Matthew 5:9 - ASII LAKDAP Bible (BSI) “Jurwa mungtsing miitu jaqshamtlaq kriiti chochi; Shiikeawe raq tsangshiq ka asetiim mingu!” Hawa Naga Bible 2001 Miq muex tvrungx raz thenc vtueq thuinz tvhvlc kuy jix kuex thuinhvlx yaq; yvmx khoc lac ngoz ruiux lec tsuingshiq kuex Tishox sahez ngoz tueq kvmuingc tuex! Muklom Karok karatey tang ma sunmaan, chammatakoi ning tha Shkewa sa tang ta halna! |
Dawit ka tsangshiq rai riihumkito. Raüta akha nguto, “Namshiq ka ikongti ngo maq ngi khrumkai kilan jiila, namshiq miitu shekhu ka chinje. Naishiq rai pong rong laq! Shatmaq namshiq raq ngi ka chiqse rewe jaq na shaphaq kai kilan jiila, ngi raq riiwe kla namshiq dü na jaq ka miiqmang li jiimin, natitiim Shiikeawe raq misap. Raüta apaiq raq namshiq ma mo mitiiho.”
Rilung ka polokhiq siwan rotlaü shea? Rilung alu maq nai peokhiq siwa lungwii tlaü shea?
Namshiq ka akha siwan han jiila, namshiq ka ramung- tan na siti nam We Shiikeawe setiim dea nguta maiqse raq misap. Ara jamkhano chongtiikai ngukla, apaiq raq maiqhea maiqbi tarü ma rashe tiikü kuq tlo. Kiimaq abi jaqsham klo wanti miimin, kiimaq ahea jaqsham klo wanti miimin, mren mra chhaq maq ra ka tiijun kuqtlo.
Ramungtan na siti nam We Shiikeawe raq namshiq ka jamkho adang na lakshiipo lak tlaq ikha lungwii tlaq, kiikhiisii hali, namshiq riimin Shiikeawe wokhong na siwan lanta apaiq bom ka poshi min tlea man maq tai lili ronglaq!”
Tsangshiq ka rasetiim ikhli she, kiimaq atsai ngutiimin ahü she. Tsangshiq ka Shiikeawe setiim she. Ara jamkhano chongtiikang ngukla, tsangshiq ka ama wa adong wan kun she.
Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.
Kiimaq napjai ranaiq she hali, apaiq raq Israilnok wenai ka artso rai chhito. Kra chhi raüta, apaiq raq tsangnai tatso chhiike lam maq, ‘Phuno we nai, namnai ka phanshi maqshi Israilnok sii! Namnai liipan na jawa riitsotlan?,’ nguta tatso chhiike bomto.
Namshiq raq ümtinkhan wa tang wan tlan kiitinkhan, nanok tarü rai ari aram maq shongnga wan miitu shiikut ronglaq.
Shiikeawe wokhong na siraüta, Asii Wenyi raq shunshea wantlaq kra phanphan shongnga wanti thun kriika Shiikeawe setiim ngushat.
Shiikeawe Asii Wenyi ka, nashiq tsaiji rai pumshi hanshi tiipum raütiishe, nashiq arka Shiikeawe setiim she dea, nguta rairai riirii maq hakhi kuq tlo.
Shiikeawe raq phanrap ümchuwa phansang wantaq thun wiitarü raq, maklii khamthii maq, Shiikeawe raq asetiim thun kra tiichhi kuq wan tlo haü jiilei nguta, kai athei ange khe wan tlo.
Kra riiman maq khoti, namshiq Phungmaiqse nai Phungmaiqse liipan na kha dong tlaq kra miitu, namshiq ka thatsang maiqse rung na kilanta kha riiphokai riishuk shaqki tlan nya!
Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.
Riita ija, ümchaü sanha naishiq arka Khristo kiimwebi ngo kha maq namshiq tarü kra Khristo mang na, phaqthak nithak maq tsii chongkuq tiikai. Shiikeawe raq namshiq tarü ka apaiq ma wesang wa akhi aluwetiim miishe mitiija wan laq!
Shatmaq, Asii Wenyi riika maiqse rilung na, arthun ara tiitsi ngo kuq tlo: Lungwiitsii, chochi, khusang, anin wan, arlungwii, athuk atsom, phan rap na tsapkapkap,
Riita, ümchaü ngi phaqtek mong na sitiikang arka, ngi raq Tatiwe jaqsham tiikang kriikha na shaqtlo. Ümchaü ngi raq namshiq ma, tsii chongkuq tiipha ara, tsan na samhea tiitsang shaq rong laq. Ümchaü sanha, namshiq ka, Shiikeawe raq asengi ma tiija miitu hea wantaq akhing na, namshiq ka ümtinkhan thuktsom maq siwan chang ngutiiwa thapthi wantaq, kra thap jangkii kra, tiimali lantiishe si rong laq.
I nyino nyungnai, Eudia nai Sintiki lei. Ngi raq namnai ma tiipaiqnea tiikang ara tai ronglaq. Tatiwe wokhong na, sinyino nguta, kaütak rishi miidea singa wan han jaq ahea miraq.
Weshi raq weshi rai, phanrap na, riinin riinin lantiishe sirong laq. Kiimaq ümtiikiiwa, namshiq liipan na, weshi ra raq kongti ma, atiibottaq chang bom la sikiiphanla, mra ka riidii riidii lanta sirong laq. Tatiwe raq namshiq mra roqkuqto she, kiikhiisii hali, namshiq nai namshiq liipan niimin, maiqmii mra ka riidii riidii lanta siraa tlo.
Wiitarü rai, ari aram maq si miitu, shiikut ronglaq. Kiimaq, asii arai, kechu rilung, jamlai kiqjiq ahü maq si ronglaq. Kechu rilung siwan hümiika, juwe riimin, Tatiwe rai sham ka riichhi lot mak.