Mikha 7:3 - Hawa Naga Bible 2001

³ Tsuingshiq lotlaz kuex layx vbac yauk shuimc nuex thenc hvlc jix jvnc rvtueq. Vyungx vlaungx bix nuiyc phoc waz bix rueq khauloayc yauk noalc thoz wuez yaq. Luimc vkawc vhttax miq rueq yvmx lac roc yaq nguinx jungx ruiux yuq, tsuingshiq rueq vbac lvmz kuex vdvmz nuex kvruiuz wuez yaq.

ASII LAKDAP Bible (BSI)

³ Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

Mikha 7:3 Referencias Cruzadas

TAKSU LAK 16:30

Mnoz muex nuey kuq vtueq muik tvyuip kuq yaq miq htenc kuex lawc tvtsuingc shuiuz; tsuingshiq rueq honc vbac phvnx shishiz tvnkhvnz muex dvnc yaq.

TAKSU LAK 17:23

Honc vbac phoc waz rueq khauloayc yauk noalc kuex lvmz yaq, kvkhoc rvtueq tvrac vlvmz yauk shuimc shuimx muq.

ISAIA 1:23

M-walaungx bix kuex vlauc vlawc jix nuiyc vguiuq vrot jix hez kungjix muex yaungx yaq; tsuingshiq rueq yauk noalc htenc nuiyc khauloayc yauk noalc htenc kuex mkaq muinz lvmz wuez yaq. Tsuingshiq rueq phoc waz rungx maq nojix saz tamx kuex mkaq muinz tvguing muq, nuiyc mvntix nyuiuz tamx khuec vkhac kuex tay vtueq wisoz kuq muit.

ISAIA 26:21

Yehowa rueq ghaq wawc miqsaz htenc rueq vshuimx mvrax htenc tvkoc nuex murx tvgurc yaq, vpiq kuex raungmungx vhttaz juing baung kvmaq kaz yaq. Ghaq htauk nuex miqsaz thuiuzthuic vyumx maq thvy gay jix htenc kuex kvkhic wvnc tuex, ghaq kuex kvkhoc thvy gay rvhumc jix hez kuex raungluingx saz muinz httuiyq puiuc taq shuex rvmuq.

ISAIA 3:5

Miq pumz tek vtueq vdvmz dvmz tharc maq rvmop jap wuez tuex. Yalx rox rulx rueq nyuiuz waz rulx muex tvtsanc nganc shuex rvmuq, yvmx muinz tvyc rvyc muq jix htenc rueq tsuingshiq htauk wawc miq htenc muex tvtsanc nganc shuex rvmuq.

ISAIA 32:7

Miqyaq jix waz kuex layx vbac rvtueq layx bac yauk shuimc shuimx yaq; piq rueq htemc saz jix htenc kuex vrot vkaq kvjaz maq tvbac gay nuiyc tsuingshiq rueq lvp aungx yaq vlvmz tuingshaung kuy tvkoc kvmungx yaq.

ISAIA 5:23

Yuq muinz khauloayc yauk noalc ningkhvnc nuex mvrax vhttax jix doc muinz mnoz rueq tvdung gay toq, mvrax vguez jix muex tvrac vlvmz maq phox kuq muit.

JEREMIA 3:5

Mnoz kuex mkaq muinz khaq hvt khaq muq; ngaz muex pattup mthuinz tvkhaq shuiux rvmuq,’ ngoz shuiux. Israel lex, mnoz rueq kvkhoc jungx toq, yuq muinz mnoz rueq vbac phvnx lotlaz shuimx wvnc toq,” ngoz tueq jungx tueq.

JEREMIA 4:22

Yehowa rueq jungx tueq, “Ngvy miqsaz kuex tharc guez; tsuingshiq rueq ngaz kuex tuiuz muq. Tsuingshiq kuex miqyaq nosaz rulx ikhoc yaungx yaq; tsuingshiq kuex vtuiuz vtay vguez. Tsuingshiq rueq layx bac yauk shuimc thenc hvlc, yuq muinz vhvlx kuex shuimx lvmz thenc muq,” ngoz tueq.

JEREMIA 8:10

Kvkhoc rvtueq ngaz rueq tsuingshiq wuik vnax htenc kuex vtaungjix vnyalx yauk nuex kuq gay shaungx; tsuingshiq juik nyuiuz tamx kuex vganc miq muex kuq gay shaungx. Vyungx vruinx miq pumz tek vtueq tsuingmuq ruxmuq lvmx maq kuimphox thuiyc hung wuez yaq. Shvmmax bix nuiyc shomc waz bix rueq muinz miq laulawc wuez yaq.

EJEKIEL 22:12

Miq wvyvmc rueq kuimphox ningkhvnc nuex miq thvt yaq. Wvyvmc rueq tsuingshiq phuz vnox Israel miqsaz htenc maq kuimphox tvlap thuiyx vtueq, luiz waungx yaungc tvkoc tsuingshiq kuex mop jap wuez yaq. Tsuingshiq rueq ngaz kuex lauk gay phuex.” Johvlc Yehowa rueq jungx tueq.

