NEHEMIA 8:10 - Hawa Naga Bible 2001

¹⁰ Majuiuc miqmac yuimx nuex yek vtueq phauk saq wuez shuinz. Nuimshiq phuiuz vsvy nuiyc svpiq tix kuex htemc vrvmc jix miqsaz muex phvlx kuq wuez shuinz. Majuiuc raungnuiyq kuex naungshiq Taungjix tvkoc vsawc raungnuiyq ningkhvnc nuex, thuinz nauk tvbac wuez kaz. Yehowa rueq vkuq vkokez juing kuex nuimshiq muex hungc vlaungc tvyaungc kuq kv-phuinx,” ngoz tueq jungx tueq.

ASII LAKDAP Bible (BSI)

¹⁰ “Riita, ümchaü min, namshiq ka maiqmii jam na wa rong laq. Lanta phaq asea chamtraq poi ajong klo rong laq. Poi klo wan miitu tü-adung nai spiqtai ka ju jaq niiwa ahü, kriiti miika asisiti raq kran kuq lanta, riiphea riinyin phaqsiq ronglaq. Ümchaü ranaiq arka Tatiwe ma asii ranaiq. Kra ningkhan, namshiq ka munjuk mijuk naqsi rongkiq. Tatiwe raq namshiq ma kuqtlaq chochi kriiraq, namshiq ningkun ka ajong ma mitiija,” nguta mungmaiqse ma chongkuqto.

NEHEMIA 8:10 Referencias Cruzadas

1 HOKHVMX 8:66

Raungx tvjvp vngoz raungnuiyq Solomon rueq mungx miqsaz htenc kuex miqmac yuimx nuex tvyek tueq. Tsuingshiq rueq muinz vpiq muex tvtsvmc kvmc kuq wuez ruiux, vpiq nvrc waz Dawid nuiyc vpiq miqsaz Israel muex Yehowa ruimruimc kuy ningkhvnc nuex vkoz vkez maq miqmac yuimx nuex yek waung wuez tueq.

1 KAÜWA WERAÜ 16:27

Ngauz vngax nuiyc muingjungc khushec rueq vpiq kuex tvroz yop vtueq, luimc vkawc nuiyc kokez juing kuex vpiq Shomc Yuimx nuex mvrc yaq.

NEHEMIA 8:11

Lewi miqsaz kuex kvroz khuemx vtueq kvruex raungnuiyq thuinbac wuez muq maq, thuinz suing lvp wvnc tvkoc miq htenc muex jungx kuq wuez tueq.

NEHEMIA 8:12

Kvkhoc rvtueq miq lotlaz rueq wvl wvnc tueq luik kuex tuiuz tay wvnc wuez vtueq, miqmac yuimx nuex yek wuez ruiux vkoz vkez maq phauk saq wuez vtueq, phuiuz vsvy kuex vganc jix muex muinz phvlx kuq wuez tueq.

ESTHAR 9:19

Kvkhoc rvtueq miqghaq vruinx htenc nuex httax yaq Yuda miqsaz htenc kuex Adar yapix raungx 14 raungnuiyq kuex vkoz vkez vbvmc raungnuiyq muex tvyaungc ruiux, phuiuz vsvy moalx tvhungx vtueq vshiz nuiyc vshiz yauk noalc rvkuy wuez tueq.

ESTHAR 9:22

Kvruex kuex Yuda miqsaz tsuingshiq rueq tsuingshiq ralx htenc khvt gay tueq raungnuiyq rvtueq. Rvwvlc htumx vyonz vyec juing wawc vkoz vkez thuinz hvlc juing kvlayc wvnc yapix rvtueq. Tsuingshiq rueq kvruex raungnuiyq nueyc nuex phuiuz vsvy moalx muinz, vdvmz rvhumc rvtuiuz phuiuz vsvy lvmz muinz tvhungx ruiux vshiz maq vshiz phuiuz vsvy yauk noalc rv-phvlc vtueq htemc saz jix muex yauk noalc kuy juing lvmz jungphvnx kuq tueq.

