JEREMIA 15:16 - ASII LAKDAP Bible (BSI)

¹⁶ Ümniiraq ngi ma ümbomtsi chongkuq laü. Kiimaq ngi raq ümbomtsi ka atsi awea tsan na washasha tiitsang taikang. Ngi ka ümniirii, Tati Ajong Pinthum Shiikeawe lei. Arningkhan, ümbomtsi raq imongjii na pinthum chochi kiimaq khoqriiq shishiiq asho awo tiima kuqtlo.

Hawa Naga Bible 2001

¹⁶ Mnoz rueq ngaz muex jungx vphux bomc poz lotlaz ngaz rueq tay vshaungx. Tvphaungc Tvsuip Yehowa Tishox lex, mnoz rueq ngaz guimz vphux ningkhvnc nuex mbomc htenc kuex ngvy thuinz vmungx nuex vkoz vkez raungc raq vtueq tvmvrc kuq phux.

JEREMIA 15:16 Referencias Cruzadas

NEHEMIA 8:12

Krai mren mungmaiqse ka maiqmii jam na wawanto. Raüta chojong chise maq, wok phetak dungsea kham nyam wa liishe riito. Kiimaq tsangshiq jaq na jamlai phaqsea wa asi, kra kongti rai riiphea riinyin phaqsiqto. Jamkhano ngukla, tsangshiq ma Shiikeawe bomtsi phatkuqtaq kra liichum ka tsangshiq raq samhea wiq sapto.

YOBA 23:12

Shiikeawe raq ngi ma jamlai aming wa kuqtlaq kriili ngi raq wranaiqtek shamtiikang; apaiq raq aroro kli shamtiikang, ngi raq aroha na riimak.

Tvtsvmc 119:111

Ümnaq aming raütu ka ngi ma pattup pat-sa tachong hupsam; tsangshiq ka i tsan i mong tiichochiti.

Tvtsvmc 119:16

Ngi ka ümniiraq akuqhaü tri raütu thun ma kai khoqriiqtiikang; ümnaq aming thun ka ngi raq laqbaiq mang mirha.

Tvtsvmc 119:72

Ümniiraq ngi ma tri raütu kuqlaü ka pinthum rahea, mangjong hiq na wa tsiiqtum tlotli tha niimin rahea.

Tvtsvmc 119:97

Ngi raq ümtri ka pinthum lungwiitiikang! Ngi ka ranaiq minruru kra chechiipseali.

Tvtsvmc 19:10

Kriithun ka chiisan chaq piikii thaq niimin rahea pinthum; arthun ka chiisan ngiq ngu thaq niimin sumhea.

JEREMIA 14:9

Jam nguto ümniika maiqwe ashi tiihanghiiq maq atiihangrat ikha jam nguto jaki laü? phenla weshi ningkun ahü maiq khrum kuqlot mak ikha jam nguto jaki laü? Tengteng, Tatiwe lei, ümniika naishiq rai asi! Naishiq ka ümsenginok; naishiq ka naqbaiqthükiq.’”

EJEKIEL 2:8

“Maiqse lei, Ngi raq ümniima jamlai bom wa chongtiikang kra tiitsang tailaq. Tsangshiq kiikha ümniika nilan ma naq jakiq. Ümnübok ka tiiki laq. Laüta Ngi raq ümniima jamlai wa kuqtiikang kra phaq laq.”

Mikha 2:7

Israilnok ka Tatiwe manson ho raüta sitlo ngutiisha tiima tlaü? Tatiwe raq abi jaqsham ka ninlot mak she ngutiisha tiima tlaü? Tatiwe raq atinkhan abi kiimung ka miklo wandea shea? Tatiwe raq athuk atsom kloti lungwiitlo riimak shea?”