JEREMIA 15:15 - Hawa Naga Bible 2001

¹⁵ Kvruex yimaq ngaz rueq, “Yehowa lex, mnoz rueq tuiuz yaq. Ngaz kuex rvwvl vtueq ngaz muex romc kuq koq. Ngaz muex guirguenc naqsaq jix hez kuex ngaz rueq yarc tvyez tvlvp koq. Tsuingshiq rueq ngaz kuex thvt vtueq taungx gay nuex httuiuc laz nauk nanx lawc kaz. Mnoz ningkhvnc nuex ngaz yomnamc rvhumc vtaungx kuex rvwvl shuiuz.

ASII LAKDAP Bible (BSI)

¹⁵ Kiijiishe ngi raq ngukang, “Tatiwe, ümniiraq asaphaü. Ngi ara ümtsan na tiitsanglaq. Kiimaq ngi khrumlaq. Ngi tiichamchaoti khuthaq na iphuk lampha. Ümniiraq tsangshiq ka kiitinkhan langlang naq ninkiq. Laüta tsangshiq ma ngi tiitsatli chang akhing naqkuqkiq. Tsan na tiitsanglaq; tsangshiq raq ngi shummiitlaq arka ümmang na shummiitlo.

JEREMIA 15:15 Referencias Cruzadas

NEHEMIA 13:22

Vguilc Raungnuiyq vsawc yaungc tvkoc Lewi miqsaz muex miqmac gvnz kuex kvsawc nawc vtueq palx kaluix htenc kuex bvmc kay tvkoc ngaz rueq nvr tauk. O Tishox lex, vruex ningkhvnc nuex ngaz muex rvwvl koq, mlungwawc yunghvlc htauk maq ngaz muex menjenc kuq koq.

NEHEMIA 13:31

Ngaz muex hungx tuex baunglaung wvr maq jauk shomc kuy tvkoc janx nuiyc vphaungc thuey yaq vthuey vngoz nuiyc vphaungc muinx yaq tuiuz vtsvmz htenc lvmc lvy tvkoc tvhungx htaungx tauk. O Tishox lex, vruex lotlaz kuex rvwvl vtueq, ngaz muex kejux kuq koq.

NEHEMIA 5:19

O Tishox lex, vruex miq htenc tvkoc ngaz rueq shuimx wvnc tauk htenc kuex rvwvl vtueq ngaz muex kejux kuq koq.

NEHEMIA 6:14

Ngaz rueq, “Tishox lex, Tobia nuiyc Sanbalat rueq ruez yaq kuex rvwvl lvp vtueq tsuinghez muex murx tvgurc shuiuz. Ngvy tvhiz sungx muex hunglaungx yaq yalxjuik shvmmax nyuiuz Noadia nuiyc vganc shvmmax bix lotlaz kuex rvwvl shuiuz,” ngoz tueq vjux thoz tauk.

YOBA 10:7

Ngvy htauk nuex mvrax vguez kvmuinz, m-yauk wawc ngaz kuex uraq muinz palc wvnc lot muq kvmuinz mnoz rueq tuiuz yaq.

Tvtsvmc 102:24

O Tishox lex, ngaz max kuiux kawx wvnc shauk nuex ngvy rullungx kuex nauk lvmz wvnc kaz. O Yehowa lex, mnoz kuex pattup tvraungx httax vtuiux;

Tvtsvmc 106:4

Yehowa lex, mmiqsaz htenc muex mnoz rueq romc kuq shuiux nuex ngaz muinz rvwvl koq; tsuingshiq kuex mnoz rueq palc wvnc shuiux nuex ngaz muinz tvlomx naungx koq.

Tvtsvmc 119:84

Ngaz rueq mtanc nuex httuiuc laz bvmc juing lac? Ngaz muex taruiyx jix htenc kuex mkaq jix lac murx tvgurc kuq shuiux?

Tvtsvmc 17:3

Mnoz rueq ngvy thuinz vmungx kuex tuiuz vshuiux. Raungwvrx nuex mnoz kuex ngvy kox nuex kaz vtueq; ngaz kuex httuiyc ruiyc wisoz phux, ngaz nuex layx bac thuinz yvmx muinz vguez kuex mnoz rueq khiz toq.

Tvtsvmc 39:13

Ngaz max thueyc kaz shauk nuex vkoz vkez maq httaz lvp tvkoc ngaz muex nauk khaq vkueq.

Tvtsvmc 44:22

Yuq muinz mnoz ningkhvnc nuex nuiyshiq vkhing ruip rawx vthvy gay rvhumc vtix, vthvy muex vhttauk taq khel-buenx ikhoc nuiyshiq kuex tvyaungc rvhumc vtix.

