Matthew 6:1 - Hawa Naga Bible 2001

¹ “Nuimshiq rueq yvmx lac shuimx shuinx kuex miq htenc rueq mkhiz shueq ngoz tueq mungx miqsaz htumc nuex yauk noalc kuq muit tvkoc honc lvmz wuez shuinz. Kvkhoc rvmuit ngoz ruiux kuex raungmungx nuex httax yaq nuimshiq Waz kox wawc yvmx yauk mauk muinz lvp muit rvshuinx.

ASII LAKDAP Bible (BSI)

¹ “Namshiq raq nokwe ma tiichhi ma nguta, ‘mitting jaq sham’ ka naqsham rongkiq. Namshiq raq akha nokwe makki na tiichan ne lanta sham han jiila, ramungtan na siti nam We jaq wa poksi lap chang ka ahü she miraq”

Muklom

¹ “Miqtang ma takhi ma jaqhal jak somlot nak som inn. Eshimal som inn jo miq eq nim ma jaqhal ta raaq phanin, etharin mungtan na tongtey nim Wa ching wang chamtho jaksom thang kap min angnin.”

Matthew 6:1 Referencias Cruzadas

2 HOKHVMX 10:16

jungx tueq kuex, “Ngaz rulc khuemx naungx vtueq Yehowa muex ngaz mtanc khvnc lac kvmx vtaungx kuex mnoz rueq khiz shuiux,” ngoz tueq ngoz kuq tueq. Kvmaq tsuingnueyc kuex vdvmz nuex ngaungc vtueq Samaria ghaq nuex kaz wvnc tueq.

2 HOKHVMX 10:31

Yuq muinz Jehu rueq Yehowa Israel Tishox tvrac kuex piq thuinz vmungx lotlaz maq phvnx yaq rvmuq, kvkhoc ruec tvraung Israel miqsaz htenc kuex mvrax lvmx nuex shvlc jix waz Jeroboam honc vyaungc lvmx kuex phvnx laq tueq.

Tvtsvmc 112:9

Piq rueq rax yaq jix muex hunghtaungx laz kuq vtueq, piq menjenc lvmx kuex mkaq muinz komc kaz muq; piq kuex luimc vkawc yungx wvnc vtueq tvtsanc nganc kuy rvhumc tuex.

EJEKIEL 33:31

Kvkhoc rvtueq ngvy miqsaz htenc kuex mnoz rueq jungx shuiux kuex tay tvkoc rvtuimx kaz wuez yaq, yuq muinz mnoz rueq jungx shuiux kvkhoc tsuingshiq rueq shuimx kaz muq. Tsuingshiq nuix bar nuex lungwawc bomc poz htenc jungphvnx ruiux muinz, kvkax wax lvmx nuex phvnx ruq dvyx rvtueq.

DANIEL 4:27

Kvkhoc rvtueq, Taungjix hokhvmx waz lex, ngaz rueq tharc jungx vphaungx kuex phvnx shuiuz. Mvrax lvmx kuex gay shec ruiux vlvmx yauk shuimc kuex shuimx shuiuz, htemc saz jix muex menjenc shuiuz. Kvkaq mnoz kuex tvhttoarc vtueq vrungx vwanx paung wvnc yek tuiux.”

JEKERIA 13:4

Kvkhoc vkhing httuiuc ruiux yuq, shvmmax mruex jix waz muinz piq romzyac tvkhic muex kvsomraungc juing vguez, shvmmax washiz ikhoc shuimc mvy muq, miq htenc muex laulawc tvkoc ngoz tueq shvmmax khoz vkhvy kuex svmc mvy muq.

JEKERIA 7:5

Vpiq rueq, “Mungx miqsaz htenc nuiyc shomc waz bix rueq wawc rok mvshix tup yapix lex bv-ngac yac nuiyc lex mvshix yac nuex phuiuz svy mamc vtueq vyonz vyec shvmx tvkhic wuez tueq kuex ngaz muex tvtsanc nganc lvmx rvmuq.

Matthew 16:27

Yvmx khoc lac ngoz ruiux lec Miq Saz vruex kuex Vwaz ngauz vngax maq raungkamx bix rulc roc nuex httuiuc kaz tuex. Ekvkaq miqmac rueq shuimx wvnc tueq kvkhoc washiz maq washiz muex yauk mauk tvyez kuq shuex.

