NAHUM 1:10 - ASII LAKDAP Bible (BSI)

¹⁰ Shukrü tamsetiim nai tsamkü shin phong ikha, namshiq cherop kong ka, wiita wa maq michaq baiq!

Hawa Naga Bible 2001

¹⁰ Joal pawc jix htenc kuex shuiuq rumz ruix shanx nuiyc tsvmkuiz ikhoc khamc gay rvhumc tuex!

NAHUM 1:10 Referencias Cruzadas

2 SAMUEL 13:28

Raüta apaiq raq ajaqshisetiim ma bom ka akha chongkuqto, “Liirong laq, athi ümtiikiiwa Amnon ka chephe makaiq she riijiiq, kra akhing na ngi raq namshiq ma, aming kuq phala, apaiq ka tiitsailaq tsatbaiq rongliijo. Naqhai rongkiq liijo. Ara mra ka ikhu thaq na. Srea nolabi ma jarong liijo. Naqhai rongkiq lii!”

Tvtsvmc 118:12

Tsangshiq raq ngi ka komtam maq ngiq raq longwantlaq ikha longwanto, shatmaq tsangshiq ka shuktam rü khiimtlaq ikha jaqloli khiimbaiqto, Tati ningkun maq ngi raq tsangshiq ka tiithumbaiqkang.

Tvtsvmc 68:2

Wakhuk rahai raq pan wan tlaq ikha, apaiq raq tsangshiq jobaiqto; wake raq simikii jam wantlaq ikha, abi maiqse thun ka Shiikeawe man na miq wanto.

DUNGWVNC 15:7

Achhai anyii khushü jonghea, ümjaqti thun tanglaü; ümtsankhiq walü hengto, kiimaq tsangshiq ka tsamkü ikha khiimbaiqto.

DUNGWVNC 5:12

Krai mren mungmaiqse ka Ejip mung hamli na tsamkü shin rit kai maiqmii miirang raüta kihoto.

ISAIA 27:4

Ngi ka spiqro ma khiqriq mang she. O kiimaq kiijaq kiida shuk rü nai kiimko rü asi jiika ngi raq arang chong maq phai lata wa na tiisiirai michaq baiqha.

ISAIA 47:14

“Tsangshiq thun ka tsamkü shin phong ikhli miraq, kiimaq wa riili mikhiimbaiq! Tsangshiq maiqmii dongdii min tiichhii wan lot mak miraq. Walü ka henghea miraq tsangshiq raq ninlot mak, walü ka tsangshiq ma awosea chang apeowiq ka riimak miraq.

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

ISAIA 56:12

‘Che ka abiri nyang rong i na,’ nguta ara cherop kong raq ngutlo. ‘Laita nashiq raq atangtang bak nyang rong i na! Anap ka ümchaü ranaiq nam ma ahealin miraq!’”

ISAIA 9:18

Maiqse raq abi klotlaq ngarai walütu riika, wa raq shuktamrü nai chokmun rü khiimphaq wantlaq ikha nyaisiqtlo. Arka rum khiim wantlaq ikha khiimphaq wantlo. Raüta wakhuk mong wa ka ra ma hiq ma mong wantlo.

JEREMIA 51:39

Tsangshiq ka shakaq kong sha? Ahea. Ngi raq tsangshiq miitu phaqsea poi jonghea mitiijeha. Lata tsangshiq ka che maq mitiichokha kiimaq mitiichochiha. Raüta tsangshiq ka akon makaiq she mibum wan. Kriika samki nong mak she miraq.

JEREMIA 51:57

Ngi raq amungtuwebi ma che mitiibak nyangha lata mitiipheha; taksubi, tuwebi, kiimaq phenlabi. Tsangshiq ka akon mirwan, kiimaq ümtiikiimin samkimak she miraq. Arka, Ngi hokhamwe raq ngutiikang, Ngi ka Tati Ningkun Ajongwe.

Mikha 7:4

Tsangshiq phong wa maiqshaq pinthumwe kriimin, kiida raü tsung ikha mairam maiq raq. Shiikeawe raq tsangshiq ma tiichamchao ranaiq ka saüto she, arka apaiq raq shammibi lumaq, kiq akhamkuq kriishe.

NAHUM 3:11

Ninewi lei ümnii min, kiikhiisii mimok chaq wan. Rewe makki wa ju laüta, atiipaü chang mirit haü. Shatmaq hum maü she mirhaü.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

1 SAMUEL 25:36

Krai mren, Abigail ka Nabal phaniishe jang wanto. Kra akhing na apaiq ka jam na hokhamwe raq tiipongpii phaqsiq tlaq ikha, peokhiq maq poi klo polosea riito. Apaiq ka chephe makaiq. Kiimaq polokhiq maq awok-hai. Kriikha na tsangnyung raq apaiq ma anap ranap na saüli, jam bom min chongmak dea riito.