NEHEMIA 8:9 - ASII LAKDAP Bible (BSI)

⁹ Riita, mungmaiqse raq Thungtri na maiqse raq kamasham lamphan ka jamkhii shiiting rai raüta lang chang wa, kra bomtsi ka tai raüta, tsangshiq tsan nai mongjii ka tiininta she riito. Krai mren, tsangshiq ka aho anyi walishe riito. Kra ningkhan, wanghuptiwe Nehemia, Ramwe, kiimaq Thungtri raü rümtiwe Ejra, kiimaq Thungtri chongketi Lewinok raq, “Ümchaü ranaiq ka namshiq Tatiwe, Shiikeawe ma asii ranaiq. Kra ningkhan, namshiq ka naq shiri rongkiq. Kiimaq naqhoq rongkiq,” nguta nokwe ma nguto.

Hawa Naga Bible 2001

⁹ Tsuingshiq rueq Tvrac luik nuex tvkhic shec tueq htenc kuex tay wuez vtueq thuinz nuex heq koq tueq vkhoarc rvwuez tueq. Kvkhoc rvtueq mungx walaungx waz Nehemia, Tvrac luik tuiuz jix shomc waz Ezra nuiyc Tvrac luik vlvmz kuex jalc jungc kuy jix Lewi miqsaz rueq, “Majuiuc raungnuiyq kuex Yehowa nuimshiq Tishox muex vsawc raungnuiyq rvtueq, kvkhoc rvtueq nuimshiq yonzyex vtueq nauk khoar wuez kaz.

NEHEMIA 8:9 Referencias Cruzadas

2 HOKHVMX 22:11

Hokhamwe raq kra lakdap ka apaiq ma phatkuqtlaq kra tai raütiishe, apaiq raq adü na asam khea kra tsaihü jihü maq chaiham chaihea she chaibaiqto.

2 HOKHVMX 22:19

Kiimaq Ngi raq Jerusalem nai kiijaq siti mungmaiqse ka mitiithen baiqha nguta tiiphiipkang kra phat laüta, ümniika imakki na aranse ma ja laüta, ümdü wa ümkhu ümkhea thun kra chaiham chaihea riilaüta, ümra ka tiidii laü she. Ngi raq arka maklii jaina tiijang maimak phiiptsi jiiptsi hiqmiq changkhü ikha mitiithen baiqha. Maiqse raq arhiq mangchong raüta manson shiiton miishe mitiija baiq. Shatmaq Ngi raq ümnaq achu jaü ka taikang she.

2 KAÜWA WERAÜ 15:3

Rawii luhea Israilnok ka riikhaqli Shiikeawe ahü maq siwanto. Tsangshiq ma Shiikeawe lamphan tlanketi ramwebi ahü kiimaq thungtri min ahü shong wanto.

2 KAÜWA WERAÜ 30:22

Hejekia raq Lewinok ka tsangshiq raq mungmaiqse ka Tatiwe shomnoq na athuk atsomwiq maq shun shea wan kha na kai shomra siqto. Tsangshiq raq tsangtitiim Tatiwe Shiikeawe ma tiitsamkam honglu ka ramiishi na saüli kuqto.

2 KAÜWA WERAÜ 34:19

Riita hokhamwe raq kra lakdap phat kuq tlaq kra tai raüta, apaiq raq adü na asam kheatong kaü kra tsaihü jihü she chhai baiqto.

2 KAÜWA WERAÜ 34:21

“Kirong laq. Lantea ngi miitu kiimaq Israil mung na nai Juda mung na ümchaü min siruqti mungmaiqse kra miitu Tatiwe ma bom waiki rongkiq. Lantea ara lakdap na shrinkuq tlaq kra ka rit ronglaq. Tatiwe ka nashiq ma atsankhiq sitlo. Jamkhano ngukla natitiim raq Tatiwe bomtsi ka lang mak riito. Kiimaq ara lakdap na jamlai wa alang wan raa dongdii nguta chongtlaq kra lang wan mak riito.”

2 KAÜWA WERAÜ 35:3

Kiimaq apaiq raq Israilnok ma shrinketi shrabi, Lewinok ma, tsangshiq khum ka Tatiwe ma kiinong ketibi ma akha tsü chongkuqto: “Dawit se Hokhamwe Solomon raq raq ahai Shomjam mong na asii Tongshong Tek ka thü ronglaq. Namshiq kriika bashi na piho piho ka raamak she. Shatmaq namshiq raq Tatiwe, namshiq Shiikeawe nai asengi Israilnok kra shiikum pan chang she.

EJRA 2:63

Kiijaq siti Jehudi phan wanghuptiwe raq, tsangshiq wa ramwe weshi dong raüta, asii phaqsea kra lomdam miitu, Urim nai Thamin maq lang lii raüta lang raq thaü hümaq, Shiikeawe ma honglu na akuq kra phaqsea mai mak nguta wanghuptiwe raq tri thüto.

EJRA 7:11

Artajarses raq ramwe, kiimaq taksmawe Ejra ma ara lak ara kuqto. Apaiq ka Tatiwe raq Israilnok ma akuq thungtri kra shamti taksmawe riito. Apaiq raq thungtri aming ka wiita thumli asap siisaq riito. Ara lak ka akha kuqto:

NEHEMIA 10:1

Riita ara tongshong tri lakjaq na apha shaqshaq mangkhat wanti ka Hakalia se Nehemia wanghuptiwe raq suhito. Kiimaq apaiq jai niika, Jedekia raq suhito. Tsangnai jai niishetiq mung rüm damti welabi ariiraq suhi wanto. Tsangshiq mang thun ka ara:

NEHEMIA 12:26

Arwetiim raq jaqsham wantaq arka, Joiakim pat na sham wanto. Joiakim ka Joshua se. Ati mang ka Jehojadak riito. Kiimaq arka Nehemia raq wanghupti jaqsham wantaq pat na riito. Kiimaq Ramwe jaqsham wanti Ejra pat na riito. Ejra ka Shiikeawe Thungtri shrinketi taksma riito.