ISAIA 38:3

“Yehowa lex, ngaz kuex mnoz muex tvmtuing httax vtueq tsuingrux maq shuimx kuq ruiux, mnoz rueq ngaz muex tvshuimc roc vshuiux yauk shuimc mkaq muinz shuimx vshaungx yauk shuimc htenc kuex rvwvl shuiuz.” Ngoz tueq piq kuex khuip khaq laz juing gushuex guz khoar tueq.

JEREMIA 12:3

Yuq muinz, Yehowa lex, mnoz rueq ngaz tuiuz yaq; ngaz rueq yvmx lac ruez vshaungx nuiyc ngaz rueq mnoz muex mtanc lac lungwawx vphaungx kuex mnoz rueq khiz yaq. Vruex layx bac miqsaz htenc kuex vthvy gay tvkoc tulx laq yaq khelbuenx ikhoc tulx laq shuiuz; tsuingshiq kuex thvt gay ruiux vkhing htvp htaz shec toq nuex httuiuc laz tsuingshiq kuex bvmc shuiuz.

JEREMIA 15:10

Ngaz kuex thuinz nuex piauc muq waz khoc vnauz! Yvmx ngoz tueq lac inyuiuz rueq ngaz kuex mungkawx vyuq jawx phvnx? Ngaz kuex ghaqphux vyuq rvthoz rvthvy nuiyc rvkhawc rvlvlc juing shex yaungx kaz. Ngaz kuex kuimphox mjuc muinz rvmuq kuex tvnvmc mauk, vnvmc muinz nvmc mauk; yuq muinz miq lotlaz laz rueq ngaz muex httonx tvmx wuez yaq.

JEREMIA 15:20

Ngaz rueq mnoz kuex tsuingshiq muex seng yaq wawwawx phaungx yaq yanx lung palx ruk ikhoc tvyaungc phaungx. Tsuingshiq rueq mnoz kuex khvt kv-phux, yuq muinz tsuingshiq rueq mnoz kuex taungx muq. Mnoz muex tvguing tvkhup wungx tvkoc ngaz kuex mnoz rulc vdvmz httax taungx.

JEREMIA 17:16

Yuq muinz Yehowa lex, ngaz rueq tsuingshiq htauk nuex kuilc daz tvgurc tvkoc mnoz muex jungx mauk doc, tsuingshiq tvkoc kuilc daz rvhumc vkhing kuex ngaz rueq roc vshaungx rvmuq. Yehowa lex, vruex lvmz mnoz rueq tuiuz yaq; ngaz rueq jungx tauk kvjaz kuex mnoz rueq tuiuz yaq.

JEREMIA 18:23

Yuq muinz, Yehowa lex, ngvy thvy tvkoc tsuingshiq rueq kvmungx yaq lvmz lotlaz kuex mnoz rueq tuiuz yaq. Tsuingshiq layx bac yauk shuimc, rvmuq ngoz ruiux tsuingshiq mvrax kuex nauk dawc kuq kaz. Tsuingshiq kuex tvsumx tvdvy gay shuiuz; mthuinz khaq yaq baunglaung tsuingshiq kuex tvhonc tvtharc shuiuz.”

JEREMIA 20:11

Yuq muinz Yehowa lex, mnoz kuex hungc vlaungc nuiyc lotlaungc httax yaq ningkhvnc nuex ngaz kox nuex httax vtuiux, ngvy guirguenc jix hez kuex sumx wuez tuex. Tsuingshiq rueq taungx muq rvtueq, pattup yvlc svy rvhumc wuez tuex. Tsuingshiq yvlc svy kuex mkaq muinz lauk gay shuex rvmuq.

JEREMIA 20:12

Yuq muinz, Tvphaungc Tvsuip Yehowa lex, mnoz rueq miqsaz kuex vlvmz rvkhauk maq taruiyx vshuiux; tsuingshiq thuinz vmungx htenc kuex mnoz rueq tuiuz yaq. Kvkhoc rvtueq m-yauk nuex ngvy khac kuex lekuq vphaungx ningkhvnc nuex, ngvy ralx hez kuex mnoz rueq murx tvgurc shuiux lvmz ngaz muex tvkhic koq.

JEREMIA 20:8

Ngaz rueq kvjaz jungx shaungx ruip rawx, ngaz kuex guyc vtueq, “Yauk laungc yalawx! Tvbac gay!” ngoz tueq ramc tauk. Yehowa lex, ngaz kuex mbomjungc jungphvnx vshaungx ningkhvnc nuex shummarc nuiyc yomnamc kuex vkhing tek vtueq rvhumc vtaungx.

