Luke 24:32 - ASII LAKDAP Bible (BSI)

³² Kiijiishe, “Apaiq raq awa lam na, lam maq nanai ma, Asii bomtsi tru phanchan kuqtaq akhing na, nanai tsan mong na chochisi wali nai tsan chhii wa li hunhun dea riito!” nguta tsangnai ka riibomto.

Hawa Naga Bible 2001

³² Kvkhoc rvtueq tsuingnueyc rueq, “Lvmx maq vpiq rueq naungnueyc muex jungphvnx kuq phuex ikaq Rumvrc luik wawc jalc jungx kuq phuex nuex naungnueyc thuinz wvrluic ikhoc thuinz phez tueq rvmuq haz?” ngoz tueq rvjungc wuez tueq.

Muklom

³² Ningni jaktung o wantit ta, “Piq lamna hiqni ma Asang likwit bat kotaphi tho hiqni tin na waljung aa thimal ang moq angta i?”

Luke 24:32 Referencias Cruzadas

Tvtsvmc 104:34

Apaiq ka ishi ma michochilaq, jamkhano ngukla ichochi ka apaiq phawa saütlo.

Tvtsvmc 39:3

krai mren ngi ka chapatsi riishe tsai wan kang. Ngi raq apa tiima wan, chamchao ka ngi ma heng wan wan riito; ngi raq akha waihü miika silot mang she riikang:

TAKSU LAK 27:17

Jin ka jin miitiq tiisi min chang; maiqse ma tsii chongke ka, maiqse riitiq chongke chang.

TAKSU LAK 27:9

Homseng nai pewun homseng, tsang ka homhea. Shatmaq chamchao riika, tsantsii bunchacha riitlo.

ISAIA 50:4

Ajong Thaq Na Ajong Pinthum Tatiwe raq jamlai chong chang wa kra ngi ma shrin kuqto, kra ningkhan ngi raq ahun aniiti ma ningkun shoqkuqlot tiikang. Wranaptek apaiq raq itsan tiichhiitlo; apaiq raq ngi ma jamlai phan shrinkero wa kra tai miitu.

JEREMIA 15:16

Ümniiraq ngi ma ümbomtsi chongkuq laü. Kiimaq ngi raq ümbomtsi ka atsi awea tsan na washasha tiitsang taikang. Ngi ka ümniirii, Tati Ajong Pinthum Shiikeawe lei. Arningkhan, ümbomtsi raq imongjii na pinthum chochi kiimaq khoqriiq shishiiq asho awo tiima kuqtlo.

JEREMIA 20:9

Shatmaq ngi raq ümtiikiiwa, “Ngi raq Tatiwe ka alaqli she mirbaiqha, lata apaiq mang na bom chongmang she,” nguta tiima kangla, ümbomtsi ka wa tu ikha itsan mong na tsaühea na nyaitlo. Ngi raq bomtsi ka chong mang she ninrat la nguta ninkangla, tiikhinglot mang she achongke chang she dongdii jakitlo.

JEREMIA 23:29

Ibomtsi ka waniitu ikha. Kiimaq sintupo ikha longkaü thun tiibun buktlo.

Mark 4:34

Apaiq raq tsangshiq ma tra hokuq wantlaq akhing na, akha shiiton manphan setiim maq siisaq chong kuqto. Shatmaq, ajaqshisetiim rai tsangshiq honhon sitlaq liipan niika, tsangshiq ma kra shiiton wantaq liichum thun kra tru chongkuq tlo.

Luke 24:45

Kra tru chongkuq raütiishe, Asii Bomtsi kra takwan miitu, apaiq raq tsangshiq khutsai kra tiikhang kuqto.

John 6:63

Tsitsü keti ka Shiikeawe Wenyi kli. Maiqse han-ngam ningkun miika, maiqse ma tsitsü raü triiche kuqlot mak. Ngi raq namshiq ma chongkuq tiikang i bomtsi ahata, namshiq ma tsitsü keti Shiikeawe Wenyi raüchong.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Hebrews 4:12

Shiikeawe bomtsi ka atra. Kiimaq jamlai phan na seng raütiiwa bomtaq, kra sham wan ruq phan. Aniq min sihea, khubinlo panthit. Bomtsi raq maiqse tsaiji kiimaq wenyi wiita riip wan tlo. Kiimaq maiqse khum na arok ariitsai sitlaq thun kra wiita kunli han wan tlo. Kiimaq maiqse tsan mong na, tiima tsantsii jamlai wa rüm tlaq kra thun wiita, kunli chechiiptlo.