Matthew 6:2 - Muklom

² “Nim aa miq ma chamli lang ko inn jo, takhi eq somtey tang mal synagogue nia miq lam o takhi eq nak som inn. Ning aa miqtang jakho o rapney aqhal miq ta takhi ma irimal somlo aa. Nga nim ma batphang, ning aa jaksom thang thaji sha kap sey ta.

ASII LAKDAP Bible (BSI)

² “Arkha maq ümtiikiiwa ümnii- raq chamchao maiqse ma khrum jaqmiiq kuq tlaü akhing na mongnam nok raq chiiriim raüta sinagok maq nai chiiheawea maq nokwe raq michhi laq nguta kuqtlaq ikha naq kuqkiq. Tsangshiq raq akha klotlaq arka maiq raq tsangshiq ka mishom ra laq nguta klotlo. Ngi raq namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Hawa Naga Bible 2001

² “Kvkhoc rvtueq rax thuiyc yaq miq vshiz muex mnoz rueq phvnx shishiz kuq noalx ruiux kuex naungnuk rueq ikhoc nawk palx yuimx nuiyc lvmx htenc nuex miqmac shauk vgvnz kvkhic laz bolic nauk tuimz kaz. Tsuingshiq kuex miq rueq tvtsanc nganc tvkoc kvkhoc shuimx yaq. Ngaz rueq nuimshiq muex vsuing jungx kuq ix, tsuingshiq rueq yauk mauk vlvp wuez shex.

Matthew 6:2 Referencias Cruzadas

Matthew 15:7

Nim takhi eq somtey tang! Nim rangma rangsamal Isaiah khakla batta:

Matthew 16:3

Etho rangnap kha o nim raaq inn, ‘Rangchey na, chammatakoi rangkang raa ashang etho amak.’ Nim aa rangkang raa siin eq, rangney chamal angna ta jin raaqtóng eq inn, etha otho nim aa rangham màl chamlang ma jin bat min.

Matthew 22:18

Etharin Jesu aa ning jashit tha sam eq batta, “Takhi eq somtey tang, nim aa nga chamlang ma tari phin?

Matthew 23:5

Ning aa chamtan jaksom sha miq dak ma takhi rangma som aa, ning aa Asang likwit lik ka khatlo jakna etho khang na ajong eq khak aa etho ning aa khat bal tha thalo aa.

Matthew 23:6

Ning aa phaksat ma jaqhal haq, etho synagogue tang o jaqhal tong ching sha bi aa.

Matthew 24:51

Esho piq aa ethi sanga wa tha aming mingsa pin duk na etho takhi eq somtey tang haq piq ma kona. Eshina qhap ngey eq paa tachik kakna.”

Matthew 5:18

Nga khakla hun bat phang, mungtan nia mingkang haq uthun angna, etha thaji thun wey moq jakho, Shkewa thong wang aming raaq tho matwang moq angna.

Matthew 6:16

“Nim wokcham tong inn jo, takhi eq somtey mal nak tong inn. Ning aa miq ma takhi rangma, thalkho tasang hung aa tong aa. Nga nim ma asing batphang, ning aa jaksom thang thaji jin kap sey ta.

Matthew 6:3

Etha o tho, nim aa miq ma chamli lang kot inn jo, nim jak qhak ko eq som aa jaksom shi nim jak qhik koma nak tasam inn.

Matthew 6:5

“Nim aa romtam chu inn jo, takhi eq somtey tang mal nak som inn. Ning aa miq ma takhi rangma, synagogue na etho miq lam kang na lang eq romtam chu aa. Nga nim ma asing batphang, ning aa jaksom thang thaji jin kap sey ta.

Matthew 7:5

Nim takhi eq somtey tang! Jakho nim miik wang bangling shi rang latchak inn, ethi jio nim no miiksip lat rangma nim aa jaqhal eq khi nin.

Mark 12:39

Ning synagogue tang na thaji miqtang jakho o tong ma etho kut aa kan na thaji pheynang eq jaqhal tongching o tong ma nuk aa.

Mark 7:6

Jesu aa ning thima batta, “Nim takhi eq somtey tang! Asing wang hun nim raa Isaiah rangsamal aa witta: ‘Iri miqtang rey nung wang hun nga raa rangka phang, Etharin ning aa tinmong irel wang rapney alo halna.

Luke 11:41

Etharin nim khung nia kokna chamlang ang aa shi tangshit tangma ko inn, etho thaji sha nim rangma sangna.

Luke 11:43

“Phorisi tang, nim rangma chamtan tsamnang aa! Nim aa Synagogue na jaqhal tongching kap ma etho tangwang sangching tang na rangka phi ta tathin inn.

Luke 12:33

Nim pik aa haq tang shi sangchak eq tangshit tangma kotchak inn. Nim nginkhak shi baluk otho po moq ang atha hun inn. Ira mungtan lik angin bara baluk otho kum moq angna etho bari rel o ahut jin ruk thu moq angna etho jongbal eq tho phak moq angna.

Luke 12:56

Takhi eq somtey miqtang! Nim aa rangni haq raa siin eq saal ri chamal angna ta jin bat eq inn; etharin thaneynap saal o chamlang ang aa sha nim aa cham ma sam min aa?”

