ISAIA 11:12 - ASII LAKDAP Bible (BSI)

¹² Tati raq tanglap ashi ra na doraüta misham. Raüta miithii ma mishong. Arka apaiq raq maiqmung thun ma, Israil mungti nai Juda mungti ka, mangjong tlotli na, shedong shenyap kiimaq shekhu shemai mung na, anyin baiqrat kiiwa adam niishe triichom wan nong tiikang nguta tiichhike wan saqse.

Hawa Naga Bible 2001

¹² Taungjix rueq rv-nyanc khuemx wvnc vtuex Israel nuiyc Yuda miqsaz htenc kuex ghaq shuk bvlic wawc shvlx vtueq tvtuimx yek yaq lvmz miq htenc muex tvkhic tvkoc ngoz tueq vyac mal nganc dvmx vshiz tsomz shuex.

ISAIA 11:12 Referencias Cruzadas

Tvtsvmc 107:3

raüta pong mung thun wa nashiq tiijang shea wanto, shedong mung wa kiimaq shenyap mung kiimaq shekhu nü mung wa kiimaq shemai nü mung wa.

Tvtsvmc 147:2

Tatiwe raq Jerusalem ka triitam nongtlo; apaiq raq pongmung na shumwi asi wa kong ka, tiijang tsuq wan nongtlo.

Tvtsvmc 60:4

Ümniiraq ümnaq shrengtibi ma honlam bom chongkuq laü, tsangshiq ka re jaq na jiim wan mak chang miitu.

Tvtsvmc 68:22

Tatiwe raq nguto, “Ngi raq ümjaqtinok ka Bashan wang wa mitiijang tsuq wan nongha; ngi raq tsangshiq ka sammoktra chum tsaühea mong wa mitiijang tsuq wan nongha.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 18:3

Taironglaq, mangjong hiq na siti maiqse angu wiita raq! Pumkaütiim thaq na miithii tanglap ashi she mishong wan! Tiitsang taishat maq rekhat ho ma aranphan paison lerong tsütlo she!

ISAIA 24:16

Mangjong hiq ratsüko na siti maiqse raq kechu Israil mung tiitsam shinge mitai rong i. Shatmaq ngi ma tsan ransea chang ka jammin ahü! Ngi ka wiita ajam lata sarai wan kang! Ngi ka maiqshaphaqti raq maiq jaq na shaphaq baiq ruqli. Kiimaq tsangshiq raq ngi shaphaq thiikho thütlaq kriika bihea riiwan wanli riitlo.

ISAIA 27:13

Kra ranaiq akhing she saüwa raüla, nüchhong lerong tsü raüta, Israilnok ka tlotli Asiria mung wa nai Ejip mung wa munglu shumwi ma atsuq wan kra mihea. Kiimaq tsangshiq ka miwa. Raüta asii hiqlam Jerusalem maq Tatiwe ka mishomnoq wan.

ISAIA 43:6

Ngi raq shekhu nü mungti ma tsangshiq ka tiiki ronglaq nguta michongha, kiimaq shemai nü mungti ma tsangshiq ka naq shiikhing rongkiq nguta michongha. Isenginok ka ratsüko mung thun wa mijang wanlaq; mangjong hiq tlotli wa.

ISAIA 49:22

Ajong Thaq Na Ajong Tatiwe raq asenginok ma ngutlo: “Ngi raq maiq mung thun ma miithii mishongkuqha, raüla tsangshiq raq ümsetiim ka jam na mishea wan.

ISAIA 49:5

Ngi raq rawü michhi shaq niiphü, Tatiwe raq ngi ka shongto; apaiq raq ngi ka ajaqshi se ma shongto, asenginok ka tiijang shea wan nong miitu, Israilnok anyinbaiq rat kriithun ka tiijang tsuq wan nong miitu, Tatiwe raq ngi shrengtlo; apaiq ka ngi ma ningkun tu.

ISAIA 54:7

“Jaqlose miitu Ngi raq ümniika miimthükang; mangchan tsihea maq ümniika mishea wan nongha.

ISAIA 56:8

Ajong Thaq Na Ajong Pinthum Tatiwe, jurwa asengi Israilnok ka pongmung na munglu shumwi asiwa wa jam niishe shea wanto, raüta apaiq raq maiq nanok ahinti kiimin tsuq wan raüta tsangshiq rai she mitiishong nga wan damha nguta kiqkham kuqto.

ISAIA 59:19

Shedong mung maq riita shenyap mung na saüli, maiqse kunli raq apaiq miishe mihai song wan. Apaiq raq ningkun jonghea riimtlaq kra chhi raüta mihai song wan. Apaiq ka jüchhang jonghea ikha misaü wan, kiimaq rathaiq henghea ikha misaü wan.

ISAIA 60:4

Ümtro na jamlai phan wa hongtha rai wantaq kra liilaq: Ümsenginok ka jam na laüwan ma adam riitamtlo! Ümsetiim ka pongmung luhea wa misaü wan; Ümse jechaksekong ka noshiisetiim ikha raikhü na miboq wan.

ISAIA 62:10

Jerusalemti lei, chela kinphai na kironglaq Kiimaq namshiqnok pongmung wa jang wan tlaqti kra wa ma lam ka thu ronglaq! Mung lamjong kaü tiije ronglaq; lam wa long ka dobaiq ronglaq! Lanta lamhum na miithii shong ronglaq Maiq thun raq lam ka misaplaq

ISAIA 66:19

Krai mren, tsangshiq raq Ngi riidea tsangshiq ma imo tiiho tiikang nguta misap. “Shatmaq Ngi raq tsangshiq phong wa maiq wiijam ka atiihang mirha. Lata tsangshiq ka maiq mung thun na kiimaq maiq mung thun luhea na siti thun kiina, jurwa imang chong tsaki taimak dea riimakla ngi jonglu kiimaq iningkun heng michhishaqtibi mung thun na mitiiwaha: Kriithun ka Spen mung, Libia mung, kiimaq Lidia mung, tsangmungti liq sreabi rai mitiiwaha. Kiimaq Tubal mung na kiimaq Gris mung na mitiiwaha. Armung thun na tsangshiq raq imang chong jonglu tsütsa kra chiiriim raüta michongkuq.

