Biblia Todo Logo
La Biblia Online
- Anuncios -




NEHEMIA 1:10 - Hawa Naga Bible 2001

10 “Yehowa lex, vruex kuex mnvrc waz, mmiqsaz shauk htenc rvtueq. Mnoz rueq Tsuinghez kuex mluimc vkawc yunghvlc nuiyc hungc vlaungc httaz hvlc maq palc wvnc toq.

Ver Capítulo Copiar

ASII LAKDAP Bible (BSI)

10 “Riita, Tatiwe lei, tsangshiq ka ümsengi, kiimaq ümjaqshise kong. Ümningkun ajong nai aheng maq tsangshiq ka dokda wan laü.

Ver Capítulo Copiar




NEHEMIA 1:10
17 Referencias Cruzadas  

vpiq hungc vlaungc httaz hvlc yauk, vpiq luimc vkawc mvrc yaq yauk phumz maq tsuingshiq kuex shvlx wvnc tueq; vpiq lungwawc kuex pattup httax yaq.


Mvnnuex maq phuex mnoz rueq thvl wvnc toq miqsaz htenc nuiyc mphvnx yaungc muex dax wawc tvdungc wvnc rvhumc tueq mmiqsaz htenc kuex rvwvl shuiuz. Mnoz laukshiz httax wvnc toq Zion Kanx kuex rvwvl shuiuz.


Mmungtan kuex tsuingrux nuiyc tvrac vlvmz maq tvjvp phaungc toq; mnoz rueq shuimx wvnc toq lotlaz nuex lungwawc thuinz nuiyc tvmtuing lvmx kuex tvkhic vshuiux.


Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.


Vkhoc ruez vshix kuex m-yauk nuex tvtsuingc juing hakhix nuiyc mkhaungx nuex vmenc taq tvtsuingc juing hakhix ikhoc, Yehowa luimc vkawc yunghvlc maq naungshiq Ejip mungx wawc tvdung shvlx wvnc phuex kuex honc tvsvmc tvkoc rvtueq,’ ngoz tueq jungx shuiux,” ngoz tueq.


Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.


Yehowa vpiq luimc vkawc yunghvlc maq nuimshiq kuex Ejip mungx wawc tvdung wvnc phuinx ningkhvnc nuex, nuimshiq rueq Yehowa Tvrac kuex mkaq muinz wvlc lawc tvkoc, moalx vruex kuex nuimshiq yauk nuex, rvmuq ngoz ruiux khaungkuimx nuex menc taq vshuinx tvtsuingc juing hakhix ikhoc nuimshiq muex honc tvsvmz kuq kv-phuinx.


Mbomkhvmc tvmtuing rvtueq rulc rv-ngvlc, mnoz rueq vpalc wvnc miq htenc kuex shvlx wvnc toq; Vsawc mmungtan kuex mhungc vlaungc maq mnoz rueq tsuinghez kuex shvlx toq.


Yuq muinz Moshe rueq Yehowa piq Tishox muex kvmenc jenc jungx tueq kuex, “Yehowa lex, mnoz rueq Ejip mungx wawc kvmungx yunghvlc luimc vkawc maq palc daungc wvnc toq mphvnx miq htenc muex yvmx ngoz tueq lac khaq vtuiux?


Kvkaq Yehowa rueq Moshe muex ngoc, “Hokhvmx waz kuex ngaz rueq yvmx khoc lac ruez shaungx mnoz rueq khiz shuiux. Ngaz rueq ngvy miqsaz htenc tvkay tvkoc piq kuex shvkeng shaungx. Vsuingc suing tsuingshiq kuex piq mungtan wawc yurc gay laz juing ngaz rueq piq kuex ruez shaungx,” ngoz tueq jungx tueq.


Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.


Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.


kvkhoc rvtueq nuiyshiq muex khaq hvlc nauk khaq vkueq, rvmuq ngoz ruiux nuiyshiq mvrax htenc kuex pattup nauk rvwvl kaz. Nuiyshiq kuex mmiqsaz; nuiyshiq muex menjenc kuq koq.


Nuimshiq kuex Ejip mungx nuex dax muex yaungx tuit wawc Yehowa nuimshiq Tishox rueq nuimshiq tvdung wvnc tueq kuex rvwvl wuez shuinz; kvkhoc rvtueq vruex nvrc kvjaz kuex majuiuc ngaz rueq nuimshiq muex kuq vphaungx.


Rvkhauk laz jungx ix ngoz ruiux yuq, mnoz luimc vkawc yunghvlc nuiyc hungc vlaungc maq Ejip mungx wawc mnoz rueq shvlx wvnc vtueq, mmiq saz shauk yaungc tvkoc mnoz rueq vthvl wvnc miq htenc juex rvtvnx,’ ngoz tueq thoz tauk.


Síguenos en:

Anuncios


Anuncios


¡Síguenos en WhatsApp! Síguenos