JEREMIA 15:15 - ASII LAKDAP Bible (BSI)

¹⁵ Kiijiishe ngi raq ngukang, “Tatiwe, ümniiraq asaphaü. Ngi ara ümtsan na tiitsanglaq. Kiimaq ngi khrumlaq. Ngi tiichamchaoti khuthaq na iphuk lampha. Ümniiraq tsangshiq ka kiitinkhan langlang naq ninkiq. Laüta tsangshiq ma ngi tiitsatli chang akhing naqkuqkiq. Tsan na tiitsanglaq; tsangshiq raq ngi shummiitlaq arka ümmang na shummiitlo.

Hawa Naga Bible 2001

¹⁵ Kvruex yimaq ngaz rueq, “Yehowa lex, mnoz rueq tuiuz yaq. Ngaz kuex rvwvl vtueq ngaz muex romc kuq koq. Ngaz muex guirguenc naqsaq jix hez kuex ngaz rueq yarc tvyez tvlvp koq. Tsuingshiq rueq ngaz kuex thvt vtueq taungx gay nuex httuiuc laz nauk nanx lawc kaz. Mnoz ningkhvnc nuex ngaz yomnamc rvhumc vtaungx kuex rvwvl shuiuz.

JEREMIA 15:15 Referencias Cruzadas

NEHEMIA 13:22

Krai mren, ngi raq Lewinok ma tsangshiq khum ka phumram kham maq tiisii bat raüta, Asii Niitiitsak Ranaiq ranaiq ka asii maq thü wan miitu, tsangshiq raq kilamchong thun kilü ka sontri tsong raüta teptep khe miitu aming kuqkang. O, Shiikeawe lei, ngi raq arthun jaqsham tiikang ara miitu, ümmang chan tsii rüm tlaü kriimaq, ngi ara tiikhup wongkuq laq

NEHEMIA 13:31

Kiimaq, honglu kuq tlaq kra, chaq chang chin raa tlaq kra, akhing khaq khaq na Shomjam na chomke wan miitu, jaqsham ka aphea riikuq kang. Kiimaq mungmaiqse raq, raipo wonglo tsikhu wa tsamnye jut tlaq kiiwa kuq tlaq kra, kiimaq petsi wiqtsam tsikhu wa honglu na kuq tlaq kra tsapkapkap maq, akhing khaqkhaq na kewan raa nguta jaqsham ka aphea riikuq kang. O, Shiikeawe lei, ngi raq arthun jaqsham wan tiikang ara, ümtsan na tiitsang shat riilaq. Laüta, ngi ma ana tokuq laq.

NEHEMIA 5:19

O, sanseng ramungtan na siti Shiikeawe lei, ngi raq mungmaiqse miitu ümtinkhan wa jaqsham athuk atsom shamkuq wan kang kra, ümtsan na tiitsang laq nguta achu jaü tiikang.

NEHEMIA 6:14

Kiijiishe, ngi raq akha achu jaükang, “Shiikeawe lei, Tobia nai Sanballat raq jamlai wa abi kiimung tlaq, kra ümtsan na tiitsang laq. Laüta, tsangshiq ka tiichamchao laq. Shammi nyung Nodia nai shammibi ahinti raq, ngi tiihai chhai wantaq thun ka ümtsan na tiitsang laq.”

YOBA 10:7

Ümniiraq ngi ka maiqsang nguta asaphaü, kiimaq ümjaq khon mong wa ngi ka jurmin tiiwong lot mak.

Tvtsvmc 102:24

O Shiikeawe lei, ipat misung shaq na irilung ka ümchaü naqlam wankiq. O Tatiwe lei, ümniika pattup pat-sa sitiwe;

Tvtsvmc 106:4

O Tati lei, ngi ka ümtsan na tiitsanglaq; ümniiraq ümsenginok khrumtlaü akhing na; ümniiraq tsangshiq tiichhiitlaü na ngi ri tlomdamlaq.

Tvtsvmc 119:84

Ngi raq ümtincho na saüli khechang wa ratla? Ngi tiichamchaotibi ma mo ka ümtinchotiq wa mitiihohaü?