Matthew 16:6

Yesu rueq tsuingshiq muex, “Pharise nuk nuiyc Saduke nuk wisiz kuex honc lvmz hvt maq koayc wuez shuinz,” ngoz tueq jungx tueq.

Matthew 23:13

“Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq miq htenc max wawc raungx Mungtan kaluix kuex shauk gay tuit, nuimshiq muinz nyuip muit, vnyuip tvkoc hunglaungx jix muex vnyuip vkhangx kuq muit.

Matthew 23:5

Tsuingshiq rueq shuimx yaq yauk shuimc phvnx ruip saz kuex miq rueq khiz laz juing ngoz tueq shuimx yaq. Tsuingshiq khaungx nuex nuiyc yauk phumz nuex rumvrc bomc poz vwuiyq tvkop taq hanphax phux yunghvlc hvlc tvhungx guirx vtueq paungc yaq kuex lawc shuinz! Tsuingshiq svmhung hungyungx htenc nuex vnac wuinx kuex loayc hvlc hvlc raz tueq tvwuirx wawz kuk svmx yaq.

Matthew 25:40

“Kvkaq Hokhvmx waz rueq, ‘Ngaz rueq nuimshiq muex vsuing jungx kuq ix, vruex inox tamx vwawc vruinx pinhtumc waz muex nuimshiq rueq shvlix lawx kuq shuinx kuex ngaz muex shvlix lawx kuy rvtueq!’ ngoz tueq tvralc tueq.

Matthew 5:16

Kvrulc rv-ngvlc nuimshiq rueq vhvlx lvmx phvnx vshuinx kuex miq rueq khiz lvp vtueq, raungmungx nuex httax yaq nuimshiq Waz muex mtvtsvmc kvmc kuq shueq, tsuingshiq htumc nuex nuimshiq raungwuic kuex tvwuic kuq shuinz.

Matthew 5:46

Nuimshiq rueq nuimshiq muex lungwawc jix dvyx lungwawx ruiux kuex nuimshiq Tishox kox wawc yvmx yauk mauk lac lvp shuinx? Muinghic jix rueq muinz kvkhoc kuex shuimx yaq!

Matthew 5:48

Kvkhoc rvtueq raungmungx wawc nuimshiq Waz kuex hunghtaungx yaq rvtueq rulc rv-ngvlc nuimshiq muinz hunghtaungx wuez kuinz!

Matthew 6:16

“Nuimshiq rueq phuiuz svy mamc ruiux yuq kvyonc yuk jix miq ikhoc htvlx tvyuiuq shvmx nauk tvkhic kaz. Tsuingshiq kuex miqmac rueq phuiuz svy mamc yaq lvmz tvkhic roc vtueq, tsuingshiq htvlx kuex tvyuiuq wuez yaq. Nuimshiq muex vsuing jungx ix, tsuingshiq rueq miqmac yauk mauk kuex vlvp lvy wuez shex rvtueq.

Matthew 6:9

Kvkhoc rvtueq nuimshiq rueq vkhoc vjux thoz shuinz: ‘Raungmungx nuex httax yaq nuiyshiq Waz lex, Vsawc mmuingc kuex mtvtsanc nganc wuez shueq;

Mark 8:15

Yesu rueq tsuinghez muex, “Nuimhez rueq Pharise nuk nuiyc Herod wisiz kvruex honc lvmz hvt maq koayc wuez shuinz,” ngoz tueq honc jungx kuq tueq.

Luke 11:35

Kvkhoc rvtueq nuimshiq nuex httax yaq vwuic kuex vnyauk yaungx kaz muq tvkoc honc lvmx shuinz.

Luke 12:1

Kvruex baunglaung miq paunghvlc vhingc maq rvtuimx kaz vtueq vdvmz dvmz rvnuiuz wvnc nuex httuiuc laz rv-phungc kaz koq tueq. Yesu rueq vpiq sangac hez muex kungkhux jungx phaungc wvnc tueq kuex, “Pharise nuk kvyonc yuk ngoz yaq wisiz kuex koayc wuez shuinz.

