NEHEMIA 1:9 - ASII LAKDAP Bible (BSI) Shatmaq tiina, namshiq raq maiqmii ngarai kra tiidii lanta, iwokhong na jang wan nonghan jiila; ngi raq namshiq ma jamlai aming tri wa khakuq kang, kra thun kra lang wan nong lanta shongnga wan nong han jiila; ngi raq namshiq ka iwokhong na hali mishea wan nong kang. Ngi raq namshiq ka ara mangjong hiqdiim ara hamli na; shokrap norii na atiipin jobaiq wan ha kiiwa; ngi shomnoq wan miitu hiqshong bashi tiihong tsea kang kriiba na hali mitriichom hea wan nong kang,’ nguta ngulaü. Hawa Naga Bible 2001 Yuq muinz nuimshiq kuex ngaz kox nuex yek waung vtueq ngvy kvjaz kuex phvnx ruiux yuq, ghaq tvsuip nuex httuiuc laz rv-phvlc nyanc wvnc ruiux muinz, nuimshiq kuex ngaz muex nawk palx tvkoc vthvl taq shec baung nuex shvlx wvnc yek phaungx,’ ngoz toq. |
Kiimaq tsangshiq raq kra mung maq, ngohea shaq shaq dea, kiimaq teng teng miidea tsangshiq mra thun ka tiidii wan raüta, ümniiraq naititiim ma akuqthü haü armung ara nü na nyi raüta achu jaü raüla, kiimaq ümniiraq atsea wan haü ara chela nü na nyi raüta, kiimaq ngi raq ümnaq miitu ahaiha ara Shomjam nü na nyi raüta achu jaü raüla,
Raüta Tatiwe raq apaiq ma akha nguto, “Ngi raq ümnaq achujaü ka trekang she. Ngi raq ara Shomjam ümniiraq pattup pat-sa Ngi shomnoq wan miitu hailaü arka, ümchaü Ngi raq iram kham maq tiibok kang she. Arka asii she. Ngi raq arka khebom kuqshat she mirha. Lata pattup khupwong kuq shat mirha.
Apaiq ma chong laq, “Naishiq chhii laq, O naishiq Chhiitiwe lei; naishiq ka adam na triitam laq; naishiq ka maiq mung thun jaq khon mong wa dokda kuq laq; krai mren naishiq ka ümniima kechu mitum kai; laita ümmang asii kra mitiitsam kamkai.”
Riita, ümchaü min, Jerusalem kra apaiq Shomnoq wan chang chela nguta tsea tsiiq wantaq Shiikeawe raq ümriiti hokhamwe riiwa, lo ümra mungti riiwa, ngi raq aming kuq tiikang tri raü ara jin wan tlaq, raüta Jerusalem wa Shomjam kra tiithen baiq wan hajaq nguta tankhan tlaq, kriiti ka Shiikeawe riishetiq tsangshiq ka hokham ngachang ngacho kriiwa mido baiq laq. Ara aming ara ngi Derias raq kuq tiikang. Ara aming arka poshi min tiipoi raamak maq lang wan ratlo.”
Naishiq chhiilaq, O Tatiwe lei, naishiq Shiikeawe lei, laüta naishiq ka pongmung thun wa tiijang tsuq wan nonglaq, raüla naishiq raq pinthum kechu mitumkai laita ümnaq asii mangchong mitiitsamkai.
raüta pong mung thun wa nashiq tiijang shea wanto, shedong mung wa kiimaq shenyap mung kiimaq shekhu nü mung wa kiimaq shemai nü mung wa.
Tatiwe raq Jerusalem ka triitam nongtlo; apaiq raq pongmung na shumwi asi wa kong ka, tiijang tsuq wan nongtlo.
Tati raq tanglap ashi ra na doraüta misham. Raüta miithii ma mishong. Arka apaiq raq maiqmung thun ma, Israil mungti nai Juda mungti ka, mangjong tlotli na, shedong shenyap kiimaq shekhu shemai mung na, anyin baiqrat kiiwa adam niishe triichom wan nong tiikang nguta tiichhike wan saqse.
