Matthew 5:48 - Muklom

⁴⁸ Ethi rangma, mungtan na tongtey nim Wa thimal, nim tho khakla asing ang ching!”

ASII LAKDAP Bible (BSI)

⁴⁸ Ramungtan na siti nam We Shiikeawe raq namshiq ka jamkho adang na lakshiipo lak tlaq ikha lungwii tlaq, kiikhiisii hali, namshiq riimin Shiikeawe wokhong na siwan lanta apaiq bom ka poshi min tlea man maq tai lili ronglaq!”

Hawa Naga Bible 2001

⁴⁸ Kvkhoc rvtueq raungmungx wawc nuimshiq Waz kuex hunghtaungx yaq rvtueq rulc rv-ngvlc nuimshiq muinz hunghtaungx wuez kuinz!

Matthew 5:48 Referencias Cruzadas

Matthew 5:16

Khakla irimal hun, nim wallit thaji miq tangma takhi ma kot inn, etho ning aa nim jaqhal jaksom lot tang sha siin eq nim rangmungtan Wa sha tasapsey na.”

Matthew 5:45

Eshimal som inn jo, nim sha mungtan Wa sa ang nin. Piq aa aqhal ni jashit miqtang ma rangsal taphang aa etho miq shi miq qhal tang ma ráng tachey kot aa.

Matthew 5:47

Etho nim nokwa tang jamoq chen nim wan inn jo, nim miq adak wang chamal eq mama ang nin? Thongking tey tang eq tho eshimal hun somlo aa.

Luke 6:36

Nim Wa manchan kotey eshimal nim atho manchan kot inn.

Luke 6:40

Likphatey sha tatalteywa pheynáng eq ajong ang moq; etharin likphatey ning aa thun phat ajo ning tatatlteywa mal hun angna.

2 Corinthians 13:11

Etho thanga i noknu wa tang, sungrang eq tong inn: jaqhal ma ang inn; nga cham ta batphang eshi tat inn; nim jaktung na raaq kara eq tong inn; nungmay eq tong inn. Etho Shkewa tinmat nia nungmay nim o cham ang aa.

2 Corinthians 13:9

Baluk o í anung ang i, nim tarong ta í sungrang ang i. Etho nim khakla angma í aa romtam chu i.

2 Corinthians 7:1

I noknu nia wa tang, iri thaji rangtum raa hiqtang jamoq ang rangma hiqtang thaji hanphung nia tsija thanan aa sha tasang i, etho Shkewa ma cho eq asang sha taching i.

Ephesians 3:1

Eshirangma nga Paul, nim Gentile tang rangma Khristo Jesu ma chuk o tong ang.

Colossians 1:28

Esha phanchan eq í aa thaji miqna tang rangtun eq tong ma tatat i, etho thunglam wang thaji miqtang ma tatal kot i, irimal ang eq í aa thaji miq Khristo na khakla ang eq jin takhi eq ni.

Colossians 4:12

Epaphras bara nim jaktung wang, etho Khristo Jesu sanga, nim ma jak tachap kot aa. Etho piq aa nim rangma salwet romtam tang o taching bat aa, irimal ang eq nim Shkewa mongtham o hun tunlang nin etho kam na arong ang eq jakho kho náng ka nin.

James 1:4

Nim thaji jaksom na thanan ang ching, irimal ang ajo nim khakla ang nin, nim kam sha tahom ang na etho chamlang raaq o tho akum ang moq angna.

1 John 3:3

Utang aa Khristo na irimal tungmang shing aa, chamal Khristo asang aa thimal piq ni piq sha asang shing aa.