NEHEMIA 1:9 - Hawa Naga Bible 2001

⁹ Yuq muinz nuimshiq kuex ngaz kox nuex yek waung vtueq ngvy kvjaz kuex phvnx ruiux yuq, ghaq tvsuip nuex httuiuc laz rv-phvlc nyanc wvnc ruiux muinz, nuimshiq kuex ngaz muex nawk palx tvkoc vthvl taq shec baung nuex shvlx wvnc yek phaungx,’ ngoz toq.

ASII LAKDAP Bible (BSI)

⁹ Shatmaq tiina, namshiq raq maiqmii ngarai kra tiidii lanta, iwokhong na jang wan nonghan jiila; ngi raq namshiq ma jamlai aming tri wa khakuq kang, kra thun kra lang wan nong lanta shongnga wan nong han jiila; ngi raq namshiq ka iwokhong na hali mishea wan nong kang. Ngi raq namshiq ka ara mangjong hiqdiim ara hamli na; shokrap norii na atiipin jobaiq wan ha kiiwa; ngi shomnoq wan miitu hiqshong bashi tiihong tsea kang kriiba na hali mitriichom hea wan nong kang,’ nguta ngulaü.

NEHEMIA 1:9 Referencias Cruzadas

1 HOKHVMX 8:48

Kvruex mungx kvmaq tsuingshiq vsuingc suing thuinz vmungx nuex sawc riric hvlc maq thuinz kvlayc wvnc wuez vtueq, nuiyshiq jix vwaz tamx muex vkuq vruex mungtan vyuq htvlx tvmuiz vtueq mnoz rueq vthvl taq vruex ghaqyungx nuiyc mnoz tvkoc ngaz rueq vguirx vruex Shomc Yuimx vmaq mnoz kox wawc vjux thoz ruiux yuq,

1 HOKHVMX 9:3

Kvkaq Yehowa rueq piq muex ngoc, “Mnoz rueq vjux thoz toq kuex ngaz rueq tay tauk. Ngaz muex pattup nawk palx juing baung kuex mnoz rueq guirx toq vruex Shomc Yuimx kuex ngaz rueq tvsawc nawc tauk. Kvruex ngaz rueq bvmc lawc vtueq mkaq muinz tvkhup wungx shaungx.

1 KAÜWA WERAÜ 16:35

Nuimshiq rueq vpiq muex, “Nuiyshiq palc daungc jix; O Tishox lex, nuiyshiq kuex palc wvnc koq; nuiyshiq kuex tvtuimx vtueq; miqphvnx htenc kox wawc palc wvnc koq, kvkaq nuiyshiq rueq kejux vyungx ngoz tueq mnoz vsawc muingc kuex tvtsvmc shix,” ngoz tueq jungx shuinz.

EJRA 6:12

Vpiq muex nawk palx kuy juing baung ngoz tueq Tishox rueq vthvl taq Yerusalem nuex seng vtueq vruex nvrc bomc kuex tvlvlc ruiux, kvwawc Shomc Yuimx kuex tvbac gay roc jix hokhvmx, rvmuq ngoz ruiux miqphvnx, ukhaq yuq muinz tvbac gay rvhumc tuex. Ngaz, Dariu rueq vruex bomc kuex tvdvy vshaungx. Kvruex kuex tvmvrc laz phvnc wuez rax.”

Tvtsvmc 106:47

O Yehowa nuiyshiq Tishox lex, nuiyshiq kuex palc wvnc koq, miqphvnx htenc phungc mungx wawc nuiyshiq kuex tvyez shvlx wvnc koq, ngoz ruiux mnoz vsawc muingc jungc kuex tvtsvmc ruiux, nuiyshiq rueq mnoz muex kejux vyungx ngoz shix.

Tvtsvmc 107:3

shaldungc shalx nyuip ghaqkhux ghaqyaz nuex httax yaq mungtan htenc wawc naungshiq kuex tvyez shvlx wvnc yek phuex.

Tvtsvmc 147:2

Yehowa rueq Yerusalem ghaq kuex tec yek ruiux; vthuq vruez laq Israel miqsaz htenc kuex tvtuimx yek tueq.

ISAIA 11:12

Taungjix rueq rv-nyanc khuemx wvnc vtuex Israel nuiyc Yuda miqsaz htenc kuex ghaq shuk bvlic wawc shvlx vtueq tvtuimx yek yaq lvmz miq htenc muex tvkhic tvkoc ngoz tueq vyac mal nganc dvmx vshiz tsomz shuex.

ISAIA 27:12

Kvruex raungnuiyq, Euphrat ruilx maq Ejip ghaqruiy nuex httuiuc laz Yehowa rueq vpiq miqsaz vshiz maq vshiz kuex nyensaz tsvmz vshauk vphex thvl gay shix ikhoc thvl gay shuex.