Luke 12:15

Kvruex yimaq tsuingshiq lotlaz muex vpiq rueq jungx tueq kuex, “Phvnx ruip saz nuex kvkax wax yaq kvwawc nuimshiq shauk pumz kuex kvguing kvwungx ruiux honc lvmz hvt rvshuinz, yvmx khoc lac ngoz ruiux lec mtanc dvyx luiz waungx ruiux muinz, piq rullungx shauk kuex tsak vnyvmx htauk nuex httax yaq rvmuq,” ngoz tueq.

Luke 16:15

Yesu rueq tsuingshiq muex, “Nuimshiq rueq miqmac shauk vgvnz kuex tsuingrux jix ikhoc miqmuik lawc nuex kvyaungx shaungx vtuinx, yuq muinz Tishox rueq nuimshiq thuinz vmungx kuex tuiuz yaq. Yvmx khoc lac ngoz ruiux lec miq rueq vhtawz vtsanz raungc raq yaq hup svmx htenc kuex Tishox khaungkac nuex htawz guez yaungx yaq.

John 12:43

Tsuingshiq kuex Tishox rueq tvtsvmc kvmc kuy htauk nuex, miq rueq tvtsvmc kvmc kuy kuex pinhtumc raungc raq yaq.

John 5:44

Nuimshiq kuex vdvmz dvmz tvtsvmc kvmc kuy dvyx roc vshuinx, yuq muinz vshiz dvyx httax yaq Tishox muex tvtsvmc kvmc tvkoc kuex hunglaungx muit. Kvkhoc rvtueq nuimshiq kuex ngaz muex yvmx khoc lac kvmluimx tuinx?

Acts 3:12

Peter rueq miq htenc kuex khiz vtueq, “Israel miqsaz htenc lex, yvmx ngoz tueq lac nvnueyc kuex lawc tvtsuingc laq phuinx? Nvnueyc luimc vkawc, nvnueyc honc vyaungc vhvlx maq vruex waz kuex tvkhuemc lot yaq ngoz tueq haz tvmaung vshuinx?

Galatians 6:12

Vhttoar gvnc vhtungx lvmc tvkoc nuimshiq muex laungc maq nvr yaq miq htenc kuex, yuzphic kox wawc tvtsuingc juing nuex dvyx kvsomc parc roc jix rvtueq. Yuq muinz kvkhoc shuimx kaz yaq lvmx kuex Christu yauk juinc bulx ningkhvnc nuex vguirc vguenc rvhumc hiz vtueq rvtueq.

TRI CHONGKE 24:13

piq rueq svmhung kvruex svmx vtueq kvtsoalx lvp tvkoc wvraungx yac tek yez kuq shuiuz. Kvkaq piq rueq mnoz muex kejux vyungx ngoz kuq kv-phux, Yehowa nuimshiq Tishox rueq muinz mnoz kuex raungc raq kv-phux.

Hebrews 11:26

Piq kuex Mesia rawc nuex shummarc rvhumc vtaungx kuex Ejip mungx wawc tsak vnyvmx lotlaz htauk nuex muinz pinhtumc raungc hvlc ngoz tueq tvmaung tueq, yvmx khoc lac ngoz ruiux lec piq rueq max kox nuex lvp wvnc juing somraungc yauk mauk rvwvl yaq.

Hebrews 2:1

Kvkhoc rvtueq naungshiq rueq lvmx tvyaq miq juing naungshiq rueq tay wvnc tiq tsuingrux lvmx nuex phaungx duingduing rvwak shuimc tvy juing rvtueq.

Hebrews 6:10

Tishox kuex tvrac vlvmz vguez waz rvmuq. Vpiq kuex nuimshiq rueq shuimx wvnc tuit yauk shuimc htenc muinz, vpiq muex lungwawx lvmx nuimshiq rueq tvkhic kuy tvkoc mvnnuex maq raz tueq majuiuc nuex httuiuc laz, Christan miqsaz vdvmz dvmz rvromc lawc yaq kvmuinz Tishox rueq lauk gay muq.

2 John 1:8

Nuiyshiq rueq shuimx wvnc tiq yauk shuimc kuex nuimshiq rueq nauk tvmoz gay kaz, kvruex dvyx nuimshiq yauk mauk kuex mvrc laz lvp wvnc wuez shuinz, miqmac honc lvmz wuez shuinz.