NEHEMIA 7:65

Riita Jehudinok phan wanghuptiwe raq tsangshiq ma ramwe weshi raq Shiikeawe tiima tsantsii sap wan chang Urim nai Thummin (Piq maq) maq langlii hümiika, tsangshiq raq Shiikeawe ma honglu na akuq asii thaq niimin asii tü-adung ka phaqsea wan dam maimak nguta aming kuqto.

NEHEMIA 7:70

Kiimaq mungmaiqse pahea raq, Jerusalem Shomjam kra tiihea hai miitu chiirit chiikha ümchuwa raa tlaq, kra thun ka khumkhum khrum kuq damto. Kra khrum kuqtaq ka arthun ara riito: Wanghupti raq chaq tok 8 asii winpinthun 50 ramwebi miirii 530 Aweraü welabi raq chaq tok 168 kampho 1, 250 Mungmaiqse raq chaq tok 168 kampho tok 140 ramwebi miirii 67

NEHEMIA 8:2

Krai mren. Ejra riimin thungtri lakdamkom ka, mungmaiqse maiqwere, jechakre, kiimaq nosere, phanrap ahea abi mitaklotti thun thungtlaq kiijaq tlam wato.

THARC TVLUINGC 3:4

Apaiq raq tsanbihosi akhing min tiihongje, Achochi akhing min tiihongje. Mahomaanyi akhing min tiihongje Wiinumsea akhing min tiihongje.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

Hosea 4:6

Isenginok ka thento she. Tsangshiq raq ngi ka juwa sapmak kha na. Namshiq ramwebi raq ngi sapman shishe wan lan. Kiimaq ngi raq ashrinkuqha tri shishe wan lan, kra ningkhan ngi riimin namshiq ka shleqbaiq tiikang, kiimaq namsetiim ka ka ngi ramwebi ma nguta thüwan mang she mirha.

MALAKI 2:13

Kiimahali namshiq ara ajiq kiimung ashi klo tlan ka ara. Namshiq ka aho asii hoq trang lanta, Tatiwe berong-wacha ka wiita tiipiim baiq tlan. Jamkhano ngukla, namshiq raq akuqhan honglu ka Tatiwe raq tao mak she.

Romans 3:20

Ara jamkhano chongtiikang ngukla, maiqse aja wa, jurmin Thungtri ka riikhaqli maq lang tlo nguta, Shiikeawe rai wehea shram raüta, kechu maiqse ma jawan lot mak. Thungtri raü sitlaq kriika, maiqse ma apaiq ka ajiq we dea, nguta kha nyanke miituli sitlo.

Romans 7:9

Man na akhing ashi na, ngi ka thungtri aming sapmang maq, atra siwan kang. Shatmaq, ümtiikiiwa thungtri raq akuq aming kra, i khu thaq niishe saü wantaq, kra akhing miishe, ngarai ka i khum wa, ashai she riiwanto.

TRI CHONGKE 12:12

Kiijaq namshiq ka apaiq rai mantut na chojong chise maq sirong laq. Namsetiim nai nam jaqshisetiim rai kiimaq Lewinok namshiq rai chela thun na sidamtlaq krai adam maq chochikhiq shong nga ronglaq. Tsan na tiitsang shat ronglaq, Lewinok riika maiqmii rii tachong hiqshong ka lap mak miraq.

TRI CHONGKE 12:7

Kiijaq, Tatiwe namshiq Shiikeawe rai mantut na, namshiq ma shiiman ketiwe man na, namshiq nai nam jamtitiim tarü raq adam na ngalanta namshiq minshiiq wanlan tsingo thun kra phaqsiq lanta chojong chise polo wan ronglaq.

TRI CHONGKE 16:11

Tatiwe rai man tut na, ümsetiim nai ümjaq shisetiim rai kiimaq Lewinok rai, kiimaq pong mungti namshiq rai siti rai kiimaq jechisetiim rai kiimaq manti-nyungre namshiq chela thun na siti rai adam na khoqriiq shishiiq maq poi ka lang ronglaq. Ara poi ka noqku chang hiq ba kriijaq klo ronglaq.

TRI CHONGKE 26:14

Ngi raq kriithun kiiwa phanshi ra min, ngi maaho majü bala phaqsi mang riikang. Ngi ka ikhum apii bala sitiikang na, arthun ara ijam mong wa kinphai na lamho mang. Kiimaq ngi raq arthun arwa akha ashi ra dongdii min, atsai arki ma honglu na kuq mang. O, Tatiwe lei, ümniiraq aroq khu wa hongluke chang miitu aming kuq laü irka kunkun klokang.

James 4:9

Ngarai kaq dea sitiikai nguta maaho maanyi, makphai khüshang riilanta mra tiidii rong laq. Anai trang ka aho trang miishe tiija rong laq. Hühü haha sitlan kriika, mun tiijuk-ram she riirong laq! Shiikeawe man na, munjuk mijuk maq mrong roq rong laq. Haü la Shiikeawe raq namshiq ka aki miikiim setiim miishe mitiija.