NEHEMIA 8:12 - ASII LAKDAP Bible (BSI) Krai mren mungmaiqse ka maiqmii jam na wawanto. Raüta chojong chise maq, wok phetak dungsea kham nyam wa liishe riito. Kiimaq tsangshiq jaq na jamlai phaqsea wa asi, kra kongti rai riiphea riinyin phaqsiqto. Jamkhano ngukla, tsangshiq ma Shiikeawe bomtsi phatkuqtaq kra liichum ka tsangshiq raq samhea wiq sapto. Hawa Naga Bible 2001 Kvkhoc rvtueq miq lotlaz rueq wvl wvnc tueq luik kuex tuiuz tay wvnc wuez vtueq, miqmac yuimx nuex yek wuez ruiux vkoz vkez maq phauk saq wuez vtueq, phuiuz vsvy kuex vganc jix muex muinz phvlx kuq wuez tueq. |
Raüta kra ranaiq tsangshiq raq Tatiwe man na khoqriiq shishiiq maq phekhiq chhaq phaqsea kham nyang peoto. Tiithongnai ngoja hali tsangshiq raq Solomon ka hokhamlii nguta shongto. Tatiwe mang na tsangshiq raq apaiq khum na tsangshiq pengtiwe ma tel maq nyukto. Kiimaq Jadok ka ramwe ma shongto.
“Riita, ümchaü min, namshiq ka maiqmii jam na wa rong laq. Lanta phaq asea chamtraq poi ajong klo rong laq. Poi klo wan miitu tü-adung nai spiqtai ka ju jaq niiwa ahü, kriiti miika asisiti raq kran kuq lanta, riiphea riinyin phaqsiq ronglaq. Ümchaü ranaiq arka Tatiwe ma asii ranaiq. Kra ningkhan, namshiq ka munjuk mijuk naqsi rongkiq. Tatiwe raq namshiq ma kuqtlaq chochi kriiraq, namshiq ningkun ka ajong ma mitiija,” nguta mungmaiqse ma chongkuqto.
Krai mren, Lewinok raq mungmaiqse ma, akha asii ranaiq niika tsan naqtiibi rongkiq, tlin chongkuqto.
Kriimaq napjai ranaiq niishe, maiq weraü weatek wa nyungwere ka tarü ramwebi nai Lewinok rai adam maq shrawe Ejra phana Thungtri bomtsi shrin kuqtlaq kra taikai kihoto.
Ara ranaiq nai akhing arka, Jehudinok raq chiqse rewe khat tang wan akhing ranaiq riito. Kiimaq ara jipi lü arka chamchao jonghea saü wantlo nguta chapa haisi jonghea wa, khoqriiq shishiiq jonghea jipi lü ma jawanto. Krai mren, tsangshiq Jehudinok mungmaiqse raq, ara akhing ranaiq nai arka, khoqriiq shishiiq polo khiq maq phaq nai sea klo raüta, weshi raq weshi ma, kiimaq miitsan miijan maiqsetiim ma dung riike ne chochi akhing ranaiq lang wan miitu aming kuqto.
Shiikeawe raq ngi ma jamlai aming wa kuqtlaq kriili ngi raq wranaiqtek shamtiikang; apaiq raq aroro kli shamtiikang, ngi raq aroha na riimak.
Ümnaq aming raütu ka ngi ma pattup pat-sa tachong hupsam; tsangshiq ka i tsan i mong tiichochiti.
Ngi raq ümnaq aming thun ka chaq thaq na apa lungwii tiikang, chiisan chaq nam miimin achan lungwii tiikang.
Ümniiraq shrinkuqtlaü bomtsi liichum tiikho chong raüla rawüli saütlo kiimaq jam sapmakti miimin taksu tsii kuqtlo.
Ngi raq ümnaq aming thun lang lata siwan ka pinthum lungwiitiikang; arka tsiiqtum jonghea nam miimin rahea.
Ngi ka ümniiraq akuqhaü tri raütu thun ma kai khoqriiqtiikang; ümnaq aming thun ka ngi raq laqbaiq mang mirha.
Ngi raq wranaiqshe ümnaq mitiitsamha, jamkhano ngukla ümniiraq ngi ma ümthungtri shrin kuqtlaü.
Ngi raq ümnaq tiichhiiwan khrum laptlo hajaq nguta khesiq tiikang, O Tatiwe lei! Ngi ka ümtri wokhong na singa kli peo tiikang.
Ümniiraq ngi ma tri raütu kuqlaü ka pinthum rahea, mangjong hiq na wa tsiiqtum tlotli tha niimin rahea.
Ümniiraq ngi ma ümbomtsi chongkuq laü. Kiimaq ngi raq ümbomtsi ka atsi awea tsan na washasha tiitsang taikang. Ngi ka ümniirii, Tati Ajong Pinthum Shiikeawe lei. Arningkhan, ümbomtsi raq imongjii na pinthum chochi kiimaq khoqriiq shishiiq asho awo tiima kuqtlo.
Kiijiishe, “Apaiq raq awa lam na, lam maq nanai ma, Asii bomtsi tru phanchan kuqtaq akhing na, nanai tsan mong na chochisi wali nai tsan chhii wa li hunhun dea riito!” nguta tsangnai ka riibomto.
Ngi raq asapha, ngi raq i han-ngam ningkun miika, ahea awa phan jaqsham kriika, sham wan lot mang. Ara jamkhano chongtiikang ngukla, i tsan mong na, ahea awa phan jaqsham kriidea sham hajaq, ngutiika tiima tiikang dea na. Shatmiitiq, ngi raq kra i jaq miishe, ara sham la ngutiishe tiima tiikang niika, sham lot mang she riiki tiikang.
Mangjong maiqse ka, ara tsangnai tsaitaq ara ningkhan kai michochi siq. Tsangshiq liipan na khoqriiq shishiiq poi miklo. Jamkhano ngukla, ara shammi anai raq mangjong maiqse ma chamchao jonghea tiisaüto.