Matthew 24:31 - ASII LAKDAP Bible (BSI)

³¹ Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

Hawa Naga Bible 2001

³¹ Kvruex yimaq Miq Saz vruex raq bolic yunghvlc kuex tvtuimz vtueq, vpiq raungkamx bix kuex ghaq shuk bvlic nuex tvkaz ruiux, mungkawx vphaungc maq vtvsuip nuex httuiuc laz vpiq rueq vthvl taq miqsaz htenc kuex tvtuimx wvnc shuex.

Muklom

³¹ Lirong tom jam sho urangkamwa tang tha mingkang sokthabali náng takat phana, etho ning mingkang iri kang wang sha hangko kang náng thula talchol miqtang sha thajoq na.”

Matthew 24:31 Referencias Cruzadas

Tvtsvmc 22:27

Mangjong maiqse kunli raq Tatiwe ka tsan na mitiitsang. Mangjong hiqraikhü na siti barapseti apaiq wokhong na minyap wan; Maiqphan tlotli raq apaiq mishomnoq wan.

Tvtsvmc 67:7

Shiikeawe raq nashiq shiimanto; mangjong hiqraikhü na diimtlaq maiqse wiitarü raq apaiq mishrenglaq.

Tvtsvmc 81:3

Poi miitu paison lerong tsü ronglaq, jiha dong wan pha na kiimaq jikham ranaiq na.

DUNGWVNC 19:16

Ranaiqtsam ngoja ranap na ramoktrang nai rachhaiwa trang she riiwanto. Kiimaq pum ka phumda theapak pak raq pang wanto. Kiimaq nüchhong lerongtsü ka henghea lang taito. Piitiip na siti mungmaiqse kunli ka akü anyii tiikhaito.

ISAIA 11:12

Tati raq tanglap ashi ra na doraüta misham. Raüta miithii ma mishong. Arka apaiq raq maiqmung thun ma, Israil mungti nai Juda mungti ka, mangjong tlotli na, shedong shenyap kiimaq shekhu shemai mung na, anyin baiqrat kiiwa adam niishe triichom wan nong tiikang nguta tiichhike wan saqse.

ISAIA 13:5

Tsangshiq ka ratsüko mung thun wa, hiqraikhü tiisup mung thun wa saü wantlo. Atsankhiqtsi ma Tatiwe ka kra mung ka hiq maq hutse tiithenbaiq miitu saü wantlo.

ISAIA 27:13

Kra ranaiq akhing she saüwa raüla, nüchhong lerong tsü raüta, Israilnok ka tlotli Asiria mung wa nai Ejip mung wa munglu shumwi ma atsuq wan kra mihea. Kiimaq tsangshiq ka miwa. Raüta asii hiqlam Jerusalem maq Tatiwe ka mishomnoq wan.

ISAIA 42:10

Ashi anye shikuq rong laq Tatiwe ma; shironglaq apaiq tiitsam, mangjong tlotli raq! Tiitsam ronglaq apaiq, namshiq khamjong mong na khumtibi raq; tiitsam ronglaq, khamjong mong na siti wiitsitsü phan wiita raq! Shi ronglaq, rathoko mung thun raq, kiimaq kiijaq siti maiq tlotli raq!

ISAIA 43:6

Ngi raq shekhu nü mungti ma tsangshiq ka tiiki ronglaq nguta michongha, kiimaq shemai nü mungti ma tsangshiq ka naq shiikhing rongkiq nguta michongha. Isenginok ka ratsüko mung thun wa mijang wanlaq; mangjong hiq tlotli wa.

ISAIA 45:22

“Ngi phana warong ra ümchaü, lantea tiichhiiphaqtlo rong laq, mangjong maiqse tlotli raq! Ngi arlishe Shiikeawe ka.

