NEHEMIA 8:10 - ASII LAKDAP Bible (BSI)

¹⁰ “Riita, ümchaü min, namshiq ka maiqmii jam na wa rong laq. Lanta phaq asea chamtraq poi ajong klo rong laq. Poi klo wan miitu tü-adung nai spiqtai ka ju jaq niiwa ahü, kriiti miika asisiti raq kran kuq lanta, riiphea riinyin phaqsiq ronglaq. Ümchaü ranaiq arka Tatiwe ma asii ranaiq. Kra ningkhan, namshiq ka munjuk mijuk naqsi rongkiq. Tatiwe raq namshiq ma kuqtlaq chochi kriiraq, namshiq ningkun ka ajong ma mitiija,” nguta mungmaiqse ma chongkuqto.

Hawa Naga Bible 2001

¹⁰ Majuiuc miqmac yuimx nuex yek vtueq phauk saq wuez shuinz. Nuimshiq phuiuz vsvy nuiyc svpiq tix kuex htemc vrvmc jix miqsaz muex phvlx kuq wuez shuinz. Majuiuc raungnuiyq kuex naungshiq Taungjix tvkoc vsawc raungnuiyq ningkhvnc nuex, thuinz nauk tvbac wuez kaz. Yehowa rueq vkuq vkokez juing kuex nuimshiq muex hungc vlaungc tvyaungc kuq kv-phuinx,” ngoz tueq jungx tueq.

NEHEMIA 8:10 Referencias Cruzadas

1 HOKHVMX 8:66

Ratiichat angu ranaiq niishetiq Solomon raq mungmaiqse thun ka tsangshiq hiqshong niishe tiiwa baiqto. Tsangshiq tarü raq apaiq ka tiitsam kamto. Raüta maiqmii jam na chojong chise she wawanto. Jamkhano ngukla Tatiwe raq ajaqshi Dawit ma nai asengi Israilnok ma achu shiiman jonghea achonglot mai pahea kuqto.

1 KAÜWA WERAÜ 16:27

Khushü jong nai angao jong raq apaiq tro ka pangtlo. Ningkun jong nai chochi wa trang raq apaiq Shomjam lümlei matlo.

NEHEMIA 8:11

Krai mren, Lewinok raq mungmaiqse ma, akha asii ranaiq niika tsan naqtiibi rongkiq, tlin chongkuqto.

NEHEMIA 8:12

Krai mren mungmaiqse ka maiqmii jam na wawanto. Raüta chojong chise maq, wok phetak dungsea kham nyam wa liishe riito. Kiimaq tsangshiq jaq na jamlai phaqsea wa asi, kra kongti rai riiphea riinyin phaqsiqto. Jamkhano ngukla, tsangshiq ma Shiikeawe bomtsi phatkuqtaq kra liichum ka tsangshiq raq samhea wiq sapto.

ESTHAR 9:19

Kra kha maq hiqshong na siti nai truk tiipehii chela thun na siti Jehudinok riika, Adar jipi wa raroqshi ri rablai ranaiq ka jam na khoqriiq shishiiq maq haisea shreng chochi ranaiq ma shiitai thüto. Kiimaq phaqsea kongphiq jaqmiiq riikuq netlo.

ESTHAR 9:22

Ara ranaiq nai akhing arka, Jehudinok raq chiqse rewe khat tang wan akhing ranaiq riito. Kiimaq ara jipi lü arka chamchao jonghea saü wantlo nguta chapa haisi jonghea wa, khoqriiq shishiiq jonghea jipi lü ma jawanto. Krai mren, tsangshiq Jehudinok mungmaiqse raq, ara akhing ranaiq nai arka, khoqriiq shishiiq polo khiq maq phaq nai sea klo raüta, weshi raq weshi ma, kiimaq miitsan miijan maiqsetiim ma dung riike ne chochi akhing ranaiq lang wan miitu aming kuqto.

Tvtsvmc 149:2

Chochi ronglaq Israil lei, jamkhano ngukla üm Phansangtiwe asi; chochi ronglaq, Jajon hiqti lei, üm hokhamwe asi!

Tvtsvmc 89:17

Ümniiraq naishiq ma re khat jonghea tiitangkuqlaü; ümlungwii wokhong maq naishiq ka nolajong tiija laüta rekhat kunkun tiitanglaü.

TAKSU LAK 17:22

Khoqriiq shishiiq rilung ka, khusang rakhang rilung; shatmaq munjuk mijuk rilung ka, chaosusu maq tsai wan rilung.

THARC TVLUINGC 11:2

Ümtsiiq ka pongbaba jaqsham na tiiwalaq - apawiq na, Jamkhano ngukla, rawiichii akhing na jamlai kharii wa saü wan jiiq, ümniiraq sap maü.