Tvtsvmc 17:3

Ümniiraq itsantsii asap haü. Ümnaq rawa na i phana kilaü ihata; laüta ümniiraq ngi ka wiita konchon laü ihata laüta itsan na ashut tiima ahü hum maü dea ihata.

Tvtsvmc 39:13

Ngi ka naq broriikiqli ngi heashi rase polosiq pha ngi miwa wanha shaq bala kra jai miika ngi ahü she.

Tvtsvmc 44:22

Shatmaq ümmang na naishiq ka wranaiqshe tsatbaiq wantlo, naishiq ka sku kong ataaphaq ma hithotlaq ikha hithotlo.

ISAIA 38:3

“Tsan na tiitsanglaq, Tatiwe lei, ngi raq ümniika tsapkapkap maq shiiliwan kang kiimaq ümwokhong na silata jaq sham wan kang ira. Kiimaq ümniiraq athithi niili ngi raq wranaiqshe jaq sham wan kang.” Raüta apaiq ka kai aho gushgu she hoqto.

JEREMIA 12:3

Shatmaq, Tatiwe, ümniiraq ngi ka asap haü; ngi raq jamlai wa shamtiikang kra ümniiraq achhi haü, kiimaq ngi raq ümniika jamkho lungwiitiikang kra achhi haü. Ara abi kloti maiq thun ka, skukong ataaphaq chang ikha hitbaiqlaq; tsangshiq ka ataabaiq akhing misaü shaq wiiwii, ümniiraq tsangshiq kheshat thülaq.

JEREMIA 15:10

Ngi ramkhiq aka na! Ngi ka chochihüwe! Inyung raq ngi ka jaramli wa mangjong hiq na rawü tiichhita? Ngi ka armungti rai loweatek rai tatso wiinyi riikhii riilea lam miili sichang dongtlo. Ngi raq ju miimin kampho ka tiinamkuq mang dea. Kiimaq maiqjaq wiimin kampho ka nam mang dea. Kra taü maq dongdii min maiq wiitarü ka ngi ma manson kiqsü bomti siisaq.

JEREMIA 15:20

Ngi raq ümniika tsangshiq makki na miiki gam maq ahai khetuk ma mitiija baiqha. Tsangshiq raq ümniika mikhat. Shatmaq tsangshiq raq ümniika tang mak miraq. Ngi ka ümnaq rai adam sishat mirha. Lata ümkhum ka mitiichhiikuqha kiimaq ümniika khusang maq mithüha.

JEREMIA 17:16

Shatmaq Tatiwe lei, ngi raq ümtiikiimin ümniima tsangshiq khuthaq na then wan mra ka tiipinlaq nguta thuchop mang dea, ngi raq tsangshiq khuthaq na chamchao misaülaq nguta tiimara wan mang. Tatiwe arka ümniiriimin asap haü; ngi raq jamlai wa ngukang kra ümniiraq asap haü.

JEREMIA 18:23

Shatmaq, Tatiwe, tsangshiq raq ngi tseabaiq miitu thiikho ümchu wa thutaq thun ka ümniiraq asap-haü. Tsangshiq raq abi klotlaq kra mra thun ka naqdii kuqkiq. Kiimaq tsangshiq ngarai bu ka naqdii kuqkiq. Tsangshiq ka re ma tiinamtok tiikhattlaq. Laüta ümtsankhiq bala tsangshiq ma mo tiiholaq.”

JEREMIA 20:11

Shatmaq, Tatiwe, ümniika ngi rai adam na, ahong ala, kiimaq ningkun ajong, krai mren, ngi tiichamchaoti ka adea miraq. Tsangshiq raq pattup pat-sa miitu jea mingaü, jamkhano ngukla tsangshiq raq tangmak. Tsangshiq raq jea ngaütlaq kra ümtiikiimin laq mak she miraq.

JEREMIA 20:12

Shatmaq Ningkun Ajong Tatiwe lei, ümniiraq maiqse ka tingting kappe maq shintlaü; ümniiraq tsangshiq tsan mong na nai tsangshiq khutsai na jamlai wa tiimatlaq kra asap haü. Kra ningkhan ümniiraq ijaqtinok khuthaq na iphuk lamkuqtlaü kra liipha, jamkhano ngukla ngi raq ikha ka ümjaq na akiinongke kun she.