ISAIA 49:18

Tro tri liilaq laüta jamlai wa hongtha raitlaq kra liilaq! Ümnok ümta thun ka adam na thungtlo! raüta tsangshiq ka maiqmii hiqchü niishe jang wantlo! Ngi ka tengteng atra Shiikeawe sitiikang, ümniika ümsenginok chhi laüta kai mitiishomra haü, jetunyung raq ajunwa tiijeje adang na longseng laktum lakraüta tiitsam kamtlaq ikha mitiitsam haü.

ISAIA 60:4

Ümtro na jamlai phan wa hongtha rai wantaq kra liilaq: Ümsenginok ka jam na laüwan ma adam riitamtlo! Ümsetiim ka pongmung luhea wa misaü wan; Ümse jechaksekong ka noshiisetiim ikha raikhü na miboq wan.

DANIEL 7:2

arthun ara riito: Rahai ka trotam maq haiwanto. Raüta sammoktra chum ka wiita brakshaq wanto.

JEKERIA 14:5

Namshiq ka ara pum heawea na hiqwiikaü kriimiishe maiqmii chiimjin miju han. Namshiq ka man na namti namwe pat na hokham Ujjia pat na hiqjong mu raüta pintrang taq kiikhii she mipin trang han. Kra akhing na Tati i Shiikeawe raq apaiq rasetiim sheaho raüta miki.

JEKERIA 2:6

Tatiwe raq asenginok ma, “Ngi raq namshiq ka barap na tiipin jobaiq kang. Shatmaq ümchaü namshiq munglu shumwi kong ka Bebilon wa chiimjin hotlo ronglaq, lanta Jerusalem na jangho ronglaq.

JEKERIA 6:5

Kiijiishe apaiq raq, “Ara kumrang leng blai chhitlaü arka, lamblai maq haiwan tlaq rahai kra tiichhikuqto. Arthun rahai haiwan tlaq arka, mangjong hiq rümti Tatiwe raq atiiwa,” nguta treto.

JEKERIA 9:10

Tatiwe raq ngutlo, “Ngi raq Israil mung wa rekhat kumrang leng thun, wiita milambaiq ha, kiimaq leng thun ka Jerusalem wa, alam mirbaiq. Kiimaq rekhat chang liq thun kiimin, wiitashe mishthen baiq. Raüta apaiq raq mangjong tlotli na, mungthun ka atsing angang miishe mipeng wan. Apaiq raq lungwii tlaq maiqmung thun ka, sammoktra wiiqshi maq riita, wiiqshi na saüli she mipeng wan. Kiimaq Euphretis rai maq phawan raüta, ra raq aham mangjong tlotli mipeng wan.”

JEKERIA 9:14

Tatiwe ka, asenginok rechap wanti thaq na ra maq misaüho, raüta wuchi liqsin jowan trang ka rachhai ralüp, Tati Rakaü Hiqwe raq rechap boli mitsü, Raüta apaiq ka shemai nü rathaiq rai miwa.

Matthew 13:41

Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

Matthew 24:22

Shatmaq Shiikeawe raq kra chamchao thawa ranaiq akhing ka atiitoq baiq wishe. Apaiq raq kra tiitoq baiq mak ngu raü jiika maiqse angu jumin lun lot mak miraq. Shatmaq Shiikeawe raq apaiq raq atsea wan asengi thun kra miitu chamchao rahiq akhing ka atiitoq mirbaiq.

Matthew 24:24

Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

Matthew 24:32

“Phupmup chong wa namshiq raq tsii lam chang asi. Namshiq raq phupmup chong na akü ako thun kiijaq ajaq dongho ma amakpot setiim she dong raüta, ajaq ka dongnin setiim ashun anye she nüm phaho haü jiila, raju she saü tlo nguta sap tlan.

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Mark 13:27

Kra akhing na apaiq raq rasetiim ka tiiki raüta mangjong hiq barap se na siti Shiikeawe raq atsea wan maiqse angu thun wiita kra mirchom hea wan.”

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

John 11:52

Apaiq tsai tlaq arka, Jehudinok mung miitu lamlam li ka riimak. Shatmaq, Shiikeawe sengi ümchuwa pongmung mung na riinyin shin raüta sitlaq, kriithun ka wiita pumshi ma tiija wan miitu mitsai.