THARC TVLUINGC 2:24

Arningkhan, maiqse rilung na athuk pinthum ka, jamlaiwa najaq na lap wankai, kra nawok phetaktak, phaqsea khamnyang, peokhiq maq siwan changli. Shatmaq ara khoqriiq shishiiq maq siwan armin Shiikeawe raq akuq.

THARC TVLUINGC 3:13

Maiqse angu nashiq tarü raq, na raq jamlai jaq wa shamtiikai kriiwa tiidongdea laita, chojong chise maq wok phetaktak phaqsiq laita rilung tiisung wan changli. Riita arka Shiikeawe raq akuq kongphiq.

THARC TVLUINGC 5:18

Ngi raq maiqse rilung khuthaq na phanrap konchon wan kang. Lata bomtsi ka arjiishe sup wato: Shiikeawe raq maiqse ma rilung ka ara mangjong hiq na siwan miitu atoqse li kuqto. Kriikha na jaqsham minshiiq ümtinkhan wa hunnii tiikai, kra phanphan, phaq asea chamtraq wok phetak phaqsiq raüta, chochikhiq maq narilung ka tiisung wan changli. Kriili maiqse ma ahea pinthum. Maiqse rilung kharii ka arli she.

THARC TVLUINGC 9:7

Kriq na. Phesiq laq. Phetaktak phaqsiq laq. Chojong chise maq silaq. Wiiche wiitsam phetaktak phaqsi laüta silaq. Chochikhiq maq silaq. Shiikeawe arka ahea siili.

ASHICHONG 5:1

Ngi ka isonruk mong na nyapwa kang she, Irorii-nyung, ita-nyungnye lei. Ngi ka isüse nai ihomseng mura riichom tiikang. Ngi ka ingiqngu nyangshe peokhiq. Ngi ka ispiqtai nai minsaüpü nyang tiikang. siq ronglaq, lungwii kongtibi lei, nyang rong laq, tsan tiiheali, lungwii raq mipheshaq wiiwii!

ISAIA 49:5

Ngi raq rawü michhi shaq niiphü, Tatiwe raq ngi ka shongto; apaiq raq ngi ka ajaqshi se ma shongto, asenginok ka tiijang shea wan nong miitu, Israilnok anyinbaiq rat kriithun ka tiijang tsuq wan nong miitu, Tatiwe raq ngi shrengtlo; apaiq ka ngi ma ningkun tu.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

Yoel 2:23

“Jajon saünai setiim lei, pinthum chochi ronglaq. Namshiq Tati Shiikeawe raq, namshiq miitu shamkuq wantaq, kai khoqriiq ronglaq. Apaiq raq liidong wan rajun min akhing riikhaqli na kuqto. Kiimaq ralii rajun min hongli tiisaü kuqto. Kiimaq lamsesat jun min riikhaqli kuqto.

JEKERIA 14:21

Jerusalem nai Juda mung tlotli wa ashonglum chang tak thun sitlaq ka Tati Ningkun Ajong Pinthumwe shomnoq miitu lang chang li she miraq. Kra akhing she saü wa raüla, Tati Ningkun Ajong Pinthumwe Shomjam na, laopanbi raq piikiiwa raamak she miraq.

Luke 11:41

Shatmaq, namshiq kok alaq mong na nai winpin mong na jamlai wa sitlaq, kra thun kriika miitsan miijan maiqse ma kuq ronglaq. Kra riihan jiila, phanrap ka namshiq miitu apii ashan chang ngutiimin ahü she, siirairai she miraq.”

2 Corinthians 8:2

Tsangshiq ka kamasham na, pinthum litkot chamchao wa maq chen wanto. Shatmaq tsangshiq chochi tsantsii ka ama, alüm alei sitlo. Kriikha maq, tsangshiq ka miitsan miijan li jiimin, tsangshiq raq alu atan kewan lam niika pinthum jaqchii jichii maq kuqne wanto.

Philippians 3:4

Ngi ahata, man na akhnok thunglai ma kam wanti we akaü ashi nguta siwan kang. Ashi ra raq, apaiq ka ara chongtiikai rakhütsiri na thunglai lang poi kriima mikam lot ha nguta, tiima tlaq jiila, ngi raq tiina apa mitiishomra lot ha wa.

Revelation 11:10

Mangjong maiqse ka, ara tsangnai tsaitaq ara ningkhan kai michochi siq. Tsangshiq liipan na khoqriiq shishiiq poi miklo. Jamkhano ngukla, ara shammi anai raq mangjong maiqse ma chamchao jonghea tiisaüto.

1 SAMUEL 25:8

Tsangshiq ma kra bomtsi ka tiitsang wai laq, raüla tsangshiq riimin michong. Riita, ija, naishiq ka poi akhing na saüwa kai. Krai mren, Dawit raq naishiq ka samheawiq maq tao laq nguta ümniima tiichong wanto. Kra ningkhan, mangchan laüta, naishiq ümjaqshisetiim ma kiimaq ümkongtiwe Dawit ma, ümniiraq athithi kuq haü jiika ahea miraq.”