Kra ranaiq akhing na, Euphretis jürai maq phaho raüta Ejip mung hiqtrai na saüli binjü wa, Tati raq asenginok ka weshishi maq wiita archom miraq. Maiq weshi ra raq bunwong rai ka achhii phong wa tseatsiiqtlaq ikha mitsea.
Ajong Thaq Na Ajong Pinthum Tatiwe, jurwa asengi Israilnok ka pongmung na munglu shumwi asiwa wa jam niishe shea wanto, raüta apaiq raq maiq nanok ahinti kiimin tsuq wan raüta tsangshiq rai she mitiishong nga wan damha nguta kiqkham kuqto.
Shatmaq Ngi raq tsangshiq ka babaiq wanjai, Ngi raq tsangshiq ka atiihang mirwanha; Ngi raq maiq mung thun aweatek wa mungmaiqse ka tsangshiq ka maiqmii hiqshong na kiimaq maiqmiimii mung nahali mitsuq wan nongha.
“Namshiq ka maiqbomtai mannok. Jangwa rongkiq. Namshiq ka iwokhong na siti dongdii. Ngi raq namshiq phong wa chela shi wa maiq weshi shi mitsea wanha. Kiimaq awe raü ashi wa maiq ka anainai mitsea wanha. Lata ngi raq namshiq ka Jajon Pum na hali mitiijang shea wan nongha.
Tatiwe raq ngutlo, “Maiq mung thun lei ibom tai rong laq, lanta ibomtsi ka khamjong chumkii thun luhea na, chiiriim lanta chongkuq ronglaq. Ngi raq isenginok ka pongmung na nyinbaiq kang; shatmaq Ngi raq tsangshiq ka mirchom wanha, lata sku riimti raq skukong riimtlaq ikha mikhebomha.
Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.
Tatiwe raq nguto, “Maiq ka shekhu nü mung wa misaüho. Maiq mung ashi ningkun jonghea riimtinok kiimaq luhea na sitinok ka arkhat miitu rechap shuntlo.
“Riita ümchaü min, Israilnok ma. Ngi Tati Rakaü Hiqwe raq jamlai bom wa chongtiikang ara tsangshiq ma chongkuq laq: Namshiq raq shomnoq rattlan, maiqphai asi sumla phra thun kra miimbaiq thü ronglaq. Lanta ana Ngi phana jang wan nong ronglaq.
Ngi raq namshiq ka maiq mungtek wa kiimaq maiqhiq tek wa mitsuq wanha. Lata nam mung na hali mitiijang shea wan nongha.
“Namshiq ka Ngi raq akuqha thungtri thun kra lang lanta shong nga hanla kiimaq Ngi aming thun wokhong na sihan jiila,
Ngi raq isenginok pongmung na rewa shumwi ma atsuq wan thun kriika wiita midok dawan ha.
Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”
Kiimaq atiitsang noqku jam ba kra namshiq ma lam luhea niishe ngu raü jiika, namshiq raq maiqmii raq aroro hiq ba maq, namshiq jam nyamse minsaü lo riimakla sku lo Tatiwe raq namshiq ma kuqtaq kriiwa ta lanta, ngi raq namshiq ma chongkuq kang kra phan phan, namshiq jam maq phaq sea mimai.
Namshiq maiqphan ümchuwa sitlan kra hiqshong thun liipan wa, Tatiwe raq hiqshong bashi atsea miraq. Kra hiq na namshiq tarü kilanta apaiq man na chap lanta apaiq ka shomnoq chang.
Mosheq raq Israilnok ma nguto, “Ümchaü ngi raq ümniima achu shiiman nai manson kra kuqtiikang. Kiiwa ümniiraq ümriiti wa rotlaü kra tsealaq. Ümtiikiiwa ümniima arthun ara misaü wan, kiimaq ümniika Tatiwe üm Shiikeawe raq pong mung thun kiina wan baiq wantaq mung na misi haü, kiitiikaq ümniiraq ngi raq ümniima ara tseatsiiq wan bom chongkuqkang kra tsan na mitiitsang haü.