Romans 10:18

Riita, bom ka akha hali wainong i na: Riita, tsangshiq raq tsütsa ahea kriika tai wan lap mak dea sha riita? Atai kla achan ana tai wan ngo li kha. Taimak dea ka riimak. Asii bomtsi na akha nguta chongtlo: “Tsangshiq traho bom chongke riinya raq, mangjong tlotli nyam wanto; Tsangshiq bomtsi ka mangjong hiq angu na, shokrap norii wiita na nyam wanto!”

Ephesians 1:10

Ara Shiikeawe raq sürii wanto kiimung jonghea jaqsham arka, akhing saüto she angu na, ra nai hiq phansang wantaq thun kunkun ka Khristo wokhong niishe mikiinong kuq wan. Khristo riishe phanrap ka mirüm wan.

TRI CHONGKE 30:4

Kiimaq namshiq ka mangjong hiq raikhü na ratsü rapha mung na anyin baiq rat wa li nguhaü min, Tatiwe namshiq Shiikeawe raq adam na hali mitriitam wan nong. Raüta namshiq ka nam mung na hali mishea wan nong.

TRI CHONGKE 4:32

“Namshiq rawü michhi han shaq, lea wantiiwa akhing kra konchon rong liita. Shiikeawe raq maiqse phan sang wantaq rapha hiqwa pat na saüli konchon rong liita. Mangjong hiq raikhü tlotli ka konchon rong liita. Atinkhan mra jonghea ka man na kongkhu pat na pin wan tiisha? Maiq weshi ra raq akha mra pinto nguta tsütsa ka tai wan tiisha?

1 Thessalonians 4:16

Kra akhing na, rawang win maq, rasetiim khuthaq na wela sitlaq rase kra raq, agilülü maq aming mikuq. Kiimaq Shiikeawe lerong ka mitsü. Kiijiishetiq, Tatiwe ka ramungtan wa ana misaüho. Kra akhing na, Khristo ma kam raüta maiq ümchuwa tsai wantaq, kriiti thun ka kongkhu midong.

2 Thessalonians 2:1

Riita, ümchaü ka ngi raq namshiq ma, Tati Jesuq Khristo ka misaü kinong. Raüta nashiq tarü ka apaiq rai, adam na mishea wan, nguta chongtlaq bomtsi kriishe tiikhang chongke ro tiikang. Phunainotiim lei, namshiq ma noho ikha chongkuq tiipha ara tai rong laq. Samhea wiq tiitsang tairong laq.

Hebrews 12:19

Tsangshiq raq lerong tsü trang henghea, kiimaq Shiikeawe bomchong ka ramok wa trang ikha, amok dung dung taito. Israilnok raq, Shiikeawe bomchong riinya wan kra tai raüta, tsangshiq raq apaiq bomchong ka henghea tai lot mai, nguta tiipaiqneato.

Revelation 1:20

Apaü raüta athü liichum ka ahata. Ümniiraq i jaq jaqtsi nü na raiqsaiqpo miishi, kiimaq lem tochang chaq kham miishi chhi tlaü liichum ka ara: Raiqsaiq pomiishi chhi tlaü kriika phungtu miishi kheti rasetiim sitlaq kra. Kiimaq piijongteng kham miishi chhi tlaü kriika phungtu miishi sitlaq kra.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 7:1

Arjai miishe, ngi raq rasetiim blai ka, ara mangjong hiq diim shokblai na chap raqraq chhikang. Raüta, tsangshiq raq rahai shokblai maq hai wan tlaq kra ato riibaiq tlo chhikang. Arka mangjong hiq rai khü na kiimaq sammoktra jü na nai pechong wiirü thun thaq na, rahai ka tiisaü mak chang miitu tobaiq tlo.

Revelation 8:2

Kiijiishe, ngi raq Shiikeawe khaki na chaptlaq rasetiim miishi kiima lerong chü miishi kuqto chhikang.