Mikha 7:4 - Hawa Naga Bible 2001

⁴ Tsuingshiq nuex vhvlx pinhtumc nuiyc miq shauk pinhtumc waz doc muinz httuingx ikhoc khuec guez dvyx. Vpiq rueq tsuingshiq kuex tsuingshiq bvmc jix shvmmax bix maq raz tueq honc tvsvmz kuq yaq ikhoc Tishox rueq miq htenc muex murx tvgurc raungnuiyq httuiuc wvnc tuex. Majuiuc kuex tsuingshiq ruinglez raunglez yaungx wuez yaq.

ASII LAKDAP Bible (BSI)

⁴ Tsangshiq phong wa maiqshaq pinthumwe kriimin, kiida raü tsung ikha mairam maiq raq. Shiikeawe raq tsangshiq ma tiichamchao ranaiq ka saüto she, arka apaiq raq shammibi lumaq, kiq akhamkuq kriishe.

Mikha 7:4 Referencias Cruzadas

ISAIA 10:3

Nuimshiq muex Tishox rueq murx tvgurc shuex nuex, nuimshiq rueq yvmx khoc lac rvshuinx? Vpiq rueq lvmx luz mungx wawc nuimshiq htauk nuex thuimkux kuex tvhttuiuc wvnc shuex nuex, nuimshiq rueq yvmx khoc lac rvshuinx? Romc kuy jix thuiyc kay m-yuq lac yuz tuinx? Nuimshiq tsak vnyvmx kuex m-yuq lac httuiyq shuinx?

ISAIA 22:5

Vruex kuex Romzyac Tvkhic Warc tvnx nuex Tvphaungc Tvsuip Johvlc Yehowa rueq vhiz vsungx, vsumx vrumx nuiyc vpanc vyanc juing htenc kuex naungshiq htauk nuex tvkaz shuex vkhing rvtueq. Naungshiq ghaqyungx palx ruk htenc httak tvbunx gay ruiux, romc kuy tvkoc guyc sez tvruingc kuex ghaqluimx htenc nuex rv-nyawx yaq.

ISAIA 55:13

Majuiuc shuiuq htenc kemz yaq baung nuex ruenx jungx htenc kemz yaq; Shuiuq rumz httax yaq baung nuex murra jungx htenc kemz tuex. Kvruex kuex ngaz, Yehowa rueq vshuimx kuex rvwvlc tvkoc, pattup phaungx ngaungx yaq vmal tvwaungc rvtuex,” ngoz tueq.

JEREMIA 10:15

Tsuingshiq kuex khuec guez ningkhvnc nuex yomnamc gay aungx yaq; Yehowa httuiuc kaz ruiux yuq tsuingshiq muex murx tvgurc vtueq tvbac gay rvhumc tuex.

JEREMIA 11:23

Ngaz rueq Anathot miqsaz htauk nuex vgvrx kuilc daz tvdungc tvkoc vkhing htvp htaz kuq tauk; kvruex vkhing httuiuc tuex nuex tsuingshiq wawc vshiz muinz kvjungx tuex rvmuq,” ngoz tueq jungx tueq.

JEREMIA 46:21

Piq rueq vshap nolaungx bix htenc kuex manx sahez ikhoc romc kuy lvmz lvp muq. Tsuingshiq kuex kvtenc vtueq khvt mvy muq; tsuingshiq lotlaz kvroz yuz wvnc wuez tueq. Tsuingshiq muex sumrumx wvnc raungnuiyq nuiyc, tsuingshiq tvbac gay vkhing kuex httuiuc wvnc tueq.

JEREMIA 8:12

Ngvy miqsaz htenc lex, mnoz rueq shuimx wvnc toq vshuy vshac yauk shuimc ningkhvnc nuex mnoz vyvlc sac haz ruez vtuiux? Rvmuq, mnoz kuex pinhtumc yvlc sac muq; vyvlc svy juing yvmx wuez raz tvnx mnoz rueq tuiuz muq! Kvkhoc rvtueq mnoz kuex vganc jix miq rul wvnc tueq ikhoc rul wvnc tuiux; ngaz rueq mnoz muex murx tvgurc ruiux yuq kvruex kuex mnoz tvkoc tvsuip muex yaungx tuex. Ngaz, Yehowa rueq jungx vshaungx.”

EJEKIEL 2:6

“Yuq muinz, miq waz lex, mnoz kuex tsuingshiq muex muinz tsuingshiq rueq yvmx jungx ruiux muinz nauk hiz kaz. Tsuingshiq rueq mnoz kuex tuingshaung vtueq yomnamc kv-phux; kvruex kuex phvmx htenc hvlwvl nuex httax yaq ikhoc yaungx tuex. Tsuingshiq rueq tvgap gawx yaq nuiyc tsuingshiq rueq jungx yaq phvnx ruip saz kvmac nauk hiz kaz.

EJEKIEL 28:24

Yehowa rueq, “Israel muex thuiuz hvlc tvruimc yaq shuiuq ikhoc tvroz nuex httax yaq miqphvnx htenc kvraq Israel kuex wvlc guez waqguez mkaq muinz ruez yek shuex rvmuq. Ngaz Johvlc Yehowa rvtauk kuex tsuingshiq rueq tuiuz wvnc wuez shuex.”

AMO LUIK DVP (AMOS) 8:2

Yehowa rueq, “Amo lex, mnoz rueq yvmx lac khiz tonx?” ngoz tueq wiz phuex. Ngaz rueq, “Pulx thuey boarx vshiz,” ngoz tueq tvralc tauk. Yehowa rueq ngaz muex, “Tvsuip gay kuex ngvy miqsaz Israel htenc tvkoc httuiuc yaq shex. Ngaz rueq tsuingshiq muex murx tvgurc tvkoc ngvy thuinz kvlayc yek taungx rvmuq.

NAHUM 1:10

Joal pawc jix htenc kuex shuiuq rumz ruix shanx nuiyc tsvmkuiz ikhoc khamc gay rvhumc tuex!

Luke 21:25

“Kvkaq shalx, yapix, ruiysuiyq htenc pungx shvmx romzyac htenc yaungx wvnc tuex. Ghaq htauk wawc mungtan htenc lotlaz kuex svmuktvrax tvruingc kvmac kawc yawc hiyaz vtueq rvwvlc tvmaung rvhumc tuex.

Hebrews 6:8

Yuq muinz kvruex ghaq rueq shuiuq jungx nuiyc httuingx htenc dvyx tvkemz ruiux yuq, vjux vguez kvdvyx muinz rvmuq, Tishox rueq tuemc kuq yaq kvhiz juing wvr maq tvbac gay rvhumc tuex.