Matthew 6:1 - ASII LAKDAP Bible (BSI)

¹ “Namshiq raq nokwe ma tiichhi ma nguta, ‘mitting jaq sham’ ka naqsham rongkiq. Namshiq raq akha nokwe makki na tiichan ne lanta sham han jiila, ramungtan na siti nam We jaq wa poksi lap chang ka ahü she miraq”

Hawa Naga Bible 2001

¹ “Nuimshiq rueq yvmx lac shuimx shuinx kuex miq htenc rueq mkhiz shueq ngoz tueq mungx miqsaz htumc nuex yauk noalc kuq muit tvkoc honc lvmz wuez shuinz. Kvkhoc rvmuit ngoz ruiux kuex raungmungx nuex httax yaq nuimshiq Waz kox wawc yvmx yauk mauk muinz lvp muit rvshuinx.

Muklom

¹ “Miqtang ma takhi ma jaqhal jak somlot nak som inn. Eshimal som inn jo miq eq nim ma jaqhal ta raaq phanin, etharin mungtan na tongtey nim Wa ching wang chamtho jaksom thang kap min angnin.”

Matthew 6:1 Referencias Cruzadas

2 HOKHVMX 10:16

Anü maq, “Wara ngi rai kongshi maq. Laüta ngi ka Tatiwe ma itsan itsii wiita kiinongkuq lata jaq shamtiikang kra liiwakiq,” nguta nguto. Raüta tsangnai ka kongdam Samaria chela na wawanto.

2 HOKHVMX 10:31

Shatmaq Jehu raq Tatiwe, Israilnok Shiikeawe thungtri ka atsan atsii kunli kiinong kuq raüta lang wan mak dea riito. Kra rii na apaiq riika Jeroboam raq Israilnok ka ngarai lam na shunsheataq, kra lam kra khoti phanto.

Tvtsvmc 112:9

Apaiq raq atsiiq anyam ka litkot chamchao maiqse ma, jaqchii jichii maq pheanyin pheashi khrum kuqtlo; apaiq mangchan ka laqthaqmak phan; apaiq ningkun ka ajong miraq kiimaq maiq raq apaiq ka kai mishreng.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

DANIEL 4:27

Riita kra ningkhan, Chaü lei, ngi raq tsii chongtiikang ara lang laüta silaq. Ngarai naq tangkiq she. Tingting kappe kriili lang laq. Kiimaq miitsan maiqse ka mangchan laq. Kra klo haüla, ümniika chiithe arong awin ma tiija wan ruq miraq,” nguta Daniel raq nguto.

JEKERIA 13:4

Kra akhing she saü raüla, shammibi raq riisham bomchong chongke miika ajeasi she miraq. Kiimaq shammi jamak she kiimaq shammi miirii min tiimii mak she. Mungmaiqse laolii mak she.

JEKERIA 7:5

Apaiq raq akha chongto, “Armungti nai ramwebi ma chonglaq, tsangshiq raq man na, rawii wiiroq miishi leawantaq akhing na, rawiishi liipan na jipi lübiingi ngoja na, nai jipi lümiishi akhing na, tsangshiq raq amang maq achu jaü wantlaq kriika, ngi ma shreng raüta alam wan ka riimak.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 16:6

Jesuq raq, “Phorisinok nai Sadusinok pithob asi jo. Namshiq ka hon kamshat maq sirong laq,” nguta tsangshiq ma tsii chongkuqto.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Matthew 23:5

Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.

Matthew 25:40

Kiijiishe Hokham we raq mitre, ‘Ngi chongpha, namshiq raq ümtiikiiwa ara i phu i notiim phong wa juwa wepuq pinthum kra liikuq lan, kriika ngi liike taitlo!’ ”

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Matthew 5:46

Namshiq raq namshiq lungwiiti thun kli lungwii wan han jiika, Shiikeawe raq namshiq ma poksi ka jamlai tham miishe wa mikuq? Maiqmii nok siphaqti Roman hokham ma phunta hiketi thun kra riimin la, kiikhiisii li dea klotlaq!

Matthew 5:48

Ramungtan na siti nam We Shiikeawe raq namshiq ka jamkho adang na lakshiipo lak tlaq ikha lungwii tlaq, kiikhiisii hali, namshiq riimin Shiikeawe wokhong na siwan lanta apaiq bom ka poshi min tlea man maq tai lili ronglaq!”

Matthew 6:16

“Kiimaq namshiq raq amang maq achu jaü tlan akhing na, mongnam nok raq maiq ma tiichhi ma nguta tiichan miine jaü tlaq ikha, munjuk mijuk miika naq jaü rongkiq. Ngi raq chongtiikang arka tengteng. Tsangshiq raq Shiikeawe jaq wa poksi lap wan chang ka ahü she.

Matthew 6:9

Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;

Mark 8:15

Jesuq raq tsangshiq ma, “Namshiq ka Phorisinok nai Herod pithob kiima hon kamshat maq sirong liijo,” nguta tsii chongkuqto.

Luke 11:35

Ara chong tiikang arkha maq, namkhum wa walüli sitlaq kriika, ranyaq ma naq tiija rongkiq.

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 12:15

Kra ngu raütiishe, Jesuq raq tsangshiq tarü ma akha chongkuqto, “Sükha ramho kharü mong na dea man chang miitu, honkamshat maq si rong laq. Ara jamkhano chongtiikang ngukla, riikhaqli maiqse rilung ngutlaq kriika, ajaq na tsiiq anyam rüm tlaq, kra lamlam li ka riimak. Apaiq ka ümtinkhan chiithe we li jiimin ümriilaq.”

Luke 16:15

Kriikha maq, Jesuq raq tsangshiq ma nguto, “Namshiq ka maiqse makki na athuk atsom maiqse ikha tiichan ne lanta sitlan. Shatmaq, namtsan tsii kriika, Shiikeawe raq asap. Jamkhano ngukla, maiqse raq jamlai wa pinthum ara phan nguta shreng tlaq, kriika Shiikeawe makki na thiihü.”

John 12:43

Ara jamkhano chongtiikai ngukla, tsangshiq ma mungmaiqse raq, ‘ümniidea ahea’ nguta shomra riiwe kriika Shiikeawe raq, ‘ümniidea ahea,’ nguta ngo kriithaq na athii atsin nguta lungwiitlo.

John 5:44

Namshiq riika maiq nai maiq liipan na tiishomra sea kli lungwii tlan. Shatmaq, juwa Shiikeawe nguta sitlaq, kriiwe raq namshiq ka shomra chang lam ka ritwan man. Kiikhiiti riika ngi ma jamkho mikam han?

Acts 3:12

Petar raq nokmaiqse riitsap khat rai wan tlaq kra chhi raütiishe, apaiq raq tsangshiq ma akha ngutiishe trahokuq hoto, “I nok i hiq Israil mungti lei; namshiq ka ara maiqwe thatsi heakai kra chhi lanta, jam nguto wangrai tlan? Kiimaq namshiq raq naishiq ka jamlai nguto liirat holan? Arka naishiq ningkun maq nai naishiq ka kechu maiqse kha maq, arwe thatsi ara tiihea kuqto ngutiisha tiima tlan?

Galatians 6:12

Namshiq ma athohan tri ka, akhek lang raa dongdii nguta, kiq tiitsi wan tliiti ka, rakhütsiri wa athohan thunglai jaqsham kra lang tiikai nguta, nokwe man na tiishomratibi kong sitlo. Shatmaq tiina, tsangshiq raq ara lang tlaq arka, nokwe raq tsangshiq ka, Khristo pumsongkham na tsaitaq kra bomtsi, Jehudinok raq tairomak, kriikha maq, tsangshiq ka nokwe raq, kra bomtsi miitu ngengseng mak mirlaq nguta, maiq ma tiichhike ma nguta, athohan tri ka lang tlo.

TRI CHONGKE 24:13

Rajitek kra kheathum ka apaiq ma jang kuq wali li riilaq. Kra riihaütiq apaiq ma rawa na asam chang khea asi miraq. Kra raüla apaiq ka ümniima kai kechu mitum. Kiimaq Tatiwe üm Shiikeawe ka ümniima khoqriiq shishiiq miraq.

Hebrews 11:26

Apaiq raq, Messia miitu chamchao litkot wan, maiq shummii bombi kiqsü howan riiwe ka, Ejip mung na chaq nai seng tum sitlaq, kra thaq na reng ma tiija wanto. Jamkhano ngukla, apaiq raq jai na poksi lap wan riiwe ka amiinu atsin nguta amak lii thü wanto.

Hebrews 2:1

Ara chongtiikai arkha maq, nashiq raq tai kai tengman tlaq bomtsi ka, tsan na tiitsang shat maq rüm laita lang rong i. Akha si riihai jiika, nashiq rilung na jamlai phan rathaiq rahai saü raü min, nashiq ka tiimeshi lot mak miraq.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

2 John 1:8

Arkha maq, namshiq ka honkam shat maq sirong laq. Naishiq raq ümchuwa hun nü wan kai kra atu na moki mak chang miitu, shatmaq nashiq raq poksi kra kunkun lap wan li chang, honkam shat maq sirong laq.