ISAIA 56:8

Vpiq miqsaz kuex mungtan wawc yurc gay rvhumc tueq wawc shvlc wvnc jix Yehowa Tishox rueq vganc phvnx miqsaz htenc muinz kvruex hez rulc vdvmz tvhttaz tvkoc shvlx wvnc shuex.

JEREMIA 12:15

Yuq muinz tsuingshiq kuex phic gay yix, ngaz rueq tsuingshiq muex menjenc kuq shaungx; ngaz rueq miqphvnx vshiz maq vshiz kuex tsuingshiq ghaq vraungx nuiyc tsuingshiq mungtan nuex shvlx wvnc yek shaungx.

JEREMIA 3:14

“Tvmtuing vguez miq lex, yek waung luit; ngaz rueq nuimshiq guimz yaq. Ngaz rueq nuimshiq wawc miq vshiz kuex miqghaq ruip rawx wawc muinz, vtaungx waruiuz ruip rawx wawc miq vnueyc kuex lvmz shaungx, ngaz rueq mnoz kuex Zion Kanx nuex shvlx wvnc yek phaungx.

JEREMIA 31:10

Yehowa rueq, “Miq phvnx htenc lex, ngvy kvjaz tay wuez shuinz ngvy kvjaz htenc kuex lvmx luz hong nuex jungphvnx shuiuz. Ngaz rueq ngvy miqsaz kuex tvpanc gay tauk, yuq muinz ngaz rueq tsuingshiq kuex tvtuimx vtueq khelbuenx remc jix waz rueq khelbuenx remx yaq ikhoc ngaz rueq tsuingshiq kuex tvguing tvwungx shaungx.

JEREMIA 32:37

Ngvy thuinkhvy nuiyc thuinkhvy phuk vtueq ngaz rueq tsuingshiq kuex tvpanc gay tauk mungtan htenc lotlaz wawc ngaz rueq tvtuimx yek vtueq vruex baung vyuq tsuingshiq kuex tvkhup wungx tvhttax shaungx.

JEREMIA 6:22

Yehowa rueq, “Ghaqkhux kox mungtan wawc miq htenc kuex httuiuc kaz yaq; tsuingshiq kuex lvmx luz hong wawc hunglaungc httaz hvlc miqphvnx ningkhvnc nuex ralx khvt tvkoc tvyoalc wuez yaq.

EJEKIEL 14:6

“Kvkhoc rvtueq, ngaz Johvlc Yehowa rueq jungx vshaungx kuex, Israel miqsaz htenc muex jungx shuiuz: yek waung luit, nuimshiq nuex miqsuirc vsac yac yuimx htenc kuex gay shec shuinz.

EJEKIEL 36:24

Ngaz rueq nuimshiq kuex miqphvnx ruip rawx nuiyc mungtan ruip rawx wawc shvlx wvnc vtueq nuimshiq mungtan muik shauk nuex shvlx wvnc yek phaungx.

LEWI 26:3

“Nuimshiq kuex ngvy tvrac htenc nuex httax vtueq ngaz rueq nvr phaungx kuex phvnx ruiux yuq,

JEKERIA 8:7

Ngvy miqsaz htenc kuex tsuingshiq thuq lvy rvhumc tueq mungtan htenc kvwawc palc wvnc shaungx,

Matthew 24:31

Kvruex yimaq Miq Saz vruex raq bolic yunghvlc kuex tvtuimz vtueq, vpiq raungkamx bix kuex ghaq shuk bvlic nuex tvkaz ruiux, mungkawx vphaungc maq vtvsuip nuex httuiuc laz vpiq rueq vthvl taq miqsaz htenc kuex tvtuimx wvnc shuex.

TRI CHONGKE 12:21

Nawk palx juing baung kuex nuimshiq muex yalc hvlc ngoz ruiux lec Yehowa rueq nuimshiq muex kuq kv-phuinx suiux vngac khelbuenx kuex nuimshiq rueq vroc baung nuex thvt vtueq, ngaz rueq nuimshiq muex jungx phaungx rulc rv-ngvlc ngvmx kuex yuimx maq phuiuz svy mvy yaq.

TRI CHONGKE 12:5

Yehowa rueq nuimshiq phvnx htenc httax vtuinx hong wawc baungshiz kuex thvl wvnc tueq, miq htenc muinz vpiq khaungkac nuex kaz vtueq vpiq muex nawk palx wuez shuex.

TRI CHONGKE 30:1

“Ngaz rueq majuiuc nuimshiq muex kejux nuiyc mvnhttonc kuex thvl wvnc tvkoc kuq vphaungx. Vruex lotlaz nuimshiq nuex yaungx wvnc tuex kvkaq, Yehowa nuimshiq Tishox rueq nuimshiq kuex mungx ruip saz nuex yurc gay ruiux, kvruex miqphvnx htenc kox nuex nuimshiq httax tuinx kvkaq, ngaz rueq nuimshiq muex tvthvl vphaungx kuex rvwvl yek shuinx.