Matthew 5:48 - ASII LAKDAP Bible (BSI)

⁴⁸ Ramungtan na siti nam We Shiikeawe raq namshiq ka jamkho adang na lakshiipo lak tlaq ikha lungwii tlaq, kiikhiisii hali, namshiq riimin Shiikeawe wokhong na siwan lanta apaiq bom ka poshi min tlea man maq tai lili ronglaq!”

Hawa Naga Bible 2001

⁴⁸ Kvkhoc rvtueq raungmungx wawc nuimshiq Waz kuex hunghtaungx yaq rvtueq rulc rv-ngvlc nuimshiq muinz hunghtaungx wuez kuinz!

Muklom

⁴⁸ Ethi rangma, mungtan na tongtey nim Wa thimal, nim tho khakla asing ang ching!”

Matthew 5:48 Referencias Cruzadas

RAPHA HIQWA LAK 17:1

Abram ka arawii wiiroq tiikaü ri wiitiikaü she angu na, Tatiwe ka apaiq rai riihumto. Raüta akha nguto, “Ngi ka Ningkun Ajong Shiikeawe. Ibom tailaq. Kiimaq wranaiqshe riikhaqli kli klolaq.

2 SAMUEL 22:31

Ara Shiikeawe jaqsham ka minhap; apaiq bomchong ka tingting kappe akamsea chang! Apaiq ka awokhong na siwanti ma liiq;

Tvtsvmc 37:37

Maiqshaq kiimaq kechu maiqse ka shrira liilaq; sobsob bombom maq siti ka asaü asetiim asi.

LEWI 11:44

Ngi ka Tatiwe namshiq Shiikeawe. Krai mren namshiq raq maiqmii khum ka asii thü raa dongdii. Jamkhano ngukla Ngi ka asii.

LEWI 19:2

Israilnok ma akha chonglaq, “Namshiq ka asii sironglaq. Jamkhano ngukla Ngi ka Tatiwe, namshiq Shiikeawe ka asii.

LEWI 20:26

Namshiq ka asii misi han kiimaq Ngi riili. Jamkhano ngukla Ngi ka Tatiwe kiimaq Ngi ka asii. Ngi raq namshiq ka nanok maiq mung ahin thun phong wa pong niishe rai rii wan kang. Krai mren namshiq ka Ngi rii miituli she misi han.

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Matthew 5:45

Namshiq ka akha siwan han jiila, namshiq ka ramung- tan na siti nam We Shiikeawe setiim dea nguta maiqse raq misap. Ara jamkhano chongtiikai ngukla, apaiq raq maiqhea maiqbi tarü ma rashe tiikü kuq tlo. Kiimaq abi jaqsham klo wanti miimin, kiimaq ahea jaqsham klo wanti miimin, mren mra chhaq maq ra ka tiijun kuqtlo.

Matthew 5:47

Kiimaq namshiq raq maiqmii nok phungshiti kriili, ‘Khusang rakhang khata,’ nguta tao lili riihan jiika, nanok ahinti thaq na achan jamlai wa sham lan? Thatsang maiqse riimin kiikhiisii li dea riibom nai wan tlo kata!

Luke 6:36

Nam We Shiikeawe ka mangchan kaü. Krai mren, namshiq min mangchan rüm lanta si ronglaq.”

Luke 6:40

Chongmang se kriika, shrawe thaq na ajong riimak. Shatmaq, ümtiikiiwa apaiq raq lak tlang kra ong wan jiiq, kra jai maq shetiq, apaiq kiimin shra we kiikhiishe mija wan lot.”

2 Corinthians 13:11

Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.

2 Corinthians 13:9

Ngi ka wenyi na wepuq wese ikhli sirai ha jiimin, khoqriiq khiq miili sitiikang. Ngi ka wepuq ikhli jiimin, namshiq ka wenyi rilung na, srea nola sihan jiika hongrai jiiq she. Kriikha maq, namshiq ka kamasham rilung na, Shiikeawe raq minhap ma mitiija wan laq ngutli, achu jaükuq tiikang.

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

Ephesians 3:1

Riita, ija, ara chong tiikai namshiq noknai ri ka wehea miishe tiijato. Kriika ngi Paul raq, namshiq Pongnok phan maiqse miitu, Jesuq Khristo jaqsham kuq tiikang arkha na, ngi ka phaqtek mong na shaqto. Li jiimin, ngi raq namshiq miitu, Shiikeawe jaq wa achuli jaükuq tiikang.

TRI CHONGKE 18:13

Ümniika Tatiwe rai tiipumtlii silaq.”

TRI CHONGKE 27:10

Kra ningkhan, apaiq aming wokhong na sironglaq. Kiimaq ümchaü ranaiq ngi raq namshiq ma kuqtiikang thungtri raütu thun kra wiita lang ronglaq.”

Colossians 1:28

Arkha maq tiina, naishiq raq Khristo Tsütsa Ahea ka maiqse angu wiitarü ma chongkuq tiikai. Naishiq ma anyan phaqchi ümchuwa raükuq tlaq, kriimaq naishiq raq maiqse achhi kiima trap tru maq sungkhu tsii lam ka chongkuq tiikai. Kiimaq shrin kuq tiikai. Riita ara shun shea wan tiikai arka, maiqse pumsii awea maq, Shiikeawe jichong na Jesuq Khristo pum na pumshi hanshi maq siwan rilung na maiqla tiija wan laita sheake wan miitu hunnii tiikai.

Colossians 4:12

Kiimahali, namshiq kongti we Epaphratas, Jesuq Khristo jaqshise raq namshiq ma salam tiitai tlo. Apaiq raq namshiq miitu, ranaiq- tek achu jaü shiikut kuq tlo. Apaiq achu jaü na, Shiikeawe raq namshiq ka kamasham na pharangrang maq, maiqla ma mitiija laq nguta achu jaü kuq tlo. Raüta, namshiq raq Shiikeawe aming ka kiqshi min tlea man maq, lang lanta mijong wanlaq nguta achu jaü kuq tlo.

James 1:4

Khekham maq silaq, anin wan ningkun maq chamchao thun ka tang wan ruq miitu, krai mren ümniika minhap kiimaq awongsii maiqse she mija haü kiimaq jamlai phan niimin kojo maü she mirhaü.

1 John 3:3

Khristo ka asii. Krai mren, apaiq rai adam si miitu ranphan tlaqti thun loweatek raq akhum ka asii maq thü chang.