THARC TVLUINGC 9:9 - ASII LAKDAP Bible (BSI)

⁹ Ümniiraq lungwii tlaü ümjamti nyung rai ümrilung ka khoqriiq shishiiq maq silaq. Ara mangjong hiq na siwan miitu Shiikeawe raq ara thiihü rilung kuqtaq kra tiisung wan laq. Ranaiqtek thiihü rilung ka ara mangjong hiq maq siwan chang kata. Jamkhano ngukla, chamchao litkot mong miili siwan chang rilung ka Shiikeawe raq maiqse ma phansang kuqto.

Hawa Naga Bible 2001

⁹ Vruex mungkawx vyuq Tishox rueq mnoz muex kuq kv-phux shex khuec guez rullungx nuex mnoz tvraungx httax tuiux wawwawx, mnoz rueq lungwawx shuiux nyuiuz rulc piauc liauc httax kuiuz, vkuilc vdaz lotlaz kuex mnoz rueq hunglaungx lanx wvnc shuiux ningkhvnc nuex khuec guez raungnuiyq ruip rawx vkoz vkez maq httax kuiuz.

THARC TVLUINGC 9:9 Referencias Cruzadas

RAPHA HIQWA LAK 26:8

Riita Isak ka kra mung na ashaqpuq shongjai niishe, Hokhamwe Abimelekh raq rajam kitan pu maq hiq nü na liito. Raüta apaiq raq Isak nai Rebeka ka sinyung siwe tiitsa hainga kra chhito.

Tvtsvmc 144:4

Apaiq ka miinan tsitsühea rahai ikhli; arilung ka tsaiji mokitlaq ikhli.

Tvtsvmc 39:5

Ümniiraq irilung ka ümtinkhan wa tiitoqbaiq laü! Ümmak lii na irilung ka athii arii min ahü ikhli. Maiqse atrati thun ka nü maq tsitsü heatlaq ikhli aloseli,

TAKSU LAK 18:22

Jurwa ajamti-nyung hum tlaq, kriika ahea phan humto, kriika Tatiwe khrum riito.

TAKSU LAK 19:14

Tsiiq nai nyam chong ka, awe jaq wa milap. Shatmaq taksu ata-nyung ka, Tatiwe raq akuq.

THARC TVLUINGC 2:10

Ngi raq jamlai phan wa lungwii wankang, kra thum thum klowan kang. Ngi raq ikhum ka jamlai phan niimin tiikit jom mang maq, dunghiq wan kang. Ngi raq phanrap jaqsham wan kang, kra miitu ngi ka ra na düli chang khan siwan kang. Arthun ong wan kang arka, ngi raq jasham wan kang kra miitu poksi.

THARC TVLUINGC 2:24

Arningkhan, maiqse rilung na athuk pinthum ka, jamlaiwa najaq na lap wankai, kra nawok phetaktak, phaqsea khamnyang, peokhiq maq siwan changli. Shatmaq ara khoqriiq shishiiq maq siwan armin Shiikeawe raq akuq.

THARC TVLUINGC 3:13

Maiqse angu nashiq tarü raq, na raq jamlai jaq wa shamtiikai kriiwa tiidongdea laita, chojong chise maq wok phetaktak phaqsiq laita rilung tiisung wan changli. Riita arka Shiikeawe raq akuq kongphiq.

THARC TVLUINGC 3:22

Arningkhan, ngi raq akhli she tak wan kang, maiqse miika mangjong hiq na atra sitiikai bala, najaq maq jamlai minwa shiiqtiikai, kra tsingo ka phaqsiq laita, khoqriiq shishiiq maq siwan changli. Arthaq niika, nashiq raq klo kai chang laihin ahü. Nashiq tsaikai jai niika, jamlai miishe wa mija wan kriika nashiq raq sapmai.

THARC TVLUINGC 5:18

Ngi raq maiqse rilung khuthaq na phanrap konchon wan kang. Lata bomtsi ka arjiishe sup wato: Shiikeawe raq maiqse ma rilung ka ara mangjong hiq na siwan miitu atoqse li kuqto. Kriikha na jaqsham minshiiq ümtinkhan wa hunnii tiikai, kra phanphan, phaq asea chamtraq wok phetak phaqsiq raüta, chochikhiq maq narilung ka tiisung wan changli. Kriili maiqse ma ahea pinthum. Maiqse rilung kharii ka arli she.

THARC TVLUINGC 6:12

Maiqse raq arilung ka ara mangjong hiq na jaqlose kiimaq thiihü sithü tlaq liipan na, apaiq ma ahea pinthum ka jamlai wa miraq, kra apaiq raq jamkho misap? Ara maiqse rilung ka rashekii na khum raüjaq, natsaiji dongtlaq ikhli. Maiqse raq apaiq tsaikai jai, ara mangjong hiq na jamlai mra wa mipin wan kra misap lot shea?

THARC TVLUINGC 7:15

Irilung ka thiihü niili thum wanto. Shatmaq maiqse rilung na jamlai wa saüwan tlaq, kra ngi raq wiita chhiwan kang. Tingtingwe rilung ka rithiq mojakai li. Shatmaq ashutwe rilung ka aluwiq mosi li.

MALAKI 2:15

Shiikeawe raq ümniika ümjamti-nyung rai han-ngam na kiimaq wenyi na pum ashi han ashi klokuq wanto riimak shea? Apaiq raq namnai tiishong nga wantaq arka jamlai miitu wa? Arka namsetiim ka riikhaqli Shiikeawe saüsetiim ma mija wan laq nguta atiishong wan. Arningkhan, namshiq liipan wa ju riimin, achak ma jaqkhaq raü atiipakuq kra, diibaiq maimak.