EJEKIEL 22:27

Gawamen vyungx vlaungx bix kuex ngvmx kauk vtueq tvhtaq tvruk puinz phauk gay yaq shoalx ikhoc rvtueq. Tsuingshiq kuex luiz waungx yaungc tvkoc miq thvy gay nuex yaq wuez yaq.

EJEKIEL 22:6

Israel walaungx bix lotlaz kuex tsuingshiq hungc vlaungc muex tvluimc vtueq miq thvy gay yauk shuimc kuex yaq wuez yaq.

EJEKIEL 34:21

Nuimshiq rueq vthuiuz vsac rvhumc yaq jix kuex lak gay ruiux khelbuenx kung kvwawc htuiuz yurc gay vshuinx.

EJEKIEL 9:9

Tishox rueq, “Israel nuiyc Yuda miqsaz htenc kuex kvhiz juing mvrax htenc yaq gay tueq. Tsuingshiq rueq wvmungx tuimx nuex miq thvy gay mvrax yaq gay nuiyc Yerusalem muinz mvrax yauk shuimc htenc mvrc yaq. Ngaz, Yehowa rueq tsuingshiq mungtan kuex gay shec ruiux, tsuingshiq kuex khiz muq shex ngoz tueq tsuingshiq rueq jungx wuez yaq.

Hosea 4:18

Svpiq pawx laz nuingc yix maq, tsuingshiq rueq mephex yauk shuimx yaq kuex raungc raq wuez yaq, miqyvlc vsvy yauk shuimc kuex tvtsanc nganc wuez yaq.

Hosea 7:3

Yehowa rueq, “Miq htenc kuex tsuingshiq layx vbac kvmungx maq hokhvmx waz nuiyc piq vyungx vlaungx bix kuex laulawc wuez tueq.

AMO LUIK DVP (AMOS) 5:12

Nuimshiq mvrax htenc kuex mtanc khvnc kvhiz juing lac nuiyc nuimshiq yaq gay tuit khuec vkhac htenc mtanc khvnc lac paung yaq nguinx kuex ngaz rueq tuiuz yaq. Nuimshiq rueq miq hvlx jix kuex guirguenz tuit, khauloayc yauk noalc lvmz vtueq tvrac rungx maq htemc saz jix muex tvrac vlvmz maq htvp htaz kuq muit.

Mikha 2:8

Yehowa rueq tvralc tueq, “Nuimshiq rueq ngvy miqsaz kuex ralx ikhoc khvt tuit. Ralx lungc ruix maq vyek waung miq htenc rueq yuimx htenc nuex kvwungx httax yaq ngoz tueq tvmaung wuez tueq, yuq muinz kvruex yuq nuimshiq rueq tsuingshiq khoz vkhvy htenc kuex guiuq nyvlc lvy tvkoc bvmc wuez vshuinx.

Mikha 3:11

Ghaqyungx mungx walaungx bix rueq khauloayc yauk noalc laung nuex guimz lawc yaq, shomc waz bix kuex yauk mauk tvkoc nuex Tvrac luik htenc vlvmz kuex tvluing kuq yaq, shvmmax bix kuex tsuingshiq rueq lvp juing kuimphox tvkoc tsuingshiq romzyac tvkhic htenc kuex kuq wuez yaq, tsuingshiq lotlaz rueq Yehowa kuex tsuingshiq rulc vdvmz httax yaq ngoz tueq jungx wuez yaq. Tsuingshiq rueq, “Naungshiq nuex yvmx muinz thuiuz sac tix rvmuq, Yehowa kuex naungshiq rulc vdvmz httax yaq,” ngoz tueq ngoz wuez yaq.

Mikha 3:2

yuq muinz nuimshiq rueq vhvlx kuex shuiuc gay ruiux layx vbac kuex lungwawx vshuinx. Nuimshiq rueq ngvy miqsaz htenc kuex tvraungx tsuik tsuik vkhuix kawk vtueq ruk vrawz nuex kop yaq ngvmx kuex httueyc gay vshuinx.

Matthew 26:15

“Yesu kuex ngaz rueq nuimshiq yauk nuex lekuq ruiux yuq kuimphox mjuc lac kuq phuinx?” ngoz tueq wiz tueq. Tsuinghez rueq piq muex kuimphox rokthuimx kuq tueq.

1 Corinthians 4:5

Kvkhoc rvtueq vkhing rvkhauk max httuiuc nuex ukhaq muex muinz nauk phox kuq kaz. Vtvsuip phoc kuy lvmx kuex Taungjix httuiuc kaz tuex nuex httuiuc laz bvmc juing rvtueq; vpiq rueq raungnyauk mungx nuex vhttuiyq taq lotlaz kuex kvmuinz, miqsaz thuinz vmungx nuex vhttuiyq taq kvmungx lvmx htenc muinz tvdung tvkhic shuex rvtueq. Kvkaq vshiz maq vshiz kuex miqmac aungx yaq rulc rv-ngvlc Tishox kox wawc tvtsvmc kvmc lvp wvnc wuez shuex.