JEREMIA 20:8

Ngi raq ümtiikiiwa bom chong tiikang na, ngi raq tiihong lata, “Mat dong wanto! Mungthen wanto!” nguta agilülü riimtiikang. Tatiwe lei, ngi ka maiq raq jang wrapshe thophi riiqphi shummiitlo; jamkhano ngukla ngi raq ümtsütsa ka chiiriim lata chongkuq tiikang.

AJONJÜ 3:64

“O, Tatiwe lei, tsangshiq raq jamlai wa abi klotaq krai mren, ümniiraq tsangshiq ma mo tiiholaq.

AJONJÜ 3:66

Tsangshiq ka tiikotrot jolaüta jiipbaiqlaq. Laüta mangjong hiq wa tiimiqchup thaübaiq laq!”

Matthew 10:22

Maiq wiitarü raq namshiq ka i mang na makshu rashe mingeng. Shatmaq jurwa atiithum ranaiq na saüli nin wan tlaq, kriiti kli mitiichhii.

Matthew 19:29

Kiimaq maiq khumtek raq ngi miitu, maiqmii jam lo, aphu anotiim lo, ashea-nyungtiim lo, anyung nai awe lo, asetiim lo, awak ajam lo miimbaiq thütiiti thun miika, kra thaq niimin apa achan ana, ahing ashi maq mitliip kuq. Kiimaq tsangshiq ma pattup pat-sa rilung kra mikuq.

Luke 21:17

Namshiq ka ngi tingkhu na maiqse angu wiitarü riishe mishushe wan.

Romans 12:19

Kongtitiim lei, namshiq raq ümtiikiimin maiqmii phuk ka naq lam rongkiq. Shatmaq, namshiq phuk ka Shiikeawe riitiq milam laq. Tatiwe raq Asii bomtsi na, “Ngi raq phuk milam ha. Nanok ma abi kloti phuk milam ha,” nguta chongtlo.

Romans 8:35

Riita, ara chongtiikai, Khristo mangchan wokhong mong wa, nashiq ka jurwa mitriiphea wan lot? Nashiq ka chamchao ranaiq akhing riilo, alit akot riilo, maiq raq ngeng seng wan tlaq kra riilo, song aram tsi riilo, miitsan miijan riilo, haisi rasong riilo, kiimaq tsaimiq khusiq saü wan ranaiq riilo, nashiq ka Khristo mangchan wokhong mong wa, mitiitsü ngii lot sha?

2 Corinthians 5:11

Khristo raq ranaiqshishi ka nashiq tarü tiikham raüta, apaiq rung na mitiichap wan nguta asap hai kha maq, tsan na tiihaishat maq sitiikai. Arkha miitiina, naishiq raq nanok ma Tsütsa Ahea ma kamwan ronglaq nguta, tiima tsantsii wüjangjang maq tsangshiq ka trantsii chong kuq tiikai. Ngi ka juwa kriika, Shiikeawe raq kunli asap. Kiimaq ngi raq tiima wan kla, namshiq riimin, ngi ka samhea wiq asap han ahiq nguta tiima tiikang.

2 Timothy 4:14

Ja tiiqtiwe Alekjendar raq ngi pinthum tiichamchao wan phiiwa. Shiikeawe riitiq apaiq ka mitiichamchao laq.

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!

Revelation 6:10

Tsangshiq raq tiihong raüta siitrangto, “Ajong Pinthum Tatiwe lei, ümniika asii kiimaq tingting! Naishiq tseati matwe thun ka ümniiraq ümtinchotiq wa kha mipho kuq haü. Laüta tsangshiq kha bu ho tlaq kra miitu, tsangshiq ka mitiichamchao haü?”

PHOWEBI 16:28

Kiijiishe Samson raq akha achu jaüto, “Ajong pinthum Tatiwe lei, mangchan laüta, ngi ara ümtsan na tiitsang laq. Mangchan laüta, Shiikeawe lei, ngi ma iningkun ka jangshiri kuq nonglaq. Philistainnok raq imakpo wiinai latbaiqtaq kra tham atiithum jangshi iphuk lampha shaq.”