Luke 6:35 - ASII LAKDAP Bible (BSI)

³⁵ Riimak! Kiikhiika riimak! Namshiq ma wesang raliiti ka mangchan ronglaq. Kiimaq shamhea kaiwa kli shamkuq ronglaq. Tiinam kuq ronglaq, shatmaq atham jaü ka, naq tiima rongkiq. Namshiq akha sihan jiitiq, poksi jonghea milap han. Kiimaq, namshiq ka Ajong Shiikeawe setiim ma mija han. Ara jamkhano chong tiikang ngukla, apaiq riika kechutum sap makti nai abi maiqse tarü ma, maklii ashi maq mangchantlo.

Hawa Naga Bible 2001

³⁵ Kvkhoc rvtueq nuimshiq ralx waz kvmac lungwawx kuq shuinz, tsuingshiq muex vhvlx phvnx yauk shuimc shuimx kuq shuinz; phvnx shishiz tvyez lvp yek tvkoc nauk tvmaung kaz maq tvnvmc kuq shuinz; kvkhoc shuimx kaz ruiux yuq kuex nuimshiq rueq yauk noalc yunghvlc lvp vtueq, Johvlc Pinhtumc wawc Tishox vpiq sahez muex yaungx wuez tuinx. Yvmx khoc lac ngoz ruiux lec vpiq kejux tuiuz muq jix nuiyc layx bac jix muex muinz kejux yauk shuimc shuimx kuq yaq.

Muklom

³⁵ Etharin nim aa ralwa tangma tinmat inn etho ning ma jaqhal som ko inn; nam kot inn etho thawel kap eq ni ta nak tathin inn; eshimal ang ajo nim aa ajong kongpha kap nin, etho nim aa ajong Shkewa satang ang nin. Chammatakoi piq aa hanmoq tey nia miq jalak tang shima tho rapney manchan aa.

Luke 6:35 Referencias Cruzadas

Tvtsvmc 112:5

Kechu jonghea jurwa atsiiq namti ma jaqchii maq tiinam kuqtlaq; kiimaq tingting kappe sham raüta piikiitlaqti ma.

Tvtsvmc 145:9

Apaiq ka maiq loweatek ma ahea kiimaq apaiq raq phansang wantaq tarü ma mangchantlo.

Tvtsvmc 37:26

Apaiq raq wranaiqshe phemaq kuqtlo kiimaq maiq ma tiinam kuqtlo, krai mren asetiim ka shiiman jonghea.

Tvtsvmc 58:11

Maiqse raq mingu, “Tengto kechu maiqse ma poksi ke ka thukto dea; mangjong maiqse kha phoketi Shiikeawe ka asi dea.”

TAKSU LAK 19:17

Jurwa miitsan maiqse khrum kuq tlaq. Kriika Tatiwe ma ke riito. Tatiwe raq apaiq ma mipai kuq.

TAKSU LAK 22:9

Khot jokjok raüta, miitsan maiqse ma rai awong keti ka, achu shiiman jonghea milap.

Matthew 5:9

“Jurwa mungtsing miitu jaqshamtlaq kriiti chochi; Shiikeawe raq tsangshiq ka asetiim mingu!”

Mark 5:7

hong raüta akha siito, “Ratsan Ramong nyang na siti Shiikeawe Se Jesuq le! Ümniiraq ngi ka jamkhii riiho wa dan tlaü?”

Luke 1:32

Apaiq ka ajong pinthum miraq. Kiimaq Ajong Shiikeawe Se nguta mingu. Tati Shiikeawe raq apaiq ka, ati Dawit Hokham kiikha hokham ma mishong.

Luke 6:36

Nam We Shiikeawe ka mangchan kaü. Krai mren, namshiq min mangchan rüm lanta si ronglaq.”

John 13:35

Namshiq liipan na, riimang riichan maq singa wan lili riihan jiila, nanok tarü raq, namshiq ka i jaqshisetiim dea nguta misap.”

John 15:8

Namshiq ka apapa tsingo wan lili riihan jiitiq, i We khushü ka mijong wan. Krai mren, namshiq ka, awongsii i jaqshisetiim miishe mija wan han.

Acts 14:17

Li jiimin, Shiikeawe raq apaiq ka asi dea nguta sap wan miitu she, athuk atsom jaqsham pahea sham raüta, tsangshiq ma tiichhikuq wantlo. Apaiq raq namshiq ma rajun akhing khaqkhaq na tiijun kuqtlo. Raüta, namshiq ma tü atsam ka rahiq jipi akhing khaqkhaq na tiidong man kuqtlo. Apaiq raq namshiq ka, aphe arong maq, wok phetaktak maq si miitu tii-adung chamtraq kuqphaq siq tlo. Krai mren, namshiq ka wok phetaktak hea maq chojong chise shongnga lanta sitlan,” ngutiishe tsangshiq ma traho kuqto.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

2 Timothy 3:2

Maiqse angu ka maiqmii miitu tiimali she, asükha trangli she, ashkong wa trangli she, kiimaq atiibainge wa trangli she miraq. Tsangshiq ka maiqshu wa trangli she, anyung we bom tlea wa trangli she miraq. Maiq ma kechutum ke ka sap mak miraq. Kiimaq apii ashi jam min sapmak she miraq.