JEREMIA 23:3

Ngi raq isenginok aso atiichong ka, ngi raq tsangshiq ka pongmung thun na ajobaiqha kriiwa adam niishe mirchomha. Lata ngi raq tsangshiq ka tsangshiq hiqshong chü na mitiishong nga wan nongha. Tsangshiq ka saütam serü pahea she mipu chi wan.

JEREMIA 30:17

Ngi raq namkhum ka atiihea mirkuq nongha, Ngi raq namkhum wa mopung thun kra atiihea mirha, namjaqtinok riikla, ‘Jajon ka miimbaiqto she; jurmin kriinyung shiiliti ka ahü she,’ nguta ngutlo. Arka Ngi, Tatiwe raq toqtan tiikang.”

JEREMIA 50:4

Tatiwe raq ngutlo, “Kra akhing she saü wan raüla, Israil mungti nai Juda mungti noknai ri ka makphai trok raüta, Ngi, tsang Shiikeawe rit wan ipha niishe miwa.

JEREMIA 51:12

Bebilon chela ruk thun kra run miitu jaq maq jap lanta tiichhi kuq ronglaq. Phenlabi ka apa maq tiikhe ronglaq! Kintsongti thun ka tsong ronglaq! Bom hai lanta tiikheli ronglaq!” Tatiwe raq Bebilon mungti khuthaq na jamlai mikloha ngutiiwa chongtaq, kriika kloto she.

EJEKIEL 28:25

Tati Rakaü Hiqwe raq akha nguto, “Ngi raq Israilnok ka pongmung thun na anyinbaiqha kiiwa, Israil mung na hali mitiijang shea wanha. Kiimaq maiq phan tlotli raq Ngi ka asii nguta misap wan. Kiimaq Israilnok ka Ngi raq ijaqshi se Jakob ma akuqha tsang mung kiijiishe mishong nga wan.

Hosea 1:11

Juda mungti nai Israil mungti ka adam niishe mipong wan. Raüta nokshi hiqshiti miishe mija wan. Raüta tsangshiq raq tsangshiq khuthaq na mungtuwe weshi she mishong wan. Krai mren tsangshiq ka jangshi ri hali mipuchi wan nong. Raüta chiithe lüwa ajong ala miishe mija wan nong. Tengto, Jejreel wangti ka pinthum ajong ala wang miishe mija wan!

Hosea 2:2

Shiikeawe raq Israilnok ma ngutlo, “Isetiim lei, namnyung ma tsii chongkuq ronglaq. Namnyung ka ümchaü ichak riimak she. Kiimaq ngi min awese ka riimang she. Apaiq raq sethoq jasha kra thaqbaiq tlo raüjaq ahea miraq. Kiimaq mephe nyung miika jamak she nguraü jaq ahea miraq.”

JEPHANIA 3:10

Isenginok luhea Sudan mung na siti, riinyin riishin siti riimin, ngi ma honglu milam kuq wan,

JEKERIA 10:6

“Ngi raq Juda mungti mitiitsing ngangha, Ngi raq Israil mungti ka mitiichhii ha. Ngi raq tsangshiq ka mimangchanha, Lata wiitarü tsangmung niishe mitsuq wan ha. Tsangshiq ka ngi raq jangshi min tiishaübaiq mang dongdii ikhiishe, ikhuk na mipom wan ha. Ngi ka tsangshiq Tati Shiikeawe. Ngi raq tsangshiq achu jaü mitreha.

JEKERIA 8:7

Ngi raq isenginok pongmung na rewa shumwi ma atsuq wan thun kriika wiita midok dawan ha.

John 7:35

Kra tai raütiishe, Jehudinok welabi raq tsangshiq liipan na bom ka akha riichongto, “Riita, apaiq ka nashiq raq chhiwa lotmai chang ka, jamkhiiba hiq na wawan wa chongtliinya? Grik mung chela thun kiijaq nashiq nok min asi kiina wawan raüta, Grik mung ma trahoke wa sha dan tla?

TRI CHONGKE 32:26

Ngi raq tsangshiq ka miqchup tiithenbaiqha chang wa, jurmin tsangshiq ka tsan na tiitsang mak she mirwa.

James 1:1

Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang.

Revelation 5:9

Atra ngam kaütiim nai nyungwere raq Skuse ma tiitsam shi anye ashi akha shito: “Maiqshaq ka ümniili ara lakdam kom jaüti. Sil atrap phan kra tiibun laüta lakdam kom linti ka ümniili. Ümniika maiqse angu khupi ma tsat baiqto, Ümniika honglu na tsai laü. Laüta ümtiijai maq rilaü Shiikeawe miitu, maiq aphantek wa, abomtek wa, amungtek wa, kaüwatek wa.

Revelation 7:1

Arjai miishe, ngi raq rasetiim blai ka, ara mangjong hiq diim shokblai na chap raqraq chhikang. Raüta, tsangshiq raq rahai shokblai maq hai wan tlaq kra ato riibaiq tlo chhikang. Arka mangjong hiq rai khü na kiimaq sammoktra jü na nai pechong wiirü thun thaq na, rahai ka tiisaü mak chang miitu tobaiq tlo.