Tvtsvmc 149:2

Israel lex, nuimshiq Tvdungc Sungc jix Waz ningkhvnc nuex kokez wuez kuinz; Zion miqsaz htenc lex, nuimshiq hokhvmx waz ningkhvnc nuex kokez kvsomc parc kuinz!

Tvtsvmc 89:17

Mnoz rueq nuiyshiq muex lotlaungc yunghvlc kuq phux; mlungwawc thuinz nuex nuiy-shiq muex mnoz rueq tvtaungx vphux.

TAKSU LAK 17:22

Thuinz hvlc juing rueq mnoz muex gvnhttuingc tvyaungc yaq. Vkhing ruip rawx bvrutuz jix waz kuex jausuc suc maq thueyc wvnc lvmx rvtueq.

THARC TVLUINGC 11:2

Mnoz vrangc htenc kuex baung ruip saz nuex, paunghvlc baung nuex vrangc htawc shuiuz, yvmx khoc lac ngoz ruiux lec vruex mungkawx vyuq vbac phvnx yauk shuimc yvmx wuez yaungx wvnc tvnx kuex mnoz rueq mkaq muinz tuiuz muq.

THARC TVLUINGC 2:24

Naungshiq rueq shuimc lot juing vhvlx pinhtumc yauk shuimc kuex phuiuz svy khvmx nuingc nuiyc naungshiq rueq thuiyx lvmx shix tsak vnyvmx kuex lvp vtueq httaz dvyx rvtueq. Yuq muinz kvruex doc muinz Tishox kox wawc rvtueq lvmx ngaz rueq tuiuz lvp tauk.

THARC TVLUINGC 3:13

Naungshiq lotlaz kuex naungshiq rueq shuimx wvnc tiq yauk shuimc ningkhvnc nuex vkoz vkez nuiyc phuiuz svy khvmx nuingc httax vtix. Kvruex kuex Tishox kejux yauk noalc rvtueq.

THARC TVLUINGC 5:18

Uraq muinz shuimx lot yaq yauk shuimc vhvlx pinhtumc kuex miqmac muex Tishox rueq kuq shec phuex tut hvlc miqsaz rullungx nuex phuiuz svy khvmx nuingc, miqmac rueq vthuiyx lvmz tsak vnyvmx rungx vwanx lvp luz vtueq httax dvyx rvtueq kuex tuiuz tauk; kvruex kuex miq kamc rvtueq.

THARC TVLUINGC 9:7

Kaz kuiuz, vkoz vkez maq mnoz phuiuz vsvy kuex phauk saq shuiuz; msvpiq tix kuex nuingx vtueq piauc kuiuz. Kvruex kuex Tishox rueq roc yaq lvmz rvtueq.

ASHICHONG 5:1

Ngaz rueq lungwawx vphaungx nyuiuz, ijuik nyuiuz nyalx nyuiuz lex, ngaz kuex ngvy sunc nuex shex nyuip waung tauk. Ngaz kuex murra nuiyc vhomc pulx tix kuex tvjomx vshaungx; ngaz rueq nyaq ngurx nuiyc nyaq wawx kuex saq vshaungx; svpiq tix nuiyc puix muinz nuingx vshaungx. Lungwawc kungjix bix lex, saq shuinz, nuingx shuinz, lungwawc thuinz maq pawx laz juing nuingx shuinz!

ISAIA 49:5

Ngaz kuex max jawx nuex phuex, ngaz kuex Yehowa rueq ngaz thvl wvnc phuex; vpiq miq htenc kuex tvyez shvlc wvnc yek tvkoc nuiyc, rv-phvlc nyvnc yaq Israel miqsaz kuex tvtuimx yek tvkoc ngaz kuex piq nvrc waz muex tvyaungc phuex. Yehowa rueq ngaz muex tvtsanc nganc kuq phuex; vpiq kuex ngvy hungc vlaungc vjungx rvtueq.

