NEHEMIA 1:11 - Hawa Naga Bible 2001

¹¹ Ngaz rueq vjux thoz vshaungx nuiyc mnoz muex tvtsanc nganc yaq mnvrc waz hez rueq vjux thoz yaq kvmuinz majuiuc tay kuq koq. Majuiuc raungnuiyq ngaz muex lotlaungc wvnc lvmz kuq koq, honoc waz rueq ngaz muex mmenjenc kuq phueq,” ngoz tueq thoz tauk. Kvtanc jauz ngaz kuex honoc waz muex svpiq tix tvhungx kuy jix rvtauk.

ASII LAKDAP Bible (BSI)

¹¹ Ümchaü ngi achu jaü ara trekuq laq. Kiimaq, ümjaqshisetiim ahinti ümmang shreng wantibi thun achu jaü tlaq kra tre kuq laq. Ngi ma ümchaü ranaiq tiihongkuqlaq ara hokhamwe man na achu jaütiikang ara!” Kiitinchoji, ngi ka hokhamwe jam na, apaiq ma che tsümketi luqkhap riikang.

NEHEMIA 1:11 Referencias Cruzadas

RAPHA HIQWA LAK 24:42

“Ngaz kuex yuix jumx nuex majuiuc raungnuiyq httuiuc waung vtueq, ‘Ijiyungx waz Abraham Yehowa Tishox lex, ngaz rueq shuimc juing yauk shuimc kuex tvlot laungc kuq koq.

RAPHA HIQWA LAK 32:11

Iphuz Esaw yauk wawc ngaz kuex palc wvnc koq, ngaz rueq vjux thoz vphaungx. Ngaz hiz vtaungx, piq kaz vtueq nuiyhez kuex khvt ruiux nuiyhez lotlaz muinz yalxjuik rulx nuiyc nosaz rulx htenc tauk khvt gay muex hiz vtaungx.

RAPHA HIQWA LAK 32:28

Kvruex waz rueq, “Yix maq mmuingc Yaku ngoz tueq nauk kvmuingc kaz shex. Mnoz kuex Tishox rulc muinz, miq rulc muinz rvlongx palx vtueq taungx gay jix waz rvtoq; kvkhoc rvtueq mmuingc kuex Israel rvtuex,” ngoz tueq jungx kuq tueq.

RAPHA HIQWA LAK 40:1

Vkhing vshauk puq httvmx yix maq Ejip hokhvmx waz muex svpiq tix tvhungx kuy jix waz nuiyc wanx tvhungx kuy jix waz kuex hokhvmx waz muex shuimc kuy tvyaq tueq.

RAPHA HIQWA LAK 40:2

Piq miq wanueyc muex vthuinz khaq vtueq,

RAPHA HIQWA LAK 40:21

Piq rueq svpiq tix tvhungx kuy jix waz kuex kungkhux nuex ikhoc tvshuimc yek ruiux,

RAPHA HIQWA LAK 40:23

Yuq muinz svpiq tix tvhungx kuy jix waz rueq Yosep kuex lauk tvlanc lauk gay tueq.

RAPHA HIQWA LAK 41:9

Kvkaq svpiq tix tvhungx kuy jix waz rueq hokhvmx waz muex ngoc, “Majuiuc ngaz yaq itauk lvmx kvjungc vtaungx.

RAPHA HIQWA LAK 43:14

Kvruex waz rueq Benjamin nuiyc mnox washiz kvtauk nuimhez muex yez kuy yek tvkoc Tvphaungc Tvsuip Tishox rueq piq thuinz nuex mtvhungx kuq shueq. Mkhoc shoc maq ngaz rueq isaz hez kuex vsumx rumx raung ngoz ruiux muinz vsumx khvmc juing dvyx shex,” ngoz tueq jungx tueq.

2 KAÜWA WERAÜ 6:40

“Majuiuc, O ngvy Tishox lex, nuiyshiq kuex lawc vtueq vruex baung maq vjux thoz vshix htenc kuex tay kuq koq.

EJRA 1:1

Persia honoc Kiru kuex hokhvmx muex yaungx tueq vphaungc raungwawc nuex shvmmax Yeremia maq raz tueq jungx tueq Yehowa kvjaz kuex hungx wvnc tueq. Piq rueq vruex nvrc bomc kuex vkhoc wuiyq vtueq piq rueq guimz yaq mungtan baung ruip saz nuex nyvmc wvnc laz yunghvlc maq wvlc tvtay kuy tvkoc Kiru muex laukshiz lvmz maq tvshuimx tueq.

EJRA 7:6

Ezra kuex Yehowa Israel Tishox rueq Moshe muex kuq tueq Tvrac kuex vhvlx waq tuiuz tay jix wvtharc miq washiz rvtueq. Ezra kuex Yehowa piq Tishox ruimrix kejux lvp jix waz ningkhvnc nuex honoc waz rueq muinz piq rueq thoz tueq phvnx ruip saz kuex kuq tueq. Artazeze rueq guimz lawc tueq wawc mvshix vngoz nuex Ezra rueq Israel miqsaz htenc wawc shomc waz bix, Lewi miqsaz htenc, shomc yuimx nuex shic ngoyc jix hez, shomc yuimx bvmc jix hez nuiyc shuimc vkay jix htenc lomx yaq phungc shiz kuex Babelon mungx wawc Yerusalem nuex shvlx wvnc tueq.

NEHEMIA 1:6

Yehowa lex, ngaz lawc koq, Israel miqsaz tvkoc mnvrc waz ngaz rueq raungnuiyq raungwvrx vjux thoz vshaungx kuex tay kuq koq. Israel miqsaz rvtiq nuiyshiq yaq wvnc tiq mvrax kuex kvjungc vtaungx. Ijix iwaz tamx nuiyc ngaz kuex mvrax yaq gay tiq.

NEHEMIA 2:1

Yapix lex bvlic httvmx yix maq, raungnuiyq shiz honoc Artazeze kuex phuiuz svy phauk saq yaq nuex, ngaz rueq svpiq tix kuex piq muex tenz kuq tauk. Piq rueq kungkhux nuex ngvy htvlx vbac shvmx kuex khiz muq shauk doc ningkhvnc nuex,

NEHEMIA 2:8

Shomc Yuimx bvmc juing wangx kaluix htenc, ghaqyungx palx ruk htenc nuiyc ngvy httaz juing yuimx laung nuex pulx kuy tvkoc hokhvmx pulx roz lawc jix waz Asap kox nuex luik wuiyq tvkoc muinz menjenc kuy tvkoc thoz tauk. Tishox kuex ngaz rulc vdvmz httaz ningkhvnc nuex ngaz rueq thoz tauk lotlaz kuex honoc waz rueq kuq phuex.

Tvtsvmc 106:46

Tsuingshiq tuinghtuing jix lotlaz thuinz vmungx nuex tsuingshiq kuex menjenc thuinz tvhttax tueq.

Tvtsvmc 130:2

O Yehowa lex, ngaz khoarsez vtaungx kuex tay kuq koq; romc kuy tvkoc ngaz rueq gvl vphaungx kvjaz kuex tay kuq koq!

Tvtsvmc 61:5

O Tishox lex, ngvy bomkhvmc htenc kuex mnoz rueq tay toq, mnoz muex tvtsanc nganc jix htenc rueq guimz yaq tsak vnyvmx htenc kuex mnoz rueq ngaz muex kuq phux.

Tvtsvmc 86:6

Yehowa lex, ngvy vjux thoz bomc kuex tay kuq koq; romc kuy tvkoc ngaz rueq ramc tauk kuex tay shuiuz.

TAKSU LAK 1:29

Mnoz rueq phaqjic raungluingx saz doc muinz mkaq muinz vjux tvyaungc muq doc, Yehowa tvtsanc nganc tvkoc mkaq muinz tvlvlc vshuiux.

TAKSU LAK 21:1

Yehowa rueq yuix ruilx piq kay juing lvmx kuex yoalx rek dvyx wek wiz gay yaq ikhoc, hokhvmx waz thuinz kuex yoalx rekrek ruip rux lot yaq.

JEREMIA 42:12

Yvmx khoc lac ngoz ruiux lec ngaz kuex menjenc vhttax waz rvtauk, ngaz rueq piq kuex nuimshiq htauk nuex tvmenc jenc phaungx, kvkhoc maq nuimshiq kuex yuimx nuex tvyek wvnc phaungx. Ngaz, Yehowa rueq jungx vshaungx,’ ngoz tueq.

MALAKI 3:16

Kvruex yimaq Yehowa muex hiyaz jix htenc tsuingshiq vdvmz dvmz rvjungc phvnc wuez tueq kuex Yehowa rueq tay tvtsuingc vtueq tay tueq. Yehowa muex hiyaz vtueq tvtsanc nganc jix htenc muingc wvlc kuex vpiq khaungkac nuex luik dvp vshiz kvyuq wuiyq tvtsuingc taq tueq.

Hebrews 13:18

Nuiyhez tvkoc tvhttoarc tv-phaungx vjux thoz kuq kuit. Nuiyhez kuex miqmac rueq vyaq vlvmx tv-phvlc thuinz vsawc httax vtix lvmx kvmx vtix, yvmx khoc lac ngoz ruiux lec nuiyhez kuex vkhing ruip rawx vlvmx yauk shuimc roc thuinz httax wuez vtix.