Matthew 27:32 - ASII LAKDAP Bible (BSI) Tsangshiq ka chela mong maq dongho ri li, Sairini chelati maiq weshi Simon nguta kra rai she riihumto. Raüta phenlanok raq apaiq ma Jesuq tübaiq chang pumsongkham tipi kriishe ningkun miishe tiipi hoto. Hawa Naga Bible 2001 Tsuingshiq kvtenc kaz wvnc yaq nuex, tsuinghez rueq Kirene miqsaz Simon muingc yaq miq washiz humc vtueq, Yesu yaukjuinc bulx kuex tvpic muex piq kuex laungc maq shvlx wvnc tueq. Muklom Ning ran náng sey thalat atho, ning aa Simon ta thamiing aa washey tha kap chongta. Piq Cyrene samhaq wang ajong miq angta. Ning aa Jesu bólq sha rok som kat ma Simon ma kachang chang aa batta. |
Lanta joksaü liiqse maiq wiijam triichom hea ronglaq. Raüta tsangshiq raq apaiq ma mantut na Shiikeawe ma nai hokhamwe ma mansonto nguta kha minyan laq. Kra lantea apaiq ka tiishutbaiq rong laq. Kiimaq apaiq ka chela phai na hitho lantea long maq tiitsai laq tiiqbaiq ronglaq.”
Raüta joksaü liiqse maiq wenai kriiraq mungmaiqse man na Naboth raq Shiikeawe ma nai hokhamwe ma mansonto nguta kha ka nyanto. Krai mren apaiq ka chela phai niishe hit hoto. Raüta kiijaq longmaq tiitsailaq tiiqbaiqto.
Raüta arthun ka kem phai na hiq ba asii apii chang riimak ba ngampü wabun raükitlaq ba kiina milamho. Raüta apaiq raq kiijaq chin phong chaq raüta kriithaq michaq baiqki.
Kra raütiishe apaiq raq minsaü pongwe maa kra piitiip phai na milamho. Raüta apaiq raq apaiq maiqmii ngarai miitu minsaü pongwe honglu na akuq chaq kitaq kiikhiisii wa na chaqbaiq kai chang. Arka mungmaiqse raq ngarai tangtaq kra tiisiibaiq miitu akuq honglu.
Kiimaq Ramwe Ajong Pinthumwe raq ngarai tang raüla mung khuthaq ashut klo raüla, apaiq raq minsaü pongwe are, akhum nyeajokjok ami atsi jam min ahü kra lam wan raüta apaiq ngarai miitu Tatiwe ma honglu na take chang.
Kiijiishe Jesuq raq ajaqshisetiim ma chongto, “Jurwa i jai phan wan ro tlaq, kriiti raq maiqmii khum ka alaq riibaiq raa.
Kiimaq namtijong nok phenlabi wa weshi raq namshiq ka apaiq thongkhiiq kra mengshi hoke ra nguta shiichut kiiphan jiila, mengnai hokuq ronglaq.
Tsangshiq ka Jesuq pumsongkham na tübaiq kai, lam na akai rai riito. Kra akhing na Sairini mung wa Jerusalem chela na wa nguta awa, maiq weshi Simon nguta kra rai riihumto. Apaiq ma ase nai mang ka Alekjendar nai Ruphas riito. Phenlanok raq, Jesuq pumsongkham tipi ka apaiq ma, ningkun miishe tiipi hoto.
Krai mren she, Roman phenlanok raq, Jesuq ka Pilat jam maq atü baiq kai miishe sheahoto. Tsangshiq ka lam na akairai lam maq, Sairini mungti maiq weshi ka Jerusalem chela na awarai kiiwa riihumto. Apaiq mang ka Simon. Tsangshiq raq Simon ka laphoto. Raüta, Jesuq pumsongkham ka Simon ma ningkun miishe, tiipi raüta, apaiq ka Jesuq jai na tiikhumto.
Jesuq raq apaiq pumsongkham kra piraüta chela phai na, “Khurii Hiqlam,” nguta hiq bashi kiina saüli kihoto. (Ara hiq ba ka Hibru bom maq Golgotha nguta ngutlo.)
Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.
Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.
Kiimaq, Phrigia nai Pamphilia mung wa, kiimaq Ejip mung nai Libia mung na Sairini chela binjü wa awa hai ahata. Nashiq wiijamti ka Rom chela wa aki hai ahata.
Shatmaq, apaiq ka sinagok ashi na siti, maiq wiijamti, maiqdi wa ada wan (akha mangtlaq) kong kriiraq ngengto. Kra sinagok phung niika, Sairini chela nai Alekjendria chela wa awa, Jehudinok min asi riito. Tsangshiq rai Jehudinok ahinti Silisia mung nai Asea mung wa awati ka chap rang raüta Stephen rai she riikhiihoto.
Raüta, apaiq ka Jerusalem chela chiiphai na hitho raüta, long maq tiiqbaiqto. Apaiq tsea baiq damti hakhibi thun raq, tsangshiq samtongjong thun ka, Saul nguta jero we ashi kiima tiikhe thüto.