Luke 21:25 - ASII LAKDAP Bible (BSI)

²⁵ “Kra akhing na, rashe kaü nai jipi kaü thaq na, kiimaq ra na raiqsaiq thun sitlaq kra thaq na, awang chang thenjen wan pahea mitiichhi kuq. Mangjong hiq khu thaq na, mung ümchuwa sitlaq wiitarü ka, tsaihü jihü maq akii anyii watrang li she miraq. Kiimaq, sammoktra jütso mok trang kra tai raüta, mangjong maiqse ka, tsaidoq jidoq she, aphiip ajiip riili she mitsai.

Hawa Naga Bible 2001

²⁵ “Kvkaq shalx, yapix, ruiysuiyq htenc pungx shvmx romzyac htenc yaungx wvnc tuex. Ghaq htauk wawc mungtan htenc lotlaz kuex svmuktvrax tvruingc kvmac kawc yawc hiyaz vtueq rvwvlc tvmaung rvhumc tuex.

Muklom

²⁵ “Rangsal, jappi etho taset tang wang chamtey sha patja ang ching angna. Mingkang wang mung thaji tang jungku etho jungkok tharaaq sha tat eq rapney ucho rong angna.

Luke 21:25 Referencias Cruzadas

Tvtsvmc 46:3

kiimaq khamjong chum thun ka amok watrang la khiqtrang wan raü min, kiimaq kra muwantaq kriiraq kin thun kra tiibai wan raü min, nashiq ka haisong mai.

ISAIA 13:10

Ra wa raiqsaiq angu thun nai raiqsaiq kongshi maq khumti kong thun kra wiita chhai mak she mitsaqki. Rashekaü ka dong wan raü min nyaqdokdok miraq. Kiimaq jipi kaü riimin likuq mak she miraq.

ISAIA 17:12

Ningkun ajong rümti maiqmung thun ka khamjong chum na rathaiq wan raüjaq thaü pak pak khamtso blun wantlaq ikhiishe blun wanto. Khamtso blun wan kra kin kaütiim jonghea hea blak küwantlaq ikha blak wantlo.

ISAIA 24:23

Jipi li ka amo she mirwan. Raüta ra minyaqki. Kiimaq rashe ka kiimak she miraq. Jamkhano ngukla Tati Ajong Pinthumwe ka hokhamwe miraq. Apaiq raq Jajon pum na atei Jerusalem na ngaraüta mung mipeng. Kiimaq mungmaiqse pengti tuwe jongbi raq apaiq khushü ka michhi.

ISAIA 5:30

Ümtiikiiwa kra ranaiq akhing she saüjiiq, raüla tsangshiq ka Israilnok khuthaq na khamjong chum blun wan tlaq ikha amok dung dung mihok wan. Liimanta, armung ara! Ranyaq tangtang kiimaq pitlang pitthea akhing she saü wato! Rawüli ka ranyaq wa riishe pangbaiq wanto.

ISAIA 51:15

“Ngi ka Tatiwe, üm Shiikeawe; Ngi raq khamjong chum ka shotshaqshaq tiibrak tiikang, lata atso jonghea tiimok tiikang. Imang ka Ajong Thaq Ajong Tatiwe!

JEREMIA 4:23

Ngi raq hiqraikhü na liikang, shaqmii maiqsi chang riimak; ra nü na liikang, rawiili ahü riito.

DANIEL 12:1

Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

Mikha 7:4

Tsangshiq phong wa maiqshaq pinthumwe kriimin, kiida raü tsung ikha mairam maiq raq. Shiikeawe raq tsangshiq ma tiichamchao ranaiq ka saüto she, arka apaiq raq shammibi lumaq, kiq akhamkuq kriishe.

Matthew 24:29

“Kra tha wa chamchao rahiq akhing kra lea wan jai tiijo rotli she, rashe ka anyaq mirki; jipi kiimin li mak she miraq. Raiqsaiq thun ka ra wa adea mirwan. Kiimaq ra mong nyang na siti ningkun thun kriimin tsangshiq khumchang lam kiiwa naüshaü shaü she minaü baiq.

Matthew 27:45

Ranaiq shethung shekham akhing na, mangjong tlotli na nari tsam na saüli ranyaq kito.

Mark 13:24

“Kra mungbrak shaq jai niishe, rashe kaü ka li mak she miraq. Rathup ranyaq she misaü wan. Jipi kiimin limak she miraq.

Mark 13:26

Kra akhing na Maiq Se ka ningkun ajong ho raüta kiimaq apaiq khushü jonghea kra ho raüta ali aliim wahea liishe phum thaq na akai rai she michhi han.

Mark 15:33

Kra ranaiq, shethung shekham akhing maq phaho raüta, konta tsam na saüli, kra mung thun hamli na ranyaq wanto.

Luke 21:24

Maiq wiijamti ka, re raq mitsat baiq. Kiimaq, maiq abiti thun kriika, rewe raq shumraü kharü maq khawan raüta, shumwi ma mungrap mungrii na mitsuq wan. Raüta, thatsang maiqse raq, tsangshiq raq mung jamsha wan akhing rahiq kra minyi wan shaq wiiwii, Jerusalem arka botkhulai rai shot baiq raüta, mungmaiqse ka mijam sha wan.”

Luke 21:26

Maiqse angu ka mangjong hiq khu thaq na jamlai wa tham wan tlaq, kra chhi raüta, akiinyii phiip raq mitsai. Ra wang win na, sitlaq ningkun ajong thun kriika, tsangshiq maiqmii khum chang lam kriiwa wiita arun she mirbaiq.

Acts 2:19

Ngi raq rawang win na nai mangjong hiq na, awang chang nai amao chang jaq misham ha. Kiijaq tiijai raü wan, walü nyai wan, kiimaq wakhuk mong wan trang li she miraq. Kiimaq, ranyaq tangtang li she miraq.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.