NEHEMIA 8:12 - Hawa Naga Bible 2001

¹² Kvkhoc rvtueq miq lotlaz rueq wvl wvnc tueq luik kuex tuiuz tay wvnc wuez vtueq, miqmac yuimx nuex yek wuez ruiux vkoz vkez maq phauk saq wuez vtueq, phuiuz vsvy kuex vganc jix muex muinz phvlx kuq wuez tueq.

ASII LAKDAP Bible (BSI)

¹² Krai mren mungmaiqse ka maiqmii jam na wawanto. Raüta chojong chise maq, wok phetak dungsea kham nyam wa liishe riito. Kiimaq tsangshiq jaq na jamlai phaqsea wa asi, kra kongti rai riiphea riinyin phaqsiqto. Jamkhano ngukla, tsangshiq ma Shiikeawe bomtsi phatkuqtaq kra liichum ka tsangshiq raq samhea wiq sapto.

NEHEMIA 8:12 Referencias Cruzadas

1 KAÜWA WERAÜ 29:22

Kvkhoc rvtueq tsuingshiq kuex kvruex raungnuiyq Yehowa khaungkac nuex phauk saq vtueq pinhtumc kokez wuez tueq. Lauk nueyc ngoc yaungc tsuingshiq rueq Solomon kuex hokhvmx shex ngoz tueq tvtay jungx tueq. Yehowa muingc maq vyungx yaungc tvkoc piq muex ruimruimx kuq ruiux, Zadok kuex shomc waz muex tvyaungc tueq.

NEHEMIA 8:10

Majuiuc miqmac yuimx nuex yek vtueq phauk saq wuez shuinz. Nuimshiq phuiuz vsvy nuiyc svpiq tix kuex htemc vrvmc jix miqsaz muex phvlx kuq wuez shuinz. Majuiuc raungnuiyq kuex naungshiq Taungjix tvkoc vsawc raungnuiyq ningkhvnc nuex, thuinz nauk tvbac wuez kaz. Yehowa rueq vkuq vkokez juing kuex nuimshiq muex hungc vlaungc tvyaungc kuq kv-phuinx,” ngoz tueq jungx tueq.

NEHEMIA 8:11

Lewi miqsaz kuex kvroz khuemx vtueq kvruex raungnuiyq thuinbac wuez muq maq, thuinz suing lvp wvnc tvkoc miq htenc muex jungx kuq wuez tueq.

NEHEMIA 8:13

Nvp yix raungnuiyq vtaungx vkhux yaungc jix shomc waz bix nuiyc Lewi miqsaz htenc rulc vdvmz Tvrac luik kuex tvluingc kay Ezra kox nuex kaz wuez tueq.

ESTHAR 9:22

Kvruex kuex Yuda miqsaz tsuingshiq rueq tsuingshiq ralx htenc khvt gay tueq raungnuiyq rvtueq. Rvwvlc htumx vyonz vyec juing wawc vkoz vkez thuinz hvlc juing kvlayc wvnc yapix rvtueq. Tsuingshiq rueq kvruex raungnuiyq nueyc nuex phuiuz vsvy moalx muinz, vdvmz rvhumc rvtuiuz phuiuz vsvy lvmz muinz tvhungx ruiux vshiz maq vshiz phuiuz vsvy yauk noalc rv-phvlc vtueq htemc saz jix muex yauk noalc kuy juing lvmz jungphvnx kuq tueq.

YOBA 23:12

Tishox rueq nvr yaq kuex ngaz rueq mkaq muinz shuimx vshaungx; ngvy thuinroc lvmx phvnx mauk, vpiq thuinroc lvmx dvyx phvnx vshaungx.

Tvtsvmc 119:111

Mnoz rueq nvrc bomc tvrac htenc kuex pattup ngvy tsak vnyvmx htenc rvtueq; kvruex htenc kuex ngvy thuinz vmungx kokez juing lvmx rvtueq.

Tvtsvmc 119:127

Kuimshawx mac muinz kuim- shawx muik shauk htauk nuex muinz mnoz rueq nvrc bomc htenc kuex ngaz rueq lungwawx vshaungx.

Tvtsvmc 119:130

Mnoz tvluing bomc kuex tvkhic jungphvnc kuy lvmx htenc rueq raungwuic kuex kuq vtueq, yvmx muinz tuiuz muq jix muex taksux tharc tvlvp kuq yaq.

Tvtsvmc 119:14

Tsak vnyvmx lvp wvnc htauk nuex mnoz rueq nvrc bomc htenc phvnc ngaz rueq pinhtumc raungc vshaungx.

Tvtsvmc 119:16

Mtvrac htenc nuex ngaz kokez raungc raq vshaungx; mnoz rueq nvrc bomc htenc ngaz rueq lauk gay shaungx rvmuq.

Tvtsvmc 119:171

Mnoz rueq ngaz muex mtvrac htenc kuex tvluingc kuy ningkhvnc nuex mnoz kuex ngaz rueq mkaq muinz tvtsvmc phaungx.

Tvtsvmc 119:174

O Yehowa lex, mnoz rueq palc daungc wvnc toq romc kuy lvmx kuex ngaz rueq mtanc lac ruingrvnx vtaungx! mtvrac nuex ngaz kokez lvmx humc wvnc tauk.

Tvtsvmc 119:72

Mnoz rueq ngaz muex vkuq tvrac kuex mungkawx wawc kuimshawx nuiyc kuimphox htauk nuex muinz raungc hvlc rvtueq.

Tvtsvmc 119:97

Mtvrac kuex ngaz rueq pinhtumc lungwawx vshaungx! kvruex lvmz kuex nuiyqtuimc tvmaung rvwvl vshaungx.

JEREMIA 15:16

Mnoz rueq ngaz muex jungx vphux bomc poz lotlaz ngaz rueq tay vshaungx. Tvphaungc Tvsuip Yehowa Tishox lex, mnoz rueq ngaz guimz vphux ningkhvnc nuex mbomc htenc kuex ngvy thuinz vmungx nuex vkoz vkez raungc raq vtueq tvmvrc kuq phux.

Luke 24:32

Kvkhoc rvtueq tsuingnueyc rueq, “Lvmx maq vpiq rueq naungnueyc muex jungphvnx kuq phuex ikaq Rumvrc luik wawc jalc jungx kuq phuex nuex naungnueyc thuinz wvrluic ikhoc thuinz phez tueq rvmuq haz?” ngoz tueq rvjungc wuez tueq.

Romans 7:18

Ngvy gvnngvmx thuinz nuex vhvlx phvnx vguez lvmx kuex ngaz rueq tuiuz vshaungx. Yvmx khoc lac ngoz ruiux lec ngaz rueq honc vyaungc vhvlx kuex phvnc roc thuinz httax ruiux muinz, ngaz rueq kvruex shuimx lot mauk.

Revelation 11:10

Ghaq htauk wawc miq htenc kuex shvmmax wanueyc thueyc ningkhvnc nuex pinhtumc kokez vtueq vdvmz dvmz yauk noalc rvkuy wuez ruiux, moalx tvhungx wuez shuex, yvmx khoc lac ngoz ruiux lec shvmmax wanueyc rueq ghaq htauk nuex httax yaq miqsaz htenc muex kuilc daz tvrvhumc yaq rvtueq.