Matthew 6:1 - Muklom

¹ “Miqtang ma takhi ma jaqhal jak somlot nak som inn. Eshimal som inn jo miq eq nim ma jaqhal ta raaq phanin, etharin mungtan na tongtey nim Wa ching wang chamtho jaksom thang kap min angnin.”

ASII LAKDAP Bible (BSI)

¹ “Namshiq raq nokwe ma tiichhi ma nguta, ‘mitting jaq sham’ ka naqsham rongkiq. Namshiq raq akha nokwe makki na tiichan ne lanta sham han jiila, ramungtan na siti nam We jaq wa poksi lap chang ka ahü she miraq”

Hawa Naga Bible 2001

¹ “Nuimshiq rueq yvmx lac shuimx shuinx kuex miq htenc rueq mkhiz shueq ngoz tueq mungx miqsaz htumc nuex yauk noalc kuq muit tvkoc honc lvmz wuez shuinz. Kvkhoc rvmuit ngoz ruiux kuex raungmungx nuex httax yaq nuimshiq Waz kox wawc yvmx yauk mauk muinz lvp muit rvshuinx.

Matthew 6:1 Referencias Cruzadas

Matthew 16:27

Chammatakoi, Miqna Sa urangkamwa tang jamoq, uwa phun amun o kaa phana etho piq aa thaji miqtang ma ning jaksom rangma jakthang kona.

Matthew 16:6

Jesu aa ning ma batta, “Nim Phorisi tang nia Saddusi tang thawung phan wang rangtun eq tong inn.”

Matthew 23:13

“Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa miqtang ma rangmungtan náng wáng lam sha sakchak inn. Nim tho rangmungtan náng nop min, etho uwangtey sha tho thanop min.

Matthew 23:5

Ning aa chamtan jaksom sha miq dak ma takhi rangma som aa, ning aa Asang likwit lik ka khatlo jakna etho khang na ajong eq khak aa etho ning aa khat bal tha thalo aa.

Matthew 25:40

Esho Lungwang wa they thawel batna, ‘Nga nim ma asing batphang, nim aa ijiphantey tang wang thaji pheynáng eq aming jam tho som tin, esha nim aa ngama somlo kota phin.’”

Matthew 5:16

Khakla irimal hun, nim wallit thaji miq tangma takhi ma kot inn, etho ning aa nim jaqhal jaksom lot tang sha siin eq nim rangmungtan Wa sha tasapsey na.”

Matthew 5:46

Nim ma tinmat tey ma chen tinmat inn jo, nim aa chamlang kongpha kap nin i? Phunta qheytey tang atho eshimal hun somlo aa.

Matthew 5:48

Ethi rangma, mungtan na tongtey nim Wa thimal, nim tho khakla asing ang ching!”

Matthew 6:16

“Nim wokcham tong inn jo, takhi eq somtey mal nak tong inn. Ning aa miq ma takhi rangma, thalkho tasang hung aa tong aa. Nga nim ma asing batphang, ning aa jaksom thang thaji jin kap sey ta.

Matthew 6:9

Nim aa irimal chu inn: ‘Mungtan na tongtey hiqtang Wa, Ba miing asang ta cham rangka aa,

Mark 8:15

Jesu aa ning thima batta, “Phorisi tang etho Herod thawun phan wang rangtun eq tong inn.”

Luke 11:35

Ethi rangma nim hanmong wallit anak na nakcham shing ma uphan na asam atol tong inn.

Luke 12:1

Hayat miqtang Jesu raaq tha tatma thajoq thuta etho ning ni ning tathum jangta, Jesu aa ujiphantey tang ma phang batta, “Phorisi tang uwun phan ban wang rangtun eq tong inn.

Luke 12:15

Etho piq aa thaji miqtang ma batta, “Rangtun eq tong inn, kaplap tinthin wang rangtun eq tong inn; chammatakoi ashey miq chamtan tanglom ang ajo tho iriwang piq rollung sha chamtho ahung angna.”

Luke 16:15

Jesu aa ning ma batta, “Nim raa hun miqtang jakho o nim ni nim ma jaqhal takhi inn etharin Shkewa nim tinmong sha usam eq phin. Chammatakoi miqtang eq barima jaqhal tathin aa sha Shkewa chikrik aa.

John 12:43

Chammatakoi ning aa miq eq rangka sha Shkewa rangka pheynáng eq tho ahan tinma ta.

John 5:44

Nim aa ashey eq ashey tasapsey ma nuk inn etho ashey dang tasapsey bara Shkewa chingko wang shima nuk min, nim aa nga chammal eq han pha nin?

Acts 3:12

Baluk o Peter aa miqtang tha khita, piq aa batta, “Israel miqtang! Nim chamma patja inn, etho nim aa í ching náng chamma siin phin? Nim aa chamta tathin inn, í tarong wang ang moq tia í kam wang iri miqwa raa qhing ma taqhal ti?

Galatians 6:12

Bari miqtang rey rangkho o jaqhal ta miq ma takhi rangma tathin aa, ning aa nim ma hankhup taqhan rangma kachang chang aa bat phin. Ning tha Khristo bólq tungkang o tahikham moq angma irimal somlo aa.

Hebrews 11:26

Khristo tungkang o tsamnang sha Egypt tang lik aa ngin phey náng eq ahan thangchan ta tathin ta chammatakoi piq aa ukongpha ma jakho náng siin chey ta.

Hebrews 2:1

Eshirangma hiqtang aa tat ti raaq tang sho ahan tin kot ching, irimal ang ajo hiqtang adak lam náng ka mi ang ni.

Hebrews 6:10

Shkewa aja wang khaphung tey ang moq; piq rangma nim jaksom etho nim tinmat piq aa lakchak moq, esha nim aa piq miqtang nong etho unong eq chey aa sha takhi tin.

2 John 1:8

Iri wang rangtun inn, irimal ang eq hiqtang aa chamlang somlo ti sha nim aa nakthamat chak inn, etharin nim aa thaji kongpha shi cham kap inn.