ISAIA 61:10

Yehowa rueq shuimx wvnc ningkhvnc nuex Yerusalem kuex kokez yaq. Piq kuex miqlvmc moalx tvkoc tvmarc tvsvp yaq nyuiuz nyalx nyuiuz rulc rv-ngvlc yaq. Tishox rueq palc daungc wvnc nuiyc lotlaungc wvnc lvmz khvy kuex svmx yaq.

Yoel 2:23

“Zion miqsaz lex, kokez wuez kuinz, Yehowa nuimshiq Tishox rueq nuimshiq tvkoc shuimx tueq phvnx kvmac shuenruenz wuez kuinz. Vpiq rueq nuimshiq muex raunglawc raungyunc kuex hungx laz kuq kv-phuinx; raunglawc htumx wvnc raung-yunc muinz kungkhux wawc ikhoc raungyux raungyunc kuex nuimshiq htauk nuex tvshuenc ruenc yunx kuq yaq.

JEKERIA 14:21

Yerusalem nuiyc Yuda mungx lotlaz nuex httax yaq dungc yaungc juing tuik tek kuex, Tvphaungc Tvsuip Yehowa tvkoc shuimc muex tvsawc taq wuez shuex. Shomc nawk juing shomc kuy jix miq htenc rueq muinz shomc nawk juing ngvmx lumc tvkoc kvruex htenc kuex shuimx shuex. Kvkhoc vkhing httuiuc tuex nuex, Tvphaungc Tvsuip Yehowa Shomc Yuimx nuex pvkac pvylvyc jix kuex mkaq muinz httax tuex rvmuq shex.

Luke 11:41

Yuq muinz nuimshiq panx nuiyc kok nuex httax yaq kuex htemc saz jix muex kuq shuinz, kvkhoc ngoz ruiux yuq jix httax yaq lotlaz kuex nuimshiq tvkoc vsawc rvtuex.

2 Corinthians 8:2

Kvruex phungc htenc kuex vkuilc vdaz paunghvlc rvhumc wvnc tueq, yuq muinz tsuingshiq kokez thuinz pinhtumc yungx luz vtueq, pinhtumc htemrvmz ruiux muinz vkuy vnoalc lvmx nuex pinhtumc raungc raq wuez yaq.

Philippians 3:4

Vtsec kox shvmx vrvmx htenc muex tvluimc rax yaq ngoz ruiux yuq, tvluimc juing lvmx ngaz rueq lvp tauk. Vtsec shvmx vrvmx htenc muex tvluimc juing lvmx lvp tauk ngoz tueq miq vshiz shiz rueq tvmaung ruiux yuq, ngaz rueq juex pinhtumc lvp shec tauk nguinx.

Revelation 11:10

Ghaq htauk wawc miq htenc kuex shvmmax wanueyc thueyc ningkhvnc nuex pinhtumc kokez vtueq vdvmz dvmz yauk noalc rvkuy wuez ruiux, moalx tvhungx wuez shuex, yvmx khoc lac ngoz ruiux lec shvmmax wanueyc rueq ghaq htauk nuex httax yaq miqsaz htenc muex kuilc daz tvrvhumc yaq rvtueq.

1 SAMUEL 25:8

Tsuinghez muex wiz shuiuz, tsuinghez rueq mnoz muex jungphvnx kuq kv-phux. Nuiyhez kuex moalx nuex kay kaz wuez rix rvtueq, Dawid rueq muinz nuiyhez kuex vhvlx waq lvp lvmc wvnc tvkoc mnoz tvwiz yaq. Kvkhoc rvtueq kejux maq mnvrc waz nuiyhez vruex muinz, mkungjix waz Dawid muex muinz, mnoz rueq kuq lot shuiux tanc khvnc kuy tvkoc jungx tvtay vphix.”