AJONJÜ 3:64

“O Yehowa lex, tsuinghez rueq shuimx wvnc tueq rulc rv-ngvlc tsuinghez muex murx tvgurc shuiuz;

AJONJÜ 3:66

Tsuinghez kuex khuyx vtueq ghaq htauk vwawc tvmaq gay shuiuz!”

Matthew 10:22

Ngvy ningkhvnc nuex miq ruip rawx rueq nuimhez kuex shuiuc pac kv-phuinx. Yuq muinz vtvsuip nuex httuiuc laz nanx lot jix waz kuex palc daungc rvhumc wvnc tuex.

Matthew 19:29

Ekvmaq ngvy tvkoc nuex yuimx, ghaq, phuz vnox, vshvlx nyuiuz, vnyuiuz vwaz, suiuz vsaz hez wawc vshishiz gay shec jix waz rueq mvnz shashiz htauk nuex muinz vjvnc vjux lvp wvnc vtueq, pattup rullungx muinz lvp wvnc shuex.

Luke 21:17

Ngvy ningkhvnc nuex nuimshiq kuex miq htenc rueq shuiuc pac kv-phuinx.

Romans 12:19

Kungjix bix lex, mkaq muinz murx nauk tvyez kaz; Tishox rueq jix murx mtvyez kuq shueq. Yvmx khoc lac ngoz ruiux lec Rumvrc luik nuex, “Taungjix rueq ngaz rueq murx tvyez kuq shaungx, mvrax kuex tv-phvnc tvyez kuq shaungx,” ngoz tueq wuiyq shec tueq.

Romans 8:35

Kvkhoc rvtueq uraq lac naungshiq kuex Christu lungwawc thuinz rulc tv-phvlc lot phvnx? Kuilc daz rvhumc lvmx, kvtsux tsaungx lvmx, vhunnyec lvmx, htemc vrvmc rvhumc lvmx, thuinbac hunnyex lvmx, vhiz vsungx rulc rvhumc lvmx, vthvy rvgay yaq lvmx htenc kvraq vpiq lungwawc thuinz rulc naungshiq kuex tv-phvlc gay lot shuex haz?

2 Corinthians 5:11

Naungshiq kuex Taungjix muex hiyaz ngoz yaq kuex yvmx ngoc lac vtuiuz vshix ningkhvnc nuex, vganc jix muex jungphvnx kuq vshix. Tishox rueq naungshiq lvmz lotlaz tuiuz yaq, nuimshiq rueq muinz nuimshiq thuinz vmungx maq ngvy lvmz kuex vhvlx waq tuiuz vshuinx shvmx ngoz tueq ngaz rueq thuinz tvluimc vshaungx.

2 Timothy 4:14

Yanx jek jix jek waz Alesander rueq ngaz muex pinhtumc tvgvrc tsvrc kuq phuex, piq rueq shuimx wvnc tueq rulc rv-ngvlc Taungjix rueq piq muex yez kuq shuex rvtueq.

Revelation 18:20

Raungmungx miqsaz lex, kvruex ghaqyungx bac wvnc vtuex ningkhvnc nuex kokez wuez kuinz! Tishox miqsaz htenc, kamx waz bix htenc, shvmmax bix htenc kokez wuez kuinz! Yvmx khoc lac ngoz ruiux lec nuimshiq muex guirguenc kuy jix ghaqyungx kuex Tishox rueq phox kuq gay tueq! ngoz tueq jungc kuex ngaz rueq tay tauk.

Revelation 6:10

Siyac htenc kvraq, “Tvphaungc Tvsuip Taungjix, vsawc nuiyc tsuingrux waz lex! Nuiyshiq thvt gay phuex mvrax rawc nuex ghaq htauk wawc miqsaz htenc kuex mtanc nuex httuiuc laz lac mnoz rueq phox kuq muq, murx tvgurc muq maq dvyx httax tuiux nguinx?” ngoz tueq yunghvlc maq ramc tueq.

PHOWEBI 16:28

Kvkaq Samson rueq vjux thoz tueq kuex, “Johvlc Yehowa lex, kejux maq ngaz kuex rvwvl koq; ngvy muik ponueyc luc kuq gay phuex Philistin miqsaz htenc kuex laukshiz lvmz maq murx tvyez kuy lot tvkoc, Tishox lex, kejux maq ngaz muex laukshiz hungc vlaungc kuq wvnc loq,” ngoz tueq.