Mikha 7:4 - ASII LAKDAP Bible (BSI) Tsangshiq phong wa maiqshaq pinthumwe kriimin, kiida raü tsung ikha mairam maiq raq. Shiikeawe raq tsangshiq ma tiichamchao ranaiq ka saüto she, arka apaiq raq shammibi lumaq, kiq akhamkuq kriishe. Hawa Naga Bible 2001 Tsuingshiq nuex vhvlx pinhtumc nuiyc miq shauk pinhtumc waz doc muinz httuingx ikhoc khuec guez dvyx. Vpiq rueq tsuingshiq kuex tsuingshiq bvmc jix shvmmax bix maq raz tueq honc tvsvmz kuq yaq ikhoc Tishox rueq miq htenc muex murx tvgurc raungnuiyq httuiuc wvnc tuex. Majuiuc kuex tsuingshiq ruinglez raunglez yaungx wuez yaq. |
Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?
Ara akhing arka aphiip ajiip, re jaq na sum, kiimaq arka Riisham Bomchang Hiqthung Tan na mungbrakshaq akhing. Arka Ajong Pinthum Tatiwe raq namung na atiisaü. Nashiq chela tro kiitelong ruk ka wiita tiibun bukbaiqto she. Kiimaq mungmaiqse raq khrum jaü agi asii hoqtrangtlaq kriika kin thun niishe riinya wanto.
Saipras pero ka ümchaü kiimko ro chamtlaq kiijaq cham raüta mijong wan; martel pero ka shuktam ro chamchang ba kiijaq micham. Ara miithii shong arka pattup pat-sa misi wan, arka Ngi Tatiwe raq jaq shamkang kra tsan na tiitsang miitu miraq.”
Tsangshiq ka thiihü hiq tili krai mren shipoqpoq no na tsuqbaiq changli; Tsangshiq ka Tatiwe saühotlaq akhing na wiita ashthen mirbaiq.
Ngi raq Anathoth hiqti khuthaq na phiiptsi chang rahiq saü wan akhing ka tiihong kang she. Kra akhing she saüwa raüla, tsangshiq phong wa maiq ka ju min lunlot mak mijiim.”
Apaiq raq amaq kham asheaki phenlabi thun kiimin, minsaü sekong jamkhii ijasiq ikha. Tsangshiq raq re ka khat lot mak riito; tsangshiq wiita apin ajin jutrangto. Tsangshiq chongthum jawan ranaiq she saüto, tsangshiq laimiq then wan rahiq saüto.
Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.
“Shatmaq, ümnaq atsaikaiti maiqse ka tsangshiq ma naqhaikiq. Kiimaq tsangshiq raq jamlai wa bomtlaq kriima naq haikiq. Tsangshiq raq ümkiq ka akhii miraq kiimaq ümniika shummii shaq shaq li miraq. Kriika phangkaü phong rai sidam ikha miraq. Shatmaq tsangshiq phoq ngeng nok kra chhi laüta naqhaikiq. Kiimaq tsangshiq raq jamlai wa ngutlaq kriima naqhaikiq.
Tatiwe raq nguto, “Israil mung tro na siti maiq mung thun raq Israilnok ka thophi riiqphi shummii wanti thun kriiwa, ashi ra min Israil mung miitu ümtiikiimin shukchong nyiqchong ikha jalot mak she miraq. Kiimaq tsangshiq raq, Ngi ardea Tati Rakaü Hiqwe nguta misap wan.”
Tatiwe raq, “Amos ümniiraq jamlai wa chhitlaü?” nguta waito. “Petsi raqhiishi ama tuptup chhitiikang,” nguta ngi raq trekang. Kiijiishe Tatiwe raq ngi ma chongto, “Isengi Israilnok thumwan akhing saüto she. Ngi raq tsangshiq ka tiijoq mang. Mitiichamchao ha dongdii. Tsantsii ka klai mang she.
Shukrü tamsetiim nai tsamkü shin phong ikha, namshiq cherop kong ka, wiita wa maq michaq baiq!
“Kra akhing na, rashe kaü nai jipi kaü thaq na, kiimaq ra na raiqsaiq thun sitlaq kra thaq na, awang chang thenjen wan pahea mitiichhi kuq. Mangjong hiq khu thaq na, mung ümchuwa sitlaq wiitarü ka, tsaihü jihü maq akii anyii watrang li she miraq. Kiimaq, sammoktra jütso mok trang kra tai raüta, mangjong maiqse ka, tsaidoq jidoq she, aphiip ajiip riili she mitsai.
Shatmaq, hiq phu ba kriika, shukrü nai sangphii riili long wan lili raü jiika, kra ba hiq phu ka jam riichang min riimak she. Kra she ngu raü ka, Shiikeawe manson hophaq chang li she miraq. Raüta kra ba ka, wa maq chaq baiq changli she miraq.