THARC TVLUINGC 6:2 - ASII LAKDAP Bible (BSI)

² Shiikeawe raq maiq wiijamti miika tsiiq anyam, shreng manto, kiimaq chiithe jong, phanphan apaiq raq aroro kuqtlo. Shatmaq apaiq ma kriithun ka peokhiq phaqsea wan miitu rilung kuq mak. Maiq ahinti wa raüta, apaiq tsiiq anyam thun ka chamtraq phaqsiqtlo. Arka atuli. Arka ajiq bintang saü watlo.

Hawa Naga Bible 2001

² Tishox rueq miq washiz muex tsak vnyvmx, tvtsanc nganc nuiyc hup vsvmx, piq muex rax yaq phvnx ruip saz htenc kuex kuq tueq, yuq muinz kvruex kuex lvp loay vkhangx kuq muq. Miq juiuc httuingx wuinz waz vshiz muex dvyx tvlvp luz wvnc tueq. Kvruex kuex khuec guez, lotlaz vyaq rvtueq.

THARC TVLUINGC 6:2 Referencias Cruzadas

1 HOKHVMX 3:13

Kiimaq ümniiraq ijaq wa jamlai phan wa jaü maü dea, kriithun kiimin mikuqha: ümrilung pattup hokhambi ahinti raq rüm wantaq kra thaq na ümniiraq tsiiq tum nyamtum ka pahea milap wan haü. Kiimaq shreng manto min jonghea milap wan haü.

1 KAÜWA WERAÜ 29:25

Tatiwe raq Israil mungti mungmaiqse tlotli ka Solomon khaki na akii anyii tsang khakii wa huhu tiichapto. Kiimaq apaiq raq Solomon ka Israil mung pengti hokhambi wiitarü thaq na apaiq khushü chhainyii ka jonghea tiijong kuqto.

1 KAÜWA WERAÜ 29:28

Apaiq ka tikii kiikaiq she, raütiitiq tsaito, kiimaq apaiq ka chiithejong, kiimaq wiitarü raq shrengto. Kiimaq ase Solomon raq apaiq changkhü na awe pumsong hokham ma jato,

2 KAÜWA WERAÜ 1:11

Kiijiishe Shiikeawe raq Solomon bom ka treto, “Ümniiraq athuk atsom phan jaü laü. Tsiiq anyam, kampho lakshii, mangchong, riimakla ümnaq ngengti miisaq, riimakla ümri lung ka alu si miitu jaü rii na, ngi raq ümniika isenginok khuthaq na hokham ma shong wan kang kra, mungmaiqse peng wan miitu taksu tsii nai anyan phaqchi jaü laü.

Tvtsvmc 17:14

Ngi ka mangjong rilung na jamlai wa lungwiitlaq kra laptibi jaq wa tiichhiilaq. Tsangshiq ma chamchao mo tiiho chang ümniiraq tiihong laü kriimaq tsangshiq mo ka tiiholaq; kra mo homa ka tsangsetiim miitu min honglu mirlaq kiimaq mo wiijam ka tsangsaütiim miitu mitiichonglaq!

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

Tvtsvmc 73:7

tsang tsan tsii ka shotsan waitsan, tsang khutsai ka abi kiimung süriili sitlo.

THARC TVLUINGC 4:4

Kiimahali maiqse ka ongwan hajaq nguta pinthum minshiiq shiichaqtlo chhitiikang. Arka tsangshiq raq nanok chiiti kra lümha jaq nguta amakshu tsi ma shiichaqtlo. Shatmaq armin atuli, rahai jaijoli.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

THARC TVLUINGC 5:13

Mangjong hiq na ngi raq phanshi abi pinthum chhi wan kang. Maiqse raq tsangshiq kampho ka jai na tsangshiq ma rongraa tlaq akhing miitu tek na saiqsam thütlo.

THARC TVLUINGC 5:16

Armin riikhaqli ka riimak! Nashiq jamkho jaqmii saükikai, kiikhiisii jaqmii maq miwa wan rong i. Nashiq ka ümtinkhan wa hunnii tiikai kriika rahai thoqseali. Nashiq raq jamlai wa lapkai?

THARC TVLUINGC 5:18

Ngi raq maiqse rilung khuthaq na phanrap konchon wan kang. Lata bomtsi ka arjiishe sup wato: Shiikeawe raq maiqse ma rilung ka ara mangjong hiq na siwan miitu atoqse li kuqto. Kriikha na jaqsham minshiiq ümtinkhan wa hunnii tiikai, kra phanphan, phaq asea chamtraq wok phetak phaqsiq raüta, chochikhiq maq narilung ka tiisung wan changli. Kriili maiqse ma ahea pinthum. Maiqse rilung kharii ka arli she.

THARC TVLUINGC 5:19

Arningkhan Shiikeawe raq maiqse ma, apaiq rilung na tsiiq nai nyam chamtraq shiiman kuq tlaq jiika, apaiq raq kra chamtraq phaqsiq raüta sichang. Apaiq raq Shiikeawe ma kechutum chang. Kiimaq apaiq raq minshiiq wantaq kra tsingo ka phaqsiq raüta sichang. Arka Shiikeawe raq akuq kongphiq.

ISAIA 55:2

Wok phemak chang phan kiijaq kampho jaram sumwa? Nam ningchang kra shaphaq jai min ram tsishatli chang jiika kampho jaram sumwa? Ibom tai ronglaq, lanta Ngi raq achongha kra sham ronglaq, kra riihan jiila namshiq raq phaqsea ahea pinthum miphaqsiq han.

AJONJÜ 5:2

Naishiq tachong hupsam ka, wanwe jaqkhon mong niishe; pongmungti raq naihiqshong jiiwanto, raüta naishiq jam na tsangshiq sitlo.

DANIEL 5:18

“Ajong Thaq na Ajong Shiikeawe raq ümwe Nebukadnejar ka wiitarü thaq na ajong pinthum hokham ma shongto. Raüta apaiq kharü kiimaq angao jonghea kuqto.

Hosea 7:9

Pongnok phan rai tongshong raüta, reraüshi maq siwan kha na, tsangshiq ningkun jomtlo. Arka tsangshiq raq sapphaq mak sitlo. Tsangshiq ningthoi saü wanto. Shatmaq tsangshiq raq sapphaq mak sitlo.

TRI CHONGKE 28:33

Maiq pong mungti raq ümniiraq riingoq ra ra minshiiq anü haü kriiwa tü atsam thun kra mijut siq. Shatmaq ümniiraq lap chang ka jammin ahü miraq. Shatmaq wranaiqshe ümniika maiq jaq khon mong na ji maq nishishi raütli mihaihii.

TRI CHONGKE 28:43

“Pong mungti üm mung na sitibi ka ajong ala ma jawan wan raüta ningkun apa lap wan wan miraq. Shatmaq ümniika aran ma jawan wan, ümningkun ka jom wan wan she mija wan haü.

PHOWEBI 18:10

Namshiq ka kiijaq saüwa hanla, tsangshiq ka ümtum ümmai, honlam min ahü michhi wan han. Kra binjü wa hiq ka jonghea. Maiqse ashi ma jamlai phan wa rongra tlaq kra wiita kunli asi siisaq. Kiimaq Shiikeawe raq namshiq ma kuqto she.”