Luke 13:15

Teyhungwa aa ning ma thawel batta, “Nim takhi eq somtey tang! Sabbath saal o nim aa nim maan nia mok aming tang sha taap wang jung ling ma qhap min i?

Luke 20:46

“Thong tataltey tang wang rangtun eq tong inn, bari khat alo lo sampey eq qhing ma nuk aa etho thangsang katang o ajong rangka ma nuk aa; Synagogue tang na ning thaji pheywang eq jakho na tong shima etho phaksat náng ka ajo jaqhal katang o tong ma nuk aa;

Luke 6:24

Etharin thanga bara tanglom tang rong ang aa ning shima ahal sey angna, chammatakoi ning chamtan jaqhal tongching tha jin tong sey angta.

Luke 6:42

Nim miik wang bangling tathin hunga, nim no ma chamal eq jin raaq inn, ‘Nga ba miik wang miiksip ri lat ko phang.’ Takhi eq somtey tang! Jakho nim miik wang bangling shi lat chak inn, ethi jio nim aa nim no miik wang miiksip sha may lat eq ma jaqhal eq khi nin.”

John 13:29

Judas jakna ngin khak angta, ethirangma chamtey ujiphantey tang they tathin ta, ning ma Ulit kut aa kan rangma chamlang rik ma, tia tangshit tangma chamli lang kot ma Jesu aa piq ma batchey aa ta tathin ta.

John 5:41

“Nga miqtang eq rangka shima nuk mong.

John 5:44

Nim aa ashey eq ashey tasapsey ma nuk inn etho ashey dang tasapsey bara Shkewa chingko wang shima nuk min, nim aa nga chammal eq han pha nin?

John 7:18

Utang eq piq ching kowang bat aa, piq aa piq ni piq sha thajong ma tathin aa; etharin utang piq takatteywa thajong ma tathin aa, piq sha asing, etho piq shima jashit ahung.

Acts 10:2

Piq sha thong somtey miq angta; piq nia uhimtey tang thaji Shkewa ma chota. Etho Jehudi tangshit tang ma rapney nong ta etho salwet Shkewa ma romtam chuta.

Acts 10:31

Etho batta, ‘Cornelius, ba romtam etho tangshit miqtang ma nong u sha Shkewa tasik ta.

Acts 10:4

Piq aa ethi rangkamwa tha siingsin ta etho cho eq batta, “Tatalteywa, chamli aa?” Rangkamwa thawel batta, “Shkewa ba romtam shima etho tangshit miqtang ma nong u shima sungrang angta etho Shkewa nangma thawel ma kacha ang aa.

Acts 11:29

Req jiphantey tang aa barey chamtan jin aa eshi tang Judea na tongtey uhantey miqtang jamoq noksom lot ma kara wanta.

Acts 24:17

“Daklot pang Jerusalem phey na tong jio, nga i miqtang ma ngin som ma etho kholik kot rangma nga irináng thu táng.

Acts 9:36

Joppa shina Tabitha ta miing aa ashey uhantey tong ta. Piq miing sha Greek na Dorcus angta, Dorcus ta “Khohi.” Iri miqnu re rapney jaqhal jaksom etho tangshit tang sha nong chey ta.

Romans 12:8

Tinthajong tey angma ang ajo, piq aa tinthajong ching; ukottey angma ang ajo tin lak eq kot ching; solwa angma ang ajo piq aa ahan jaksom som ching; tinshit takhitey angma ang ajo piq aa sungrang jamoq somlo ching.

1 Corinthians 13:3

I jak na chamlang atha sha nga miqtang ma kot náng, etho ihanphung sha tho thajung eq ma kot chak náng etharin i tinmong na tinmat ahung ang ajo nga irimal som eq chamtho kap mong ang náng.

Galatians 2:10

Ning aa í ma tangshit tang tasik inn ta bat taphi, etho iri raaq raa íaa salwet som chey ro eq ti.

Ephesians 4:28

Hut hut tey tang eq wey hut ching ang moq. Eshi kaley nim jak eq jaqhal jaksom somlo inn etho utang ma ràa aa ning ma tho ukot eq inn.

1 Thessalonians 2:6

Í aa nim ching wang tia miq ching kowang rangka kap ma bi mi angti.

1 Timothy 6:18

Ning ma jaqhal jaksom rangma raaqkhat kot u. Jaqhal jaksom na tanglom angma, etho tinlak eq kot ma etho miqdak nong rangma raaqkhat kot u.

Philemon 1:7

I no, ba tinmat wang nga rapney sungrang kap táng etho i tin thajong tu, chammatakoi ba tungkang o Shkewa miqtang tin sungrang aa.

Hebrews 13:16

Jaqhal jaksom nia ashey eq ashey nong shi nak lakchak inn, chammatakoi Shkewa irimal pinthong shima sungrang aa.

1 Peter 4:11

Chamtey eq phanchan ajo, Shkewa raaq phanchan ching; chamtey eq nong ajo, bara Shkewa kot aa tarong shey somlo ching; irimal ang ajo thaji na Jesu Khristo tungkang o, Shkewa tasapsey na. Piq rangma phun amun nia tarong sha pattuk cham ang aa. Amen.