiqse tsaitlaq ikha mitsai dongdii.

THARC TVLUINGC 11:2

Ümtsiiq ka pongbaba jaqsham na tiiwalaq - apawiq na, Jamkhano ngukla, rawiichii akhing na jamlai kharii wa saü wan jiiq, ümniiraq sap maü.

THARC TVLUINGC 2:15

Kiijiishe, ngi nai ngi she itsan mong na, “Riita ngi armin angiwe kiikha khoshi na dea wa chang siili jiika, ngi ka taksu we ma jalata, jamlai liip wa lapkang? Jam min ahü,” ngutiishe tiima wan kang.

THARC TVLUINGC 2:17

Arningkhan, ngi ma irilung ka jam thiirii min ahü, hiqtili ikhli she jakito. Jamkhano ngukla, rilung na ümchuwa shamwan kang, wiita ka chamchao chapa tiipati siisaqli. Arthun wiita thiihü atuli siisaq. Irilung na rahai jaili josiq wan kang.

THARC TVLUINGC 2:19

Kiimaq jursap apaiq ka maiqshaq shea, maiqkhü wa dongjiiq riila jursap? Li jiimin, ngi raq ara mungkang hiq na, itaksu tsii maq, ümtinkhan wa hunnii wan kang, ijaqsham tsingo ka, apaiq riishe miphaqsiq wan. Arthun arka atuli. Jamliip min ahü.

THARC TVLUINGC 2:26

Shiikeawe riili, apaiq tiichochiti ma, taksu tsii, kiimaq anyan phaqchi, kiimaq khoqriiq shishiiq rilung shiiman kuqtlo. Shatmaq apaiq raq ngarai maiqse miika, jaqsham minshiiq na tiihun niitlo. Raüta tsiiq nai nyamtum riichom raüta tiitotlo. Raüta kra tsangshiq tsiiq tum ka apaiq tiichochiti ma kuqtlo. Arthun arka atuli. Rahai jaijoli.

THARC TVLUINGC 4:16

Hokham weshi raq tsangmung peng wantlaq kiijiika, mungmaiqse ka pahea, awea lot mai min mirsham. Shatmaq apaiq tsai kai jaishe ka, tsangshiq miitu ümtinkhan wa, apaiq raq jaqsham kuq wantaq kra miitu kechutumketi, maiq ka ahü she miraq. Arka thiihü atuli. Arka rahai jaijoli.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

THARC TVLUINGC 6:11

Apa riikhiilea wan wan, thiihü ma jawan wan li miraq. Ümniima jamlai phan aliip apha dong chang min ahü. Atuli.

THARC TVLUINGC 6:6

Ara nonose ka sanglili hea wawanto. Apaiq ka maiq weshi rawii shinai siraüta, arilung na chochi ahü maq tsai wantaq kriiwe nam ma ahea lin. Jamkhano ngukla, tsang nai wiita khoshi niili wawanto.

THARC TVLUINGC 7:14

Arong awin maq sitlaü bala chojong chise maq silaq. Kiimaq alit akot kaidi tlaü bala, rashi hiqwea laüta silaq. Shiikeawe raq siili chochi akhing na chamchao akhing ka tiisaütlo. Maiqse riika anap jamlai wa misaü, kra saplot mai.

THARC TVLUINGC 8:12

Ngarai maiqse ashi riika, jangroq shishi ngarai mitang wan. Kra taü maq dongdii min apaiq ka atrali misi. Tengto: Ngi raq asap ha, tsangshiq raq akha mingu, “Ümniiraq Shiikeawe aming lang laüta sihaüla, ümniima jammin ngusiq mak miraq.

THARC TVLUINGC 8:15

Arningkhan ngi riika arli saptiikang, maiqse rilung na, polokhiq maq siwan changli. Jamkhano ngukla maiqse ma rilung na polokhiq maq siwan miitu ka, phaq nai sea chamtraq phaqsiq raüta peo wan chang kli sitlo. Shiikeawe raq apaiq ma mangjong hiq na rilung kuqtaq liipan bala, arka apaiq raq jaqsham raüta mipeo wan lot.

THARC TVLUINGC 9:7

Kriq na. Phesiq laq. Phetaktak phaqsiq laq. Chojong chise maq silaq. Wiiche wiitsam phetaktak phaqsi laüta silaq. Chochikhiq maq silaq. Shiikeawe arka ahea siili.

JEREMIA 13:16

Tatiwe nam Shiikeawe ka shreng ronglaq, apaiq raq ra mitiinyaq wan shaq na, kiimaq namshiq ka pum thun na mitiithap rai shaq na; namshiq rang rantlan rawiili ka ranyaq tangtang mitiijabaiq shaq na.

Yoel 2:2

Kra khapho akhing ranaiq ka rathup ranyaq tangtang miraq. Rathaiq ranyaq ranaiq miraq. Ramak min tiichhi mak phum raq mipang ho. Kupchi thawa hiq nyaq tlii maq mipang wan. Raüta raham hiqham miwa wan. Ku akin thaq na phumthup shenyaq raq, pang wan tlaq ikha miraq. Ara thawa akhiika mannii min ahü riito. Jainiimin akhiika chhimai miraq.

Matthew 22:13

Kiijiishe hokham we raq, ‘Arwe ara ahok ajaq ka wiita raü maq kha lanta kinphai na ranyaq nyang mong na hitthü baiqki rong- kiq. Kiijaq apaiq ka aho asii, arong awi kra tiichit wa liishetiq mihoq phaq wan laq!’” nguta ajaqshamtibi ka thaüto.

John 12:35

Kiijiishe Jesuq raq tsangshiq bom ka treto, “Namshiq ma rawüli ka heashili she mili. Rawüli asi bala, namshiq ka rawü lam phan tlan kra, phan ruq phan lantli si ronglaq. Ranyaq raq namshiq ka pang wan tlo jiiq. Juwa ranyaq mong na khum tlaq, kriiti riika, apaiq ka ümnüno kihotla, kriika sap mak.

TRI CHONGKE 32:29

Tsangshiq ka re raq jamkhano tang wantaq kra takmak; tsangshiq ka jamkho miq wantaq kra tak mak.

Jude 1:18

Tsangshiq raq namshiq ma, “Jai maq phangthum wan akhing saü wan raüla, namshiq shummiiti maiq midong wan. Tsangshiq ka maiqmii ngarai han-ngam ramho lamphantibi kong miraq,” nguta chongkuq thüto.