Matthew 6:2 - ASII LAKDAP Bible (BSI)

² “Arkha maq ümtiikiiwa ümnii- raq chamchao maiqse ma khrum jaqmiiq kuq tlaü akhing na mongnam nok raq chiiriim raüta sinagok maq nai chiiheawea maq nokwe raq michhi laq nguta kuqtlaq ikha naq kuqkiq. Tsangshiq raq akha klotlaq arka maiq raq tsangshiq ka mishom ra laq nguta klotlo. Ngi raq namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Hawa Naga Bible 2001

² “Kvkhoc rvtueq rax thuiyc yaq miq vshiz muex mnoz rueq phvnx shishiz kuq noalx ruiux kuex naungnuk rueq ikhoc nawk palx yuimx nuiyc lvmx htenc nuex miqmac shauk vgvnz kvkhic laz bolic nauk tuimz kaz. Tsuingshiq kuex miq rueq tvtsanc nganc tvkoc kvkhoc shuimx yaq. Ngaz rueq nuimshiq muex vsuing jungx kuq ix, tsuingshiq rueq yauk mauk vlvp wuez shex.

Muklom

² “Nim aa miq ma chamli lang ko inn jo, takhi eq somtey tang mal synagogue nia miq lam o takhi eq nak som inn. Ning aa miqtang jakho o rapney aqhal miq ta takhi ma irimal somlo aa. Nga nim ma batphang, ning aa jaksom thang thaji sha kap sey ta.

Matthew 6:2 Referencias Cruzadas

Tvtsvmc 112:9

Apaiq raq atsiiq anyam ka litkot chamchao maiqse ma, jaqchii jichii maq pheanyin pheashi khrum kuqtlo; apaiq mangchan ka laqthaqmak phan; apaiq ningkun ka ajong miraq kiimaq maiq raq apaiq ka kai mishreng.

Tvtsvmc 37:21

Abiwe raq kampho namtlo shatmaq ümtiikiimin thamkuq mak she, shatmaq kechu maiqse riika jaq achii maq phongtsoktsok kongphiq kuqtlo.

TAKSU LAK 19:17

Jurwa miitsan maiqse khrum kuq tlaq. Kriika Tatiwe ma ke riito. Tatiwe raq apaiq ma mipai kuq.

TAKSU LAK 20:6

Maiqse raq maiqmii ka, akam sea chang ikha tiichongtlo; shatmaq riikhaqli maq rit wan haütiq, juwa riikhaqli maiq kra misap haü!

THARC TVLUINGC 11:2

Ümtsiiq ka pongbaba jaqsham na tiiwalaq - apawiq na, Jamkhano ngukla, rawiichii akhing na jamlai kharii wa saü wan jiiq, ümniiraq sap maü.

ISAIA 10:6

Ngi raq Asiria mungti ka tiiki lata ra weahünok mungti, itsan tiikhiqtinok kra tiikhat tiikang. Ngi raq tsangshiq ka maiq mung wa tsiiq nai nyam trunkai kiimaq atiihuk kai kiimaq maiq ka ji maq nishishi, lam na botkhulai rai shottlii tiithenbaiq tiikikang.”

ISAIA 58:7

Namshiq dungthop ka amang aleiti ma kuq ronglaq. Kiimaq namshiq jam hiqkhu ka jamhü wakhüti tiisi ma kilü dije thüronglaq. Juwa khuhü kheahü kriiti ma khea kuqsam ronglaq. Kiimaq namphu namno khrumke miitu naqdam rongkiq.

ISAIA 9:17

Arningkhan na, Tati raq jerobi thun ka weshi ra dongdii min tiijulap mak miraq. Kiimaq apaiq raq manti-nyungre miimin kiimaq jechisetiim miimin, atiihang mangchan ka tiitsi mak miraq. Jamkhano ngukla maiqse angu kunli ka ra weahü kong siisaq kiimaq abi kiimaq tsangshiq nübok maq ümchu wa bomtlaq ka ashut siisaqli bomtlo. Atinkhan mo tiiho wanlot jai min, Tati tsankhiq ka shimakli riishat shat miraq. Apaiq jaq ka ra na doshat maq tsangshiq ma mo tiiho miitu khekhamli miraq.

Hosea 8:1

Tatiwe raq chongtlo, “Lerong tsürong laq. Re dong wanto! Liihawe raq wu phiimtlaq ikha, Re raq isenginok phiimtlo! Tsangshiq raq itongshong jaqkhaq raü chumbaiqto. Tsangshiq raq tongshong tri jinto.

Matthew 15:7

Namshiq ka mongnam! Shiikeawe raq Isaia shammiwe lümaq, namshiq thaq na ara bom tiithai chongkuq wantaq arka ümchaü riikhaqli she kuwanto!

Matthew 16:3

Kiimahali ranap na, ‘O athi ranaiq ka ra mijun. Ra na phum ka ashii nai anyaq dong tlo,’ nguta ngutlan. Riita namshiq raq ra tho hiq tho kriika ra na phum kra liilantli chonglot tlan. Shatmaq ümchaü akhing na namshiq raq atinkhan amao chang jaqsham kaiwa thun ara chhi lantiimin, rawiichii akhing na jamlai phan she wa misaü wan kriika tak lot man nya!

Matthew 22:18

Shatmaq Jesuq raq tsangshiq tsan na anyaq sitlaq kra asap. Kriikha miishe apaiq raq tsangshiq bom ka akha treto, “Mongnam nok! Namtsam raq ngi ka namshiq thiikho na jaram tiidea wa tan tlan?

Matthew 23:5

Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.

Matthew 23:6

Tsangshiq raq poi awii ranaiq akhing na welare ngachang thun kra lamlam rit raüta ngatlo. Kiimaq sinagok thun na Shiikeawe shomnoq akhing na shiilangbi ngachang pong na atiitsang athü kriijaq ngawa kli lungwii tlo.

Matthew 24:51

Krai mren, atijong we raq apaiq ka bunlak buncha michum baiq. Raüta mongnam nok rai khoshi na mitübaiq. Kiijaq apaiq ka aho anyi wa la kiimaq arong awi tiichitwa trang liishe mongnam nok rai mihoq phaq dam.”

Matthew 5:18

Ngi raq chongtiikang arka tengteng. Ra nai hiq ara siruq wiiwii, Thungtri raütu wa ralangse bomno bomni se dongdii min poiki mak phan miraq. Tri raütu wa bomtsi awea ka wiita kunkun miku wan.

Matthew 6:16

“Kiimaq namshiq raq amang maq achu jaü tlan akhing na, mongnam nok raq maiq ma tiichhi ma nguta tiichan miine jaü tlaq ikha, munjuk mijuk miika naq jaü rongkiq. Ngi raq chongtiikang arka tengteng. Tsangshiq raq Shiikeawe jaq wa poksi lap wan chang ka ahü she.

Matthew 6:3

Shatmaq ümtiikiiwa ümniiraq chamchao maiqse ma khrum jaqmiiq kuqtlaü na, ju miimin naq tiisapkiq.

Matthew 6:5

“Namshiq raq ümtiikiiwa achu jaü tlan akhing na, mongnam nok raq jaü tlaq ikhiika, naq jaü rongkiq! Tsangshiq riika sinagok maq nai lamkii na chap raü raüta, maiq raq michhi laq nguta achu jaü tlo. Namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Matthew 7:5

Mongnam we loi! Apha na ümmak po wa pepan kaü kra kongkhu lambaiq laq. Kra lot jaitiq ümphuno we makpo wa sinchii kra khangriirii hea she michhi haü. Kiimaq milam kuq lot haü.”

Mark 12:39

Tsangshiq raq sinagok na nai poi akhing na, shiilangbi ngachang kiijaq ngawa kli rittlo.

Mark 7:6

Jesuq raq treto, “Isaia shammi we raq namshiq khuthaq na tiithai thütaq kriika, ümchaü hong wato she dea! Apaiq raq namshiq ka mongnam nok nguta chongthüto. Apaiq raq chongto: ‘Shiikeawe raq nguto, Arnok raq ngi ka tsang nü miili shreng tlo. Shatmaq tsangtsan ka ngi rai riimak.

Luke 11:41

Shatmaq, namshiq kok alaq mong na nai winpin mong na jamlai wa sitlaq, kra thun kriika miitsan miijan maiqse ma kuq ronglaq. Kra riihan jiila, phanrap ka namshiq miitu apii ashan chang ngutiimin ahü she, siirairai she miraq.”

Luke 11:43

“Namshiq Phorisinok ma pinthum phiiptsi chang asi! Namshiq riika, sinagok thun na nyungwere ngachang pong na arai thü kiijaq ngawa kli riichhin tlan. Kiimaq chiiheawea wea maq, maiq raq somra wan tlaq kli rit tlan.

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

Luke 12:56

Mongnam nok loi! Namshiq raq ra na liilan tli, rajun ramai tsang kriika shü tlan. Riita, ümchaü pat akhing rahiq jipi ara liichum ka jamkhii riito sap man?”

Luke 13:15

Kra tai raütiishe, Tatiwe raq apaiq bom ka akhiishe treto, “Namshiq ara mongnam nok! Namshiq raq Niitiitsak ranaiq na maiqmii minsaü lo, kumtoq lo ka aban chang tiip wa diiho lanta, atsam tiiphaq kai rum na banki tlan.

Luke 20:46

“Namshiq ka Thungtri shrinketibi hon atsii abi pülii tlaq kriima naq tiibok wan rongkiq. Namshiq ka tsii lamshat maq si ronglaq. Tsangshiq ka tsangshiq miirii kheathum ajong alu kriimaq tiijop raü raüta, ajong alabi dea nguta, tiibai miinge khumsea kli lungwiitlo. Kiimaq kejat thung maq, maiq raq shomnoq shreng tlaq kra ritli khum tlo. Tsangshiq riika, sinagok na Shra jongbi nai ajongbi ngachang, pong na arai raüta athü ngachang kriijaq ngakai kriili lungwiitlo. Kiimaq poi awii ranaiq akhing niika, maiq ngachang ahea pinthum, aki miikiimbi ma nguta pong na arai raüta athü ngachang, kriili tsea raüta ngatlo.

Luke 6:24

“Shatmaq, ümchaü juwa chiithe lüwa nguta sitlanti ma, phiiptsi chang jonghea asi. Namshiq ka ümchaü chamtraq peo lanta sitlan!”

Luke 6:42

Ümniiraq ümphuno we ma, ‘Phuno we, ümmak na sinchiise asi kra lamkuq pha,’ ngutiika jamkho ngutlaü? Shatmaq, ümmak na pepan kaü tiihap raü kra riiwe ka chhi maü? Ümniika mongnam! Apha na ümmak wa, pepan kaü tiihap tlaq kra kongkhu lambaiq laq. Kra lot jai shetiq, ümniiraq ümphuno we mak wa, sinchü kra khangriri hea she michhi haü. Kiimaq milam kuq lot haü.”

John 13:29

Ajaqshisetiim phong wa maiq wiijamti raq tiima ka, Judas ka kampho khiiq witi we kha maq, Jesuq raq Poi na lang chang hup asam rikai nang chong tlo sham ngutli tiimato. Riimak la, miitsan miijan maiqse ma phanshi ra khrum kuq laq nguta thaütlo sham ngutli tiimato.

John 5:41

“Ngi riika maiqse raq shomra kriika rit mang.

John 5:44

Namshiq riika maiq nai maiq liipan na tiishomra sea kli lungwii tlan. Shatmaq, juwa Shiikeawe nguta sitlaq, kriiwe raq namshiq ka shomra chang lam ka ritwan man. Kiikhiiti riika ngi ma jamkho mikam han?

John 7:18

Maiq ümriiti riiwa maiqmii raq athithi na traho bom chongkuq tlaq, kriiti riika, maiqmii khushü tiijong lamlu kli rittlo. Shatmaq, jurwa apaiq tiikaiti we khushü kra tiijong kli tiima tlaq, kriiti ka tingting maiqse. Apaiq tiima tsantsii niika arot akiq tsantsii ka ahü.

Acts 10:2

Apaiq ka Shiikeawe shomnoqti. Apaiq rai ajamti thun tarü ka Shiikeawe shomnoqti siisaq. Apaiq ka Jehudinok miitsan miijan maiqse khrumketi. Kiimaq apaiq ka Shiikeawe jaq wa achu jaü na tsapkap hea we.

Acts 10:31

Raüta, apaiq raq ngi ma, ‘Kornelias lei! Shiikeawe raq ümnaq achu jaü ka taito she. Kiimaq ümniiraq miitsan miijan maiqse ma khrum kuq tlaü thun kiimin chhito she.

Acts 10:4

Apaiq raq rase ka ahai lam maq liito. Raüta, “Chaü lei, jamlai wa?” nguta treto. Kiijiishe rase raq apaiq ma, “Shiikeawe ka ümniima tsanhea sitlo. Ümniiraq achu jaü tlaü kra taito she. Kiimaq ümniiraq miitsan maiqse khrum kuq tlaü kriimin chhito she. Riita, Shiikeawe raq ümchaü ka ümbom tre miitu tiijeje she.

Acts 11:29

Kra tai raütiishe, Jesuq jaiphanti setiim raq, Judia wang na siti kamasham maiqse phunainotiim ma khrumke miitu, tsangshiq loweatek raq maiqmii rii tiithithi maq pheke jaqmiiq mihi rong i nguta bom ka riichongto.

Acts 24:17

“Riita, ngi ka wiitsam wiiblai tin she, wanhiq na sirai wa jai miishe, naishiq nok miitsan miijan maiqsetiim ma kechang kongphiq kampho archom kra kewa nai Shiikeawe ma honglu kewa nguta Jerusalem na wakang.

Acts 9:36

Kiimaq, Joppa chela na maiqnyung ashi asi. Apaiq mang ka Tabitha. Apaiq ka Jesuq jaqshise. (Apaiq mang ka Grik bom maq Dorkas ngutlo. Kra liichum ka “Chok kaü” nguta ngo.) Apaiq raq arilung ka, nanok khrumke jaqsham na nai miitsan miijan maiqse khrumke niili tiisungto.

Romans 12:8

Kiimaq nanok ma tsaiji doke wan kongphiq kuqtaq jiika, nashiq raq nanok ma, tsaido jido jaqsham kra shamke wan chang. Kiimaq, jurwa jaqchii jichii maq nanok khrum kuq wan tlaq, kriiti riimin, nanok khrumke wan jaqsham kra sham wan chang. Juwa maiqla ma jaraüta, se ano ka shun shea wan tlaq, kriiti raq pinthum jaqsham shiichaq wan chang. Kiimaq, jurwa nanok atsi asiti, alit akotti, wikaü tikiiti, kiimaq thümwaq mantibi ma khrum kuq wan tlaq, kriiti riimin chojong chise maq shamke wan chang.

1 Corinthians 13:3

Kiimaq ngi raq i jaq na tsiiq nai nyam ümchuwa rüm tiikang kra wiita kuq lata, miitsan miijan maiqse thun kra mikhrum kuq ha min aja sham. Kiimaq i khum ara dongdii min, wa na tiikhiim chaq baiq ma kham lili, i tsan i tsii mikuq ha min aja sham. Shatmaq i tsan na lungwiitsii rüm mang jiika, arthun chongtiikang arka, ngi ma jamlai liip dong chang min ahü li miraq.

Galatians 2:10

Kiitiikaq, tsangshiq raq nainai ma bomtsi akhek ashi tiitai wantaq kriika, naishiq riimin tsangshiq phong na, Phungmaiqse miitsan miijanti sitlaq kriili, nainai riimin phanshira liiko wan dam raü jaq ahea, nguta akhrum jaü bom tiitaito. Kra miitu ka, ngi riimin khrum kuq damha jaq nguta, i tsan niika asi dongdii.

Ephesians 4:28

Juwa man na, ahuk ja lanta silan, Kriiti riimin, ümchaü sanha, ahuk naqja rongkiq she. Jaqsham shiichaq lantli she, maiqmii wok ka tiipao ronglaq. Lanta, thümsaü litseti kiimin khrum kuq ronglaq.

1 Thessalonians 2:6

Naishiq raq Tsütsa Ahea chongke lam maq, maiqse raq shomra ka rit mai. Namshiq nü wa min kiimaq nanok ahinti nü wiimin rit mai.

1 Timothy 6:18

Tsangshiq ma, shamhea kaihea kli apapa sham ronglaq nguta aming kuq laq. Shamhea kaiwa na tsangshiq ka chiithe jawan ronglaq nguta aming kuq laq. Phanrap na tsan achhü maq, maiq ma keke neinei angu na, kiimaq nanok rai riiphea riinyin raüta si ronglaq nguta chongkuq laq.

Philemon 1:7

Lungwii phuno we lei, ümniiraq phunaino phungmaiqsetiim lungwii tlaü kra chhi lalata, ngi ka kai khoqriiq tiikang! Kiimaq ara chhi lalata, i tsaiji ka kongtam puqshi she jong wan tlo. Ümjaq sham ahea kra chhi raüta, Shiikeawe sengi tarü chochi tlo.

Hebrews 13:16

Kiimahali, nashiq raq kongti kiimti ma khrum shan kewan jaqsham ahea ka, ümtiikiimin naq laq rongkiq. Ara kongti khrum tiikai jaqsham ahata, Shiikeawe tiichochi chang honglu ngamrea shaütu.

1 Peter 4:11

Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.

1 SAMUEL 15:30

Kiijiishe, Saul raq nguto, “Ngi ka shutkang dea. Li jiimin, isengi welabi man na, kiimaq Israil mung tlotli man na, ngi ma anato ka tiichikuq laq. Ümniika ngi rai jang wan i. Kra nguraü ka, ngi raq Tatiwe üm Shiikeawe